o都野

我細個見到收銀員收錢嘅時候噤部收銀機D制就真係好想大個都可以買部收銀機返屋企噤餐飽。(係﹐我係無聊兼有D低低哋﹗)估唔到呢個僻好竟然傳咗比口水禧﹐佢都有鋪噤制癮嘅。

到咗大個之後﹐我又對超市入面收銀員o都貨品價錢嗰下﹐唔好問點解對呢樣野咁有興趣﹐我自己都唔知。曾幾何時﹐我同禧爸講﹐第日我老咗而你又瓜早過我嘅話﹐個仔又有佢自己頭家都唔理得我咁多﹐咁我悶悶哋就會去做收銀員﹐o都下o都下又一日﹐重可以賺D錢自己洗之餘﹐又有醫療保險添﹗唔係講笑呀﹐真係有D呀婆呀公幾廿歲都重喺超市或者百貨公司做收銀員架﹐佢哋好enjoy好熱情同每一個客人吹下水又收下錢咁﹐好有活力架﹗我曾經見過有個婆婆日日都化晒妝﹐恤到個頭成個波咁﹐戴好多朱二醒去返工o都野﹐副眼鏡重係漸變色嗰隻嚟添﹐幾咁追上潮流呀佢﹗呢度嘅人﹐普遍都唔會覺得老@@重要出嚟做野賺錢係無面嘅﹐有D老人家重會覺得自己咁大年紀但重可以自己揸車出出入入﹐返工放工係好勁嘅事嚟架﹗(當然﹐嗰D有一百幾廿億身家嘅人就梗係唔會做野喇﹗)

呢度嘅百貨公司有好多部機安喺每個角落比客人o都野check價錢﹐因為佢哋未必會件件貨品都貼個價錢招紙﹐所以客人如果想查清楚件貨幾錢先買﹐就可以攞件貨去嗰D機度

o都下﹐咁就會一目了然架喇。

我以前都好鍾意玩嗰D機架﹗

不過家下已經有另外一D野吸引我﹐就係self-check out嘅機。客人自己攞D貨去自動收銀處o都﹐跟住結數比錢攞收據擺貨入袋一站式通通自己搞掂。非常方便﹐唔洗排長龍等餐C﹗

話明有遺傳﹐嗰隻野梗係盡得我真傳﹐又係好迷呢D 自動繳費機玩意喇﹗

條片係用佢老豆部電話錄嘅﹐唔知點解調唔到直嘅?

重有﹐預先解答埋大家嘅疑問﹐買咗N咁多盒嘅係牛油﹐襯大減價入貨﹐夠我哋食成年﹗無計﹐窮等人家係咁樣買野架喇﹗