嘩 ﹐ 唔 掂 喇 ﹐ D 留 言 爭 住 先 ﹐ 分 返 到 去 先 「 覆 you」 ﹗ 
鬼 整 佢 個 死 人 南 極 星 ﹐ 做 乜 無 喇 喇 D 字 會 隔 疏 咗 架 呢 ﹖ 
嚟 到 Maui之 旅 嘅 第 四 日 喇 ﹐ 日 日 嘅 節 目 不 外 乎 係 食 同 游 水 ﹐ 本 來 想 去 嗰 D 潛 艇 團 ﹑ 水 族 館 ﹑ 觀 鯨 觀 海 豚 等 等 ﹐ 但 最 後 決 定 唔 鬼 去 住 ﹐ 點 解 唔 去 呢 ……一 陣 自 有 分 曉 。 
朝 早 擘 大 眼 第 一 件 事 就 係 諗 下 去 邊 度 食 早 餐 。 揾 到 間 話 又 平 又 OK 嘅 食 店 ﹐ 三 條 友 起 身 梳 洗 後 又 雞 咁 腳 出 門 去 醫 肚 。 地 點 係 Lahaina 市 嘅 downtown 裡 面﹐ 我 諗 呢 度 都 幾 出 名 ﹐ 因 為 十 年 前 我 同 禧 爸 都 嚟 過 ﹐ 哎 呀 ﹐ 個 衰 佬 又 幾 好 記 性 喎 ﹐ 行 行 下 突 然 話 ﹕「 呢 度 我 同 你 嚟 過 喇 上 次 ﹗ 」 我 都 要 諗 咗 好 耐 先 有 少 少 記 憶 ﹐ 真 係 佢 唔 提 我 就 當 自 己 第 一 次 嚟 架 喇 ﹗ 
呢 個 公 園 最 特 別 嘅 地 方 係 呢 棵 大 到 你 唔 信 嘅 樹 ﹐ 如 果 話 你 知 其 實 佢 係 一 棵 樹 嚟 嘅﹐ 會 唔 會 以 為 我 呃 你 呢 ﹖ 但 佢 真 一 棵 嚟 架 ﹐ 你 見 到 嘅 其 他 樹 腳 其 實 行 近 D睇 嘅 話 就 會 見 到 係 棵 樹 嘅 氣 根 生 到 落 地 ﹐ 搞 搞 下 變 到 樹 幹 咁 粗 ﹐ 望 落 以 為 係 另 一 棵 樹 架 咋 大 佬 ﹗
棵 野 大 到 可 以 一 個 頂 成 個 公 園 嘅 範 圍 ﹐ 行 入 去 個 公 園 企 喺 棵 樹 低 下 ﹐ 好 似 企 喺 冷 氣 房 咁 涼 ﹐ 話 之 你 出 面 曬 到 變 炭 ﹐ 熱 到 溶 都 好 喇 ﹐ 呢 度 會 令 你 唔 知 出 面 幾 多 度 嘅 ﹗
因 為 呢 個 公 園 ﹐ 我 先 記 得 曾 經 嚟 過 咋 ﹗ 
間 食 店 實 在 太 豆 泥 喇 ﹐ 揾 咗 一 輪 都 揾 唔 到 佢 ﹐ 打 去 間 野 問 佢 位 置 ﹐ 佢 話 喺 圖 書 館 附 近 喎 ﹐ 圖 書 館 ﹖ 遊 客 區 又 會 無 喇 喇 有 間 圖 書 館 架 呢 ﹖
呢 度 好 多 呢 隻 style嘅 建 築 ﹐ 可 以 話 佢 有 型 ﹐ 但 又 可 以 話 佢 恐 怖 。 執 得 靚 咪 有 型 囉 ﹐ 唔 執 嗰 D 好 鬼 似 鬼 屋 ﹗有 D 有 成 百 幾 年 歷 史 ﹐ 成 日 睇 電 視 播 埋 D 鬼 屋 節 目 通 常 都 有 呢 款 嘅 屋 。 所 以 買 屋 遇 著 呢 隻 style 嘅 話 ﹐ 最 好 都 係 問 清 楚 間 野 嘅 歷 史 好 D。
呢 間 被 我 誤 以 為 係 公 廁 嘅 野 ﹐ 實 則 就 係 圖 書 館 喇 ﹗ 我 圍 咗 佢 行 咗 一 圈 ﹐ 裡 面 係 開 風 扇 ﹐ 播 晒 D 夏 威 夷 風 味 嘅 歌 兼 開 曬 窗 嘅 。 重 有 就 係 唔 覺 有 開 燈 。
相 中 企 喺 樹 下 嘅 男 人 疑 似 傻 佬 或 者 流 浪 漢 咁 款 ﹐ 所 以 我 都 唔 敢 行 咁 埋 間 野 影 相 。 美 國 有 D 流 浪 漢 祭 齋 睇 外 貌 你 未 必 知 佢 真 正 嘅 身 份 ﹐ 直 至 睇 到 佢 揸 住 張 卡 紙 寫 住 “Hungry, no job, no food. Please help. God Bless You!”﹐ 咁 你 就 可 以 肯 定 佢 係 問 人 攞 錢 嘅 homeless 流 浪 漢 。 呢 度 唔 叫 呢 D 做 begger (乞 衣 )﹐ 只 會 稱 呼 佢 哋 做 無 家 可 歸 嘅 流 浪 漢 。 唔 好 睇 小 佢 哋 ﹐ 有 時 我 覺 得 我 出 街 嘅 造 型 似 homeless 多 過 佢 哋﹐ 晚 下 手 我 同 禧 爸 企 喺 路 邊 揸 張 卡 紙 可 能 會 乞 得 多 錢 過 佢 哋 ﹗ 點 解 ﹖ 佢 哋 D 衫 無 香 港 嘅 乞 衣 咁 污 糟 ﹐ 個 頭 亦 唔 會 出 現 髮 餅 ﹐ 手 手 腳 腳 唔 會 好 污 糟 ﹐ 有 時 D 衫 褲 鞋 襪 重 靚 過 我 身 上 嗰 件 。 所 以 講 造 型 ﹐ 佢 哋 未 必 贏 我 架 ﹗ 至 少 我 個 頭 可 以 比 佢 哋 更 瘋 顛 先 喇 ﹐ 有 呀 禧 哥 喺 度 幫 手 ﹗
終 於 揾 到 間 野 ﹐ 叫 做 Sunrise Cafe。 睇 個 門 面 就 知 道 間 野 好 地 茂 style 喇 ﹗ 價 錢 嚟 講 係 咁 多 日 我 見 過 叫 咗 好 平 嘅 一 間 ﹐ 一 分 錢 一 分 貨 ﹐ 有 時 比 好 貴 嘅 價 錢 除 咗 係 食 物 質 素 嘅 分 別 ﹐ 重 有 就 係 間 野 裝 橫 嘅 差 別 囉 。 唔 緊 要 ﹐ 我 哋 照 入 。
你 睇 個 造 型 係 咪 好 有 香 港 離 島 以 前 D 鋪 仔 嘅 feel 先 ﹖ 門 口 重 可 以 亂 咁 泊 車 ﹐ 直 頭 係 似 嗰 D 見 到 抄 牌 人 嚟 到 ﹐ 自 己 食 緊 塊 午 餐 肉 一 路 颷 住 出 去 大 叫 「 走 架 喇 ﹗ 走 架 喇 ﹗ 呀 sir/madam﹐ 比 次 機 會 ﹗ 」 。
我 試 過 有 個 朋 友 喺 九 龍 城 食 食 下 魚 蛋 粉 ﹐ 鋪 頭 淥 麵 嗰 個 呀 叔 大 叫 一 聲 「 抄 牌 呀 ﹗」 ﹐ 成 間 野 D 男 人 衝 晒 出 去 救 車 。 過 咗 一 陣 我 朋 友 入 返 嚟 笑 笑 口 話 無 抄 到 ﹐ 原 因 係 佢 架 車 太 污 糟 ﹐ 個 抄 牌 呀 sir 睇 唔 到 張 行 車 證 ﹐ 我 朋 友 出 去 嗰 陣 ﹐ 個 呀 sir 啱 啱 捽 緊 塊 擋 風 玻 璃 ﹐ 所 以 重 未 落 簿 抄 。 咁 我 個 朋 友 先 避 過 一 劫 。
呢 隻 膠 凳 喺 美 國 真 係 未 見 過 咁 濟 ﹗ 竟 然 喺 Maui 重 遇 ﹗
棵 樹 比 人 鑒 粗 鋸 咗 一 忽 去 。
我 都 唔 知 今 趟 嚟 玩 發 咗 咩 顛 ﹐ 朝 朝 都 食 egg benedict﹐ 試 咗 幾 間 ﹐ 都 係 第 一 間 最 好 食 。 梗 係 喇 ﹐ 呢 個 喺 第 一 間 價 錢 嘅 一 半 喎 ﹐ 質 素 無 得 要 求 咁 多 架 喇 ﹗ 一 路 食 重 要 撥 下 手 趕 下 烏 蠅 咁 喇 ﹐ 我 喺 印 尼 都 試 過 呢 D 烏 蠅 餐 ﹐ 所 以 呢 度 嘅 烏 蠅 對 我 係 完 全 無 威 脅 嘅 。
口 水 禧 就 梗 係 pancake 喇 。 唔 講 唔 知 ﹐ 原 來 可 以 咁 樣 落 D 朱 古 力 豆 落 去 一 齊 食 架 喎 ﹗ 好 ﹐ 又 學 多 樣 野 ﹗
食 完 行 出 少 少 就 係 海 皮 ﹐ 有 好 多 人 喺 度 蓆 地 而 睡﹐ 一 大 班 人 坐 喺 度 睇 下 風 景 傾 下 計 曬 太 陽 。 有 D 人 就 跳 落 海 游 水 或 者 衝 下 浪 。 見 到 呢 D 情 景 就 真 係 覺 得 自 己 喺 度 放 緊 假 。
曾 經 聽 過 話 夏 威 夷 政 府 間 唔 中 會 割 D 椰 子 樹 上 嘅 椰 子 落 嚟 ﹐ 因 為 試 過 有 人 企 喺 街 上 嘅 椰 子 樹 側 邊 比 樹 上 嘅 椰 子 跌 落 嚟 dup 到 頭﹐ 嗰 個 人 後 來 告 政 府 贏 咗 獲 得 賠 償 ﹐ 之 後 好 多 人 紛 紛 走 去 街 上 揾 椰 子 樹 ﹐ 企 喺 側 邊 等 椰 子 跌 落 嚟 扑 頭 然 後 去 屈 政 府 錢 ﹐ 於 是 政 府 就 唔 比 街 上 嘅 椰 子 樹 有 椰 子 喇 。 堅 定 流 就 唔 知 ﹐ 因 為 喺 Maui 周 街 嘅 椰 子 樹 上 都 掛 住 大 抽 椰 子 喺 度 ﹐ 唔 覺 有 人 去 割 喎 。 
呢 度 D 浪 好 騎 呢 ﹐ 成 個 海 東 一 忽 浪 西 一 忽 浪 ﹐ 四 方 八 面 咁 而 唔 係 向 同 一 方 向 去 架 喎 。 有 D 人 攬 住 塊 滑 板 喺 個 海 中 間 等 呀 等 ﹐ 就 係 為 咗 等 D 巨 浪 衝 埋 嚟 ﹐ 但 有 時 真 係 唔 好 彩 ﹐ 忽 忽 都 有 浪﹐ 但 就 硬 係 自 己 等 嗰 忽 無 料 到 ﹐ 變 咗 成 隻 龜 咁 浮 下 浮 下 戇 居 居 ﹗
反 艇 ﹖ 
成 班 輕 功 水 上 漂 緊 ……
呢 條 友 坐 得 咁 含 蓄 嘅 ﹖ 完 全 唔 係 佢 跳 脫 嘅 style 喎 ﹗ 梗 係 那 ﹐ 驚 跌 落 海 吖 嘛 ﹗
個 老 豆 幾 乎 想 用 「 咩 帶」 「咩」 住 個 仔 以 防 佢 跳 海 ﹗
睇 下 個 呀 媽 坐 得 幾 咁 豪 氣 ﹐ 係 咪 好 有 自 由 行 D 呀 嬸 feel呢 ﹖ 
海 灘 加 chok 禧 ……我 …..我……有 D 飽 呀 ﹗ 
扮 完 睇 海 呢 D 懶 有 型 動 作 之 後 ﹐ 我 哋 就 走 咗 去 頭 先 間 地 茂 隔 離 嘅 雪 糕 店 買 雪 糕 食 。 呢 間 野 ﹐ 我 已 經 食 咗 兩 獲 ﹐ 得 ﹗
dickenson 街 夾 front 街 嘅 Lappert’s。 朋 友 介 紹 ﹐ 一 食 ﹐ 愛 上 。
我 平 時 食 雪 糕 淨 係 食 朱 古 力 或 咖 啡 味 ﹐ 其 他 唔 食 ﹐ 尤 其 最 驚 生 果 味 嗰 D。 但 係 嗰 日 朋 友 介 紹 話 隻 coconut and pineapple (椰 子 菠 蘿 ) 好 掂 ﹐ 一 試 ﹐ 嘩 頂 ﹗ 好 介 紹 唔 介 紹 ﹐ 介 紹 隻 咁 嘅 野 我 食 ﹐ 攞 命 咩 ﹗ 
一 啖 食 落 去 ﹐ 雪 糕 裡 面 有 椰 絲 同 埋 菠 蘿 肉﹐撞 鬼 佢 吖 ﹐ 兩 樣 野 嘅 味 道 啱 啱 好 ﹐ 唔 會 互 相 搶 咗 另 外 一 隻 味 。 我 第 一 晚 食 另 外 一 間 同 一 款 嘅 雪 糕 ﹐ 但 係 就 齋 得 個 椰 子 味 ﹐ 完 全 無 菠 蘿 味 ﹐ 莫 講 話 有 菠 蘿 肉 喺 度 。
所 以 呢 間 唔 試 就 真 係 把 鬼 喇 你 ﹗ 除 非 你 食 咗 雪 糕 會 賴 X……
要 出 去 食 飯 喇 ﹐ 寫 住 咁 多 先 ﹗ 
