口 水 禧 有 老 婆 又 有 女 友 ﹐ 艷 福 無 邊 ﹗
呢 位 Winnie小 姐 喺 2008年 10月 31日 正 式 闖 入 口 水 禧 嘅 人 生 。
點 解 咁 記 得 邊 日 ﹖
因 為 嗰 日 係 萬 聖 節 ﹐
Winnie嘅 小 主 人 要 去 開 party﹐
Winnie個 「 老 豆 呀 媽」 要 同 初 到 貴 境 嘅 新 成 員 單 打 獨 鬥 ﹐
嗰 兩 個 老 野 唔 係 我 哋 三 件 食 完 飯 liu liu牙 去 睇 狗 嘅 話 ﹐
嗰 晚 都 唔 洗 旨 意 有 飯 開 呀 ﹗ 
芳 齡 三 歲 嘅 Winnie姐 ﹐
曾 經 對 口 水 禧 著 迷 到 一 見 面 就 要 即 刻 嚟 個 濕 吻 ﹗
繼 而 係 契 而 不 捨 嘅 口 水 洗 面 ﹑ 熊 抱 ﹑ 啜 啜 ……
又 攬 又 錫 ﹐ 當 我 哋 無 到 ﹗
當 時 身 高 只 有 兩 尺 嘅 口 水 禧 防 範 唔 到 ﹐
唯 有 硬 食 。 
自 此 ﹐ 去 親 見 Winnie,
口 水 禧 都 唔 洗 再 搽 潤 唇 膏 ﹗ 
如 今 ﹐ Winnie已 經 成 為 熟 女 一 名 ﹐
見 到 口 水 禧 之 時 都 唔 會 再 咁 「 放 蕩」 ﹗
最 多 都 係 跳 下 扭 腰 舞 ﹐
個 屁 股 係 咁 「 bell 」 係 咁 「 bell」 就 算 ﹐
有 時 都 驚 佢 會 扭 親 腰 ﹗
bell完 一 輪 ﹐ winnie就 會 走 開 ﹐
唔 再 纏 住 口 水 禧 。
我 哋 個 個 都 話 可 能 係 winnie已 經 大 個 ﹐
唔 鍾 意 再 好 似 小 朋 友 咁 揾 返 小 朋 友 玩 。
人 哋 話 狗 一 歲 等 如 人 七 歲 ﹐
Winnie姐 家 陣 已 經 廿 一 歲 ﹐
口 水 禧 呢 D太 幼 稚 ﹐
完 全 唔 啱 Winnie口 味 喇 。 
唉 ﹗ 繼 summer school之 後 ﹐
口 水 禧 又 失 戀 ﹗ 
問 世 間 情 是 何 物 ﹖
直 教 件 件 散 水 ﹖ 
Winnie唔 睬 我 咩 ﹖ 無 問 題 ﹗
醉 翁 之 意 不 在 狗 ﹐
在 於 Winnie 嘅 玩 具 ﹗
而 家 去 親 Winnie屋 企 都 唔 洗 帶 玩 具 ﹐
口 水 禧 一 入 去 就 唔 客 氣 咁 倒 晒 Winnie 嘅 玩 具 出 嚟 玩 。
Winnie? 你 有 你 玩 ﹐ 我 有 我 瞓 。 
間 唔 中 見 口 水 禧 攞 住 個 有 聲 嘅 ﹐
Winnie都 會 埋 去 試 圖 老 笠 ﹐
但 口 水 禧 無 家 教 呀 ﹐
獨 霸 玩 具 唔 讓 Winnie。
睇 下 張 相 幾 貌 合 神 離 ﹖
此 情 不 再 喇 ﹐ 傻 佬 ﹗
唔 好 黐 咁 埋 扮 熟 呀 ﹗
有 相 為 證 ﹐ Winnie轉 過 頭 想 攞 口 水 禧 手 中 玩 具 ﹐
口 水 禧 唔 單 止 唔 比 返 人 ﹐
重 轉 身 避 開 Winnie添 ﹗
Winnie: 「 禧 哥 ﹐ 你 個 樣 洗 唔 洗 咁 賊 眉 賊 眼 呀 ﹗ 」
是 日 係 Winnie 的 三 歲 生 日 派 對 ﹐
壽 星 女 唔 知 咩 事 突 然 殺 出 三 件 蛋 散 ﹗
細 嘅 嚟 搶 玩 具 ﹔
女 嘅 吱 吱 喳 喳 ﹔
男 嘅 係 咁 BBQ。
最 後 ﹐ 似 係 我 哋 幾 個 人 類 嘅 生 日 ﹐
Winnie 係 凳 腳 咁 。
但 我 見 到 Winnie嗰 晚 有 大 餐 食 ﹔
有 禮 物 收 ﹔
有 狗 狗 曲 奇 餅 做 甜 品 。
下 一 世 ﹐ 我 都 想 做 Winnie。 
