唔好諗錯隔離﹐同裝假野無關嘅呢篇blog!
我只係想對比下有仔女之後同無仔女之前有乜唔同啫。不過其實都同裝假野差唔多﹐各有各好嘅同時亦都係各有各唔好咁囉。
我發現﹐我未有之前﹐生活比較輕鬆自在﹐返工等放飯﹐食完晏等下午茶﹐食完tea等放工。而放咗工等去街或者返屋企癱C咁攤﹐鍾意幾點食飯就幾點﹐甚至唔食都得。鍾意幾點瞓就幾點瞓﹐甚至唔瞓都得﹐還掂返工嗰陣都係半釣魚狀態﹐無乜所謂。但係﹐自從有咗個仔之後﹐生活同輕鬆自在好似越嚟越遠。雖然喺外國叫做比起喺香港湊仔輕鬆少少﹐起碼學都返少過香港嘅小朋友一﹑兩年喇。但係並唔等如無野做架喎。起身之後﹐就要快D比佢食早餐﹐佢手腳慢﹐我食完自己嗰份九年﹐佢重喺樹左liu右liu﹐彈到周圍都係麥皮﹑奶﹐總之佢份早餐永遠都係周街都有﹐天一半時地又一半。唔睇住佢﹐佢有本事食到自己變咗舊化石都未食完﹐﹗要坐喺隔離督促佢一羹接一羹咁食﹐起碼都要半粒鐘。咁又無咗半粒鐘做家務。等佢食完重要執豌抹枱抹地(唔記得佢頭先彈到周圍都係嘅野食o拿﹖我真係唔明﹐佢坐喺飯廳食豌麥皮﹐但係我之後可以喺廁所﹑客廳﹑房間地下會見到麥皮﹗)有時連張high chair都慘不忍睹﹐唔知係張凳食定係佢食﹗唉﹗又要拆去洗。順便洗半個人咁高嘅衫。分顏色﹑分種類等等。執床執房﹐同個仔抹面梳頭換衫﹐跟住到自己。(係呀﹐我係食完早餐先刷牙洗面架而家﹗
一起身就標咗入廚房整早餐吖嘛﹐重要監督呢﹗)搞呢搞路差唔多十一點幾﹐吸下塵(起碼一粒鐘喇﹐抹埋地要至少三粒鐘﹐有時要分拆嚟做)差唔多放飯時間﹐整午餐﹐又監督下某人食野。煮得嚟食埋監督埋兩點幾三點。督促禧哥去刷牙洗面換衫瞓晏覺。之後嘅時間唔係我攤抖嘅時間喎﹐係工作時間。乾衣摺衫又得﹑抹埋D地又得﹑開始準備晚飯嘅野又得﹑出去掃地又得﹑淋花施肥又得﹑去買餸買日用品又得寫blog又得(好奢侈嘅時間)﹐清下mimi個砂盤﹐呢D野全部的需要時間做嘅﹐可能係我手腳慢啩。
條友仔四﹑五點起咗身﹐服侍佢食下野飲下奶﹐比佢玩下﹐跟住放佢去排毒﹐之後由佢老豆同佢沖涼。我就開始煮飯。七點幾食飯(係呀﹐呢排又回復以前咁晏食飯喇﹗唉﹗)食完飯食埋生果都八點幾九點﹐執野洗野抹野。做到一 半或者淨返少少﹐推咗口水禧去刷牙﹑洗手﹑洗面洗鼻去埋廁所﹐佢上床瞓覺先。我再戰廚房。或者係摺衫嘅黃金時間。十一點幾十二點自己都要清洗下自己喇。上o下網攤下點幾兩點去揾周公。半夜醒幾次起身睇下某人有無踢被﹑換片﹑check下房間溫度。(臨天光會幾凍下﹗暖爐開得多又怕太熱﹐開得少又驚凍)好難喺臨瞓嗰一刻開定一個度數就瞓到天光唔洗理。除非想熱醒佢或者凍病佢﹐兩樣我都賴野﹐我寧願起多幾次身好過。點解裝修咗都重係咁樣﹖無解﹐三藩市D溫差大吖嘛。夜晚瞓得唔好﹐朝早起身又一個唔好嘅循環。但係﹐呢個時間表係講緊一日幾順利嘅schedule嚟架喇﹐有時如果出咗去買野﹑去公園﹑睇醫生呀嗰D﹐個時間表又唔同﹐不過唯一唔會變嘅係絕對無空閒嘅時間。你可以唔信﹐但我有時可以忙到電話響都無手接嘅。
一起身就標咗入廚房整早餐吖嘛﹐重要監督呢﹗)搞呢搞路差唔多十一點幾﹐吸下塵(起碼一粒鐘喇﹐抹埋地要至少三粒鐘﹐有時要分拆嚟做)差唔多放飯時間﹐整午餐﹐又監督下某人食野。煮得嚟食埋監督埋兩點幾三點。督促禧哥去刷牙洗面換衫瞓晏覺。之後嘅時間唔係我攤抖嘅時間喎﹐係工作時間。乾衣摺衫又得﹑抹埋D地又得﹑開始準備晚飯嘅野又得﹑出去掃地又得﹑淋花施肥又得﹑去買餸買日用品又得寫blog又得(好奢侈嘅時間)﹐清下mimi個砂盤﹐呢D野全部的需要時間做嘅﹐可能係我手腳慢啩。條友仔四﹑五點起咗身﹐服侍佢食下野飲下奶﹐比佢玩下﹐跟住放佢去排毒﹐之後由佢老豆同佢沖涼。我就開始煮飯。七點幾食飯(係呀﹐呢排又回復以前咁晏食飯喇﹗唉﹗)食完飯食埋生果都八點幾九點﹐執野洗野抹野。做到一 半或者淨返少少﹐推咗口水禧去刷牙﹑洗手﹑洗面洗鼻去埋廁所﹐佢上床瞓覺先。我再戰廚房。或者係摺衫嘅黃金時間。十一點幾十二點自己都要清洗下自己喇。上o下網攤下點幾兩點去揾周公。半夜醒幾次起身睇下某人有無踢被﹑換片﹑check下房間溫度。(臨天光會幾凍下﹗暖爐開得多又怕太熱﹐開得少又驚凍)好難喺臨瞓嗰一刻開定一個度數就瞓到天光唔洗理。除非想熱醒佢或者凍病佢﹐兩樣我都賴野﹐我寧願起多幾次身好過。點解裝修咗都重係咁樣﹖無解﹐三藩市D溫差大吖嘛。夜晚瞓得唔好﹐朝早起身又一個唔好嘅循環。但係﹐呢個時間表係講緊一日幾順利嘅schedule嚟架喇﹐有時如果出咗去買野﹑去公園﹑睇醫生呀嗰D﹐個時間表又唔同﹐不過唯一唔會變嘅係絕對無空閒嘅時間。你可以唔信﹐但我有時可以忙到電話響都無手接嘅。
我絕對唔係喺度投訴呢份工﹐只係解答一D經常問我成日話忙忙忙﹐有乜咁忙嘅朋友。你睇上面黑色同紅色嘅對比﹐係咪好大分別呢﹖重返緊工嗰陣﹐我除咗以上嘅野要做之外﹐重要工作同湊一個完全唔可以自動波嘅口水禧﹗
「忙」呢家野﹐係唔洗考咗牌攞埋獎先可以認自己忙架﹗
曾經有人同我講﹕「執乜鬼野床吖你﹗夜晚都要瞓返架喇﹗吸乜鬼野塵抹乜鬼野地吖﹗」如果屋企有小朋友嘅人就會明白﹐清潔係好重要﹐由其禧哥有鼻敏感﹐我打乞痴打到甩鼻都唔緊要﹐但係你唔會忍心見個仔係咁打係咁流鼻涕捽鼻哥。你唔想佢喺地下同D塵喺樹look地﹐跟住又爬上張床度。你唔想佢執地下嘅垃圾玩﹐然後捽眼。咁唯有勤D清潔間屋囉。
曾經又有人同我講﹐「整乜鬼野蛋糕曲奇餅比個仔食吖﹗買咪得囉。」其實我都唔係好多時間整。不過得閑少少我會整。出面賣嗰D超甜或者勁鹹﹐我唔想佢食咁多。可以嘅話﹐最好咪食添。第時你慌佢開始返學之後唔勁食咩﹗家下喺屋企嘅時候就食清淡D喇。留返D quota吖嘛﹐係咪﹖所以佢無零食無汽水無果汁無糖食。只食yogurt,水果。近日我開咗個衰頭比佢食咗少少出面賣嘅小朋友餅﹐家下成日要食﹐反而唔食yogurt。我睬佢都傻﹗
曾經有人同我講早D送佢去day care 「咁你咪多D時間自己做自己野囉﹐傻婆﹗」我唔做野住就係因為佢﹐送去day care做咩啫﹖咪一樣要錢﹗有邊個會可以好似媽媽貼身照顧佢﹖與其喺嗰度hea﹐不如喺屋企hea﹐起碼食好﹑著好﹑瞓好﹐乾乾淨淨﹐雖然我真係無時間教佢D乜野﹐坐低一齊睇下書都無乜﹐但我盡量答佢問題﹐盡量同佢出去行下顛下﹐盡量做緊家務都抽少少時間同佢吹下水玩下講下笑。係無學術性喺度﹐但娛樂性豐富﹐包佢笑到震﹗其他父母送小朋友去day care有佢哋嘅原因。無理由做做下份工辭職唔做架嘛﹗我咁o岩比人laid off咗﹐就疊埋心水湊到佢返學適應咗先再去做野﹐咁我先過到自己心裡面嗰關。
「嘩﹗做媽媽真係唔化算﹐要犧牲咁多野嘅﹗制唔過喎。」係呀﹐諗清楚先喇。唔願意過咁樣嘅生活就唔好人生自己又走去生﹐生完劈埋一二邊唔Q理。餓死個BB﹑由得佢自生自滅咁折墮﹐呢個係一個責任﹐你咩得起先好咩﹐咩唔起唔好亂咩。大把人想咩都咩唔到﹗
一對黑到好似甩咗mascara嘅眼圈﹑一個同真實年齡差好遠嘅殘樣﹑一副應大唔大﹐唔應大嘅位就勁大嘅身才﹐一把粗豪到同C文嘅外表完全錯晒嘅聲線用嚟鬧仔﹐一對洗野洗到唔茶hand cream會乾到爆裂痕到爆炸嘅手﹑一條痛到想自己漚斷佢重新生過條嘅腰骨﹐一個打親核痴﹐大笑﹐咳嘅時候忍唔到會賴少少嘅「豁氧肌」(唔知係咪咁寫﹖)﹐一個唔夠瞓都要照運作嘅腦(一日24小時﹑一星期七日﹑一年300幾日都要隨時standby)等等等等…..等如乜野﹖
V
V
V
V
V
V
V
咪就係一個健康可愛嘅仔女
一個井井有條嘅家
一個人生快樂豐富嘅新階段囉﹗
