低等動物

兩點前我重好慶﹐不過而家個心有D涼意﹐好﹗我都唔介意打多一次呢篇blog。本來頭先打嘅時候我D怒火重未消﹐我嗰陣真係想出去對住個後園大聲嗌到全銀河系都聽到咁濟﹗你話我幾慶吖﹗

事緣今朝送口水禧去學游水﹐去到路口嘅stop sign停緊車嘅時候﹐見到面前條大街上擺咗好多雪糕筒喺每條間開行車線嘅白色線上﹐見我要行嘅嗰條線無野阻住﹐咁即係代表我可以入嗰條線喇﹐正常人如果唔想有車入去嗰條線都會擺個雪糕筒喺度阻住唔比車輛洗入架喇﹐係咪﹖你唔擺﹐咪即係入得囉。

我駛架車入去之前﹐喺個stop sign已經望清楚晒我條行車線係無野阻擋﹐於是我咪入囉。入咗之後﹐離我不到20尺嘅前面有個工人即刻示意叫我去到最前燈位嗰度就要扭過少少﹐停喺其他行車線上嘅車輛前面。咁即係條線佢哋其實係要用架喇﹗頂﹗又唔擺野阻住﹐人哋入咗線先叫人駛過D﹐咁我都盡量過D喇﹐但係嗰個係一個十字路口﹐我架車又長又大﹐無可能值泊﹐咁樣會凸咗個車頭出去﹐博比人撞咩﹗咁我咪扭過少少呔﹐盡可能駛過一邊比返條線佢哋囉。咁架車個車尾點都會擲到少少界架喇﹐除非我成架車打橫泊喺條行人過馬路嘅線上面架啫﹐當時又紅燈﹐D 行人要過馬路架嘛﹐我已經好樣衰咁打橫停喺所有車前面再block埋行人線﹐夠晒瘀皮架喇﹐點知有條粉腸重要走嚟我車頭大聲呼喝我﹐要我再過少少﹐因為我架車阻住佢哋架工程車入我條線。曲佢個街吖﹐叫人駛開架車洗唔洗咁大聲喝人呀﹖我點Q知佢有工程車喺wrong way對頭車咁入我條線呀﹖工程車大Q晒呀﹐都要守交通規則架﹐係嘩﹖呢班PK﹐唔可以等我轉返綠燈嘅時候駛走咗先比架工程車入嚟架咩﹖還掂佢哋都唔守交通規則架喇﹐爭嗰幾廿秒都唔等得﹐趕住去投胎咩﹐整佢個制﹗我有位過﹐我會突登唔過咩﹖過到先得架﹖唔通衝出去個十字路口入面比車撞呀好唔好﹗死低能﹐自己擺雪糕筒擺到小型賽車咁亂﹐唔想人入線又唔封咗條線﹐重鬧我阻佢架車﹗

一路鬧重要鬧我STUPID F*CK喎(佢一路行開一路重鬧緊﹐唔知個f*ck字後面重有無野)﹐呢下真係唔火就假。燒佢數簿吖﹐黐咗邊條線呀﹐當街當巷咁樣侮辱我﹖妖你呀﹖而家邊X個錯呀﹖重用粗口鬧我﹖﹖﹖﹖﹖係咪見我係中國女人又帶住個細路特別好蝦呀家陣﹖唔打開窗問候返佢我重係人嚟嘅﹖當住咁多人面前(有D司機打開晒窗停喺紅燈前﹐實聽到佢咁樣鬧我)叫我stupid f*ck?你個口得閒就去揾舊屎塞住佢喇﹐撼包散﹗﹗﹗﹗﹗真係慶到我屎都滾﹗

車咗口水禧去游水﹐越諗越慶﹐谷鬼氣﹐叫禧爸嚟睇住個仔游﹐我要返去同嗰條PK死過呀﹗如果頭先唔係口水禧喺車度﹐我落咗車九年喇﹗禧爸嚟到話不如等口水禧游完一齊去理論喇。都好﹐半粒鐘啫﹐等囉。

點知落咗堂返去唔見晒班PK﹐重慶﹗無仇報﹖﹖﹖﹖啖氣我點都啃唔落架喇﹐我好憎D男人喺街蝦女司機﹐重要係有色種族嘅女司機添﹗佢自己都係有色架喇﹐做咩呀﹖家下女人好蝦D呀﹗你呀媽唔係女人呀﹖你咪娶女人做老婆﹐娶個男人吖笨﹗

谷住條氣好唔順﹐唔揾個地方發洩唔得呀。打去city辦工室投訴﹐佢哋話班有係外判公司嘅人﹐代佢哋同我道歉。道咩歉啫﹖又唔係佢鬧我﹐冤有頭債有主﹐我唔會揾唔關事嘅人嚟祭旗嘅。問佢攞咗間外判公司嘅電話打去再投訴。接線生開頭都無乜禮貌﹐重激起我把火多兩錢重﹐我話佢知我已經打咗電話去city投訴佢公司嘅工人用粗口鬧我﹐佢聽到我話殺到去判工程比佢公司做嘅city辦公室之後講野先似返個人。

佢話D工人好唔鍾意D車駛入去佢哋做野嘅地方﹐因為之前試過D工人比車撞親。我話如果係佢哋擺咗雪糕筒或者有牌指示不准駛入我都照入嘅話﹐咁就我自己抵死啫﹔家下係佢哋自己無清楚指示搞到我入咗條線重要咁尷尬又混亂﹐唔係我錯喇啩﹗即使係我錯都好﹐唔洗當眾大聲鬧我stupid f*ck嚟侮辱我呀嘩﹖一個牛高馬大嘅大男人蝦我一個女人同小朋友﹐去剪jer jer喇你﹗

我話我要佢公司出書面同我道歉﹐叫佢email比我。不過嗰個人話唔想個工人知道我嘅資料﹐但係承諾話會開會跟進。會叫嗰個曲街佬簽野收警告﹐如再犯即炒。好吖﹐炒喇﹐佢咁嘅死款唔洗好耐就會再問候第二個人架喇﹐快D炒佢喇﹗雖然我係唔會知道究竟間公司係唔係會警告佢定係純粹膚衍我﹐唔緊要﹗下次我再遇到呢D低等動物﹐我一定抄低佢公司電話打去投訴兼打去city投訴。等佢老細諗下應該保住個周街侮辱人嘅員工定係保住公司鐵飯豌重要D。有本事唔好接成個city嘅工程做囉咁叻。

雖則斷人衣食有如殺人父母﹐搞到人哋無飯開。車﹗佢把口係食飯架咩﹖我重以為係食屎大嘅添﹐咁乸臭﹗Stupid f*ck吖o拿﹗鬧得咁爽﹐返去自f*ck喇﹗ diu la sing!