呢期嘅口水禧愛上跟地下嘅線﹑坑紋﹑格仔嚟行路﹐總之但凡係有圖案嘅地面都係佢落腳嘅目標對象。突然諗起好耐之前睇過一套西片﹐講述幾廿年前有間醫院研究D患有老人痴呆嘅病人﹐佢哋其中一個特徵就係好鍾意沿住地下嘅黑白方格行路。即係行開黑色嘅就會淨係行黑色﹐C都唔會行去白色嗰格。但如果放佢哋去D地方地下無黑白方格嘅話﹐呢個病人會完全唔行﹐企喺度發呆。
口水禧當然唔係老人痴呆喇﹐佢呀媽痴呆都未輪到佢喇。不過有日喺廚房佢行地板上個格仔之時令我諗起套戲而已。
係咪夠晒無聊呀我哋兩母子﹖
有時真係覺得D細路好簡單﹐咁樣都可以玩一大餐﹐笑到反肚咁款。你屋企有呢D 地板或地氈有圖案﹐而你同小朋友有夠無聊嘅話都可以當係一個消磨時間嘅好節目架﹗
有時真係覺得D細路好簡單﹐咁樣都可以玩一大餐﹐笑到反肚咁款。你屋企有呢D 地板或地氈有圖案﹐而你同小朋友有夠無聊嘅話都可以當係一個消磨時間嘅好節目架﹗
