自從口水禧開咗學之後﹐我強烈咁覺得自己又重返校園﹐過緊幼稚園嘅校園生活﹐我嘅學生生涯又再度反生﹗ 皆因今年多手工做﹐ 所以差唔多個個禮拜老師都有野比我帶返屋企剪剪貼貼﹐幫D細路準備好D教材﹐等佢可以一上堂就有得用。雖知我嘅手工藝就真係數一數二……差嗰隻水平﹐尤其係剪野方面﹐我特別有障礙﹐可能係細個嗰陣無乜去playgroup訓練D咩小里肌﹑大里肌(我淨係識邊個係李龍基咋﹗
八十後應該以為我黐咗線唔知講緊乜……
)唔打緊喇﹐都係想表達我對手唔靈巧嘅特點啫。加上我個人嘅衰格﹐寧舍鍾意臨急抱佛腳﹐唔燒到眼眉都唔開始剪﹐結果個下場就係……
剪到PK﹐開幾晚夜﹐揸較剪揸到甩皮﹐無錯﹐係甩皮﹐因為揸得太大力嘅原故……
呢期禧爸突然話要踩單車做運動﹐重物色緊買架單車週末嘅時候踩下。人到中年可能開始驚生老病死呢D野。都啱嘅﹐注意下自己嘅健康﹐長命D嘅話就可以睇得口水禧耐D﹐老咗都可以繼續享受人生﹐唔洗攤喺床上面周身都唔郁得﹐亦唔會帶比兒女唔方便。而家年紀有返咁上下﹐開始明白點解禧婆婆成日都話老咗怕成為兒女嘅負擔﹐尤其口水禧無兄弟姐妹﹐如果我同禧爸身體有毛病﹐盞令到口水禧一個人要照顧我哋兩個超辛苦。
所以禧爸就盟起要做運動嘅念頭﹐加埋口水禧都鍾意跑跑跳跳無時停﹐帶埋佢一齊去踩就最好喇。
平時佢哋喺屋企附近踩嘅話﹐我就會留喺屋企抹地打掃﹐好少陪佢哋去踩單車。因為一個人喺屋企對C9嚟講係黃金時間嚟架﹗你會發現平時要三個鐘先做完嘅野﹐如果得你一個人喺屋企做嘅話﹐個幾鐘就搞掂。所以我不能放過呢D黃金機會。不過嗰日見佢哋去咁遠嘅地方﹐諗起可能又有得飲下熱朱古力加食件餅﹐唉﹗算喇﹐洗少一日衫﹐抹少一日地﹐執少一日床喇﹗
加上最近買咗本教影相嘅精讀﹐睇咗少少想試下有無用﹐於是三條友仔喺屋企食完早餐加午餐就出發喇。
)不過當你見到眼前呢個景色嘅時候﹐你又會覺得選擇同佢哋出嚟係無錯嘅。
口水禧非常心急﹐老豆托咗佢架戰車之後﹐條友仔想自己走人﹗懶理個老豆重喺度搬緊架大人單車。
至於我呢﹐我嗰日去唔係踩單車﹐係去試相機﹐睇下書入面教嗰D野究竟駛唔駛得﹐結果……睇完呢輯相之後﹐大家應該覺得我都係算把喇﹐返屋企洗衫抹地把喇你。
一D都唔專業嘅踩單車行裝﹐好明顯係假日消閒嘅活動樣。
佢兩父子踩單車個背咁鬼似樣﹐重要成日都聽到口水禧鬼咁大聲同佢老豆講野。
撇甩嗰兩條鄉下佬﹐我自己攀山涉水揾D野嚟影下……
我明﹐非常之完全無聊……
結果係試唔到D乜野新技術
突然背後有把聲大叫﹕媽媽﹗媽媽﹗轉身之際就見一件蛋散衝緊埋嚟。睇下佢老豆個樣幾咁無奈﹗
口水禧下年九月就入幼稚園﹐家下都未知讀邊間學校。多數都會去返屋企附近間學校就算﹐佢舒服時我都舒服。名校唔名校﹐對我嚟講無作用。
用上雞精班嘅時間去一趟郊遊﹐執下地下嘅樹枝枯葉﹑睇下藍天白雲﹑呼吸新鮮空氣﹐跑跑跳跳﹐都係一種收獲。
口水禧見電視人哋做乜佢就即刻話想學。到底係真係想定係純粹見乜講乜就唔清楚。在我而言﹐彈鋼琴係起碼個小朋友會自己去開個琴嚟摸下先叫做有興趣﹐當你有咗呢個基本嘅興趣﹐然後先真正學至可以持久。禧婆婆大概唔記得咗﹐我細個係先比佢dick去學芭蕾舞﹐但無天份堂堂被老師罰﹐後來聽到禧婆婆幫肥玲報名學琴﹐我加把口話我都想學﹐於是變咗兩姐妹一齊去學。結果﹐我學咗彈琴﹐肥玲學咗畫畫。芭蕾舞從此喺我嘅童年入面消失。當日我之所以會加把口話想學琴﹐係因為我鍾意睇黑白分明的琴鍵﹐以及手指觸摸琴鍵﹐感覺琴鍵喺我手指間上上落落地彈跳覺得好過癮﹐又可以發聲﹐所以我開口要求要學琴。禧婆婆話我曾經向學校嘅老師埋怨呀媽迫我學琴﹐我完全唔記得有咁嘅事﹐即使有﹐我肯定同學琴係無關﹐但同老師及呀媽迫我練琴去考試有關係。因為從小我就對於用考試定一個人的本事覺得條氣唔順。
雖則喺鋼琴方面始終都無咩大成就可言﹐但到今天為止﹐我仍然好喜歡鋼琴﹐偶有機會打開個琴彈下(當然﹐無練N年﹐彈起上嚟真係錯到呀媽都唔認得喇﹗)還是有兒時每一次打開琴蓋彈我鍾意嘅歌曲嘅喜悅。
試用期為期一年﹐點解咁耐﹖因為咁樣的話﹐我無須太認真看待佢中途放棄的行為表現。學咗發現無興趣大不了停止﹐勉強無幸福﹐齋練技巧但投放唔到感情入去彈等於無用。我最怕為咗練唔練琴而互相折磨對方。咁樣會唔會搞到佢變成樣樣事都中途放棄﹖咁又唔會﹐其他野我未必睇得穿﹐但有無心有無興趣﹐係唔係真正想學彈琴﹐逃唔過我對眼嘅。
影唱片封套﹖
限量版全家幅
上個blog嘅video,大家都睇到人頭霧水﹐唔知點解有個傻佬猛咁用個頭去撞樹﹐睇咗下面嘅相我再解話。
解話時間﹕咪就係……低B囉﹗
其實都係我估架咋﹐我無問過佢點解要去撼喎。但我覺得小朋友從來都係笑﹐唔洗理由﹔喊﹐亦唔洗理由。玩﹐就更加唔洗任何邏輯﹐覺得玩得過癮咪笑囉。就係咁簡單之嘛。咁樣先係stay foolish, stay hungry吖嘛﹗
㗳得幾痴迷﹐咪晒眼咁﹗
處男下海第一杯starbucks熱朱古力﹗ 玩咗一日﹐重有杯熱朱古力﹐何其爽呀﹗
張相執過架喇﹐整暗咗D顏色﹐請勿將視線在我面上停留多過一秒。後果自負。
食飯又睇﹑睇電視又睇﹑傾緊計都要睇﹐唔睇住部電話﹐佢對眼會盲架﹗
好學唔學﹐第時近視要戴眼鏡就唔好賴我近視深遺傳呀﹐賴佢老豆喇﹗
飲飽食醉返屋企休息(嗰兩個大爺)﹔呀四繼續補鐘做返未做嘅家務……
就咁過咗個美好嘅星期日。
