以下事件以不記名方式記錄，如有雷同，實屬巧合兼且……要坐埋一檯！
話說有一日，某人捧住一碟醃好左嘅生雞脾正準備攞出去車房擺入雪櫃雪住碟野，留返晚飯嘅時候蒸熟黎食。打開門，雙手將碟雞脾「隊」入去面前嘅「雪櫃」，突然發現……
自己正準備放碟雞脾入去個洗衣機裡面!!!!!
話說有一日，有兩個人shopping完，正前往停車場攞車走人。行到自己架車泊嘅嗰行之時，其中一個突然大叫「有無攪錯呀！」頻率隨住迫近架車越叫越密，一邊行一邊不停「有無攪錯！有無攪錯！有無攪錯！（下刪N次有無攪錯！）」另外嗰個人推住架手推車係後面大吃一驚，佢亦不停問：「做咩？做咩？做咩？（下刪N個做咩）」只見前面嗰位有無攪錯企左係車前嚎叫，後面嗰個猛問「做咩？」原來眼前架車車尾比人撞爛左，機本上後半截車都笠左花左！於是「呀有無攪錯」就隨即轉身準備抄低左邊架車嘅車牌準備報警，但其實心中又好奇怪點解左邊架車無花架呢？正想抄人車牌之時，突然發現……
自己準備抄自己嘅車牌!!!!!
後面嗰個猛問「做咩」嘅此時話：你做乜猛對住人地架車大叫呀？
某日，有個人趕住返工，出門口前執好個袋就走左。到左公司後如常做野。此時嘅屋企唔見左一樣野，而嗰樣野就喺某人個袋裡面……
屋企個室內無線電話呢？
某年某月某日係香港九龍旺角附近，一輛私家車裡面坐左四個人。因為切線問題同另外一架車發生爭執，對方喺司機位個窗伸手入人地架車拍左司機個頭一下，繼而比佢自己個朋友勸服上返車。此時比人拍頭個司機嘅同車友人條氣唔順決定打999報警。同時司機吊住前面打人個司機架車。前面嗰架車遊花園企途撇甩後面架車，而嗰位報警嘅人士繼續同警方保持對話，一邊報告自己架車嘅位置。佢話：「係，係……我哋而家入左xx街（唔記得旺角嘅街名！)，係 係…..而家轉左入xx 街……係，而家入左……」我唔記得大部份嘅旺角街道名，但我一定記得有條街叫洗衣街，因為當時個朋友同警察講：
係，係，我地而家入左洗衣機！
當堂咩怒火都熄晒……
賴左尿嘅朋友快啲去換褲啦。做過同一樣事嘅過黎過黎一齊坐啦，癡癡呆呆，坐埋一檯！come on baby! 
呢篇blog。。。我係公司睇。。。笑到收唔到聲呀！！！！
等同自己用電話聽歌，但係度搵電話一樣
通常重會一路搵一路鬧：「妖！邊個pk攞左我個電話呀！」
禧媽,.,.你回來啦?? 我日日都入黎睇下你幾時浮面,.,.,.,.,.MISS YOU SO MUCHHHHHHHHHHHHHHHHHHHHHHH,.,.,WAHAHAHAHAHH!
日日？你咁樣，我老公真係會以為我地有路架啦！
我係唔會理旁人既眼光,.,.,.,只有真愛,.,.,WAHAHAHAHAHAHAHHA
靚女禧媽個BLOG終於好返啦,太好啦~~好掛住你地一家呀~~
係呀，我驚我再喺呔媽個「麥記檔口」賣我嘅「KFC」，我會比佢啲blog友打穫！
Oh 禧媽你終於回龜了！都不枉我三日唔埋兩日貢入嚟打個白鴿轉！你好嗎？係咪要掛死人先？
嚴禁借助本平台示愛！
可以追lu
你唔好追到我甩褲呀，如果唔係，我八月十五斜到你買馬輸馬，買六合彩中半個字架！
係「邪」，頂，字都開始唔記得點寫！
終於等到禧媽嗰blog復活喇!!!恭喜恭喜!
恭喜恭喜，我無身紀！
wow, the website launched again!!!
Miss your posts a lot!
其實佢一直都喺度，不過淨係我自己睇之嘛……
你個blog終於都有返啦，感動
喊濕幾多卷厠紙先？
直情喊濕幾個枕頭……
咁劈左幾多罐啤酒先？
Ha Ha Ha Ha ha heeeeee ……, Mother Hei, I do not what to write except laugh out loud. Help.
Your writing really gives me a lot of energy to carry on with the boring work.
救命, 睇完最後果個笑到收唔到聲. 喺人都知我返工睇你個 blog 啦!!
sorry, some more to share.
My great grand-mother answered the phone and said, ‘Hello!’ many times but people at other end of phone could not hear her. She got the right handset, but she turned it upside down, so she spoke to the part which was for hearing!
Hei ma! So happy to run into u at cousin cafe on sat! U look so skinny!!!
我一啲都唔瘦嘅，啲衫遮住左個腩咋！我次次撞到blog友嘅一刻都正係我最樣衰之時，希望下次再撞到時我會好樣少少！嗰日我塊面爆左幾粒大孖瘡呀！嗚~~~~~
Hope to run into u guys again soon! Didn’t have a chance to talk to Hei Hei!!! Why 007 wasn’t there gei?
係呀!我個衰仔好鈡意笑同爛玩!嗰日想同你講多謝!因為你個blog帶到好多正能量比我! Thank u hot mama!!!!
Haha 笑死！！！！
有時返到屋企除褲會好順手掉落垃圾筒
最賤係通常一手掉左唔想掉嘅野時，另外嗰隻手揸住想掉嘅野！
我最初仲諗住…..你做乜咁早就老人癡呆呀？不過睇埋其他人啲comments，原來咁多人都係咁！
唔好扮野，你都癡左好多年啦！come on baby, we are family!
依家真係俾Target.com攪到我老人癡呆！
my friend cooked a pot of soup. She wanted to separate the broth from the cooked ingrédients. So, she put a sieve over the sink to try to separate the soup. Ended up the soup went down the drain and she only kept the ingrédients which he did not want!
呢個肯定要爆粗先可以平衡到自己嘅情緒同平熄自己嘅怒火！咁你朋友最尾點算呢？無晒啲湯，即刻出街買唔買到？真係一殼眼淚呀！
嘻媽, 你好搞笑，但係我都唔弱, 我拿起電飯煲內膽去洗，跟住就去洗米，洗完米隨即倒入電飯煲….但係個電飯煲內膽仍然在枱上，重要是新電飯煲，重要唔止發生一次。個電飯煲真係掂吖。
講，邊隻牌子嘅電飯煲咁堅？同姊妹們分享下好喎！
仲有係, 將要煮既野倒入垃圾桶, 淨番d廚餘係度
呢個肯定係倒完嗰一刻想殺左自己，跟住對住個垃圾桶想喊！
兩個字, Mommy Brain!
我覺得啲老豆都會，不過有個老婆
arhahahahaha 笑到喊
其實我都成日諗住放d野入洗衣機但掉左入垃圾桶..隔幾秒先醒覺
同埋電話響聽電話,喂極都冇聲,原來係拎左搖控聽..
聽遙控呢個勁喎！有無電話響完都未笑完接唔切電話呢？
哈哈!! 正呀!
我都試過沖完涼明明應該拎d衫去洗衣機, 點知放左落垃圾桶, 哈哈!!!
呢個我覺得１０個有９個應該都試過嘅，不過９個裡面有幾多個會清醒返走返去執就唔知啦！
唔係呀嘛，我喺你心目中原來係咁癡呆架？
笑死我啦！由其時”洗衣機”哈哈哈！
多謝你呀，禧媽！
洗衣機真係百搭架，咩情況都有佢份！
爆趣
爆趣完，輪到你自爆啦喎，無理由你未試過上面啲老人癡呆野架喎！
哈哈哈哈! 禧媽妳講到繪影繪聲, 笑到我標眼淚!!
而我都做過類似” 放碟雞脾入去個洗衣機裡面” &
“放錯屋企個室內無線電話” …最勁個次, 著住2隻唔同款波鞋返工, 仲係唔同色, 好覺眼! 為唔比人知, 成日連廁所都唔去,死守係自己位. 一班同一時間放工時, 我第一個沖出去parking lot 走人!
著鴛鴦色鞋去返工咁爆！
比著我，我會即刻返屋企，一定要換返對鞋先見人！你堅呀，忍到放工！ 
