幫呢篇blog揀個category嘅時候﹐真係幾乎想將佢撥入「媽媽生活隨筆」嗰一欄入面﹗因為完全唔覺得係關口水禧事……雖然篇野係關於佢入幼稚園嘅事。
唔經唔覺終於嚟到開學嘅日子喇﹐開學前最忙嘅都係D老豆呀媽(實際上最忙嗰個梗係呀媽喇﹗)呢排間間百貨公司都會見到好多呀媽凼凼轉周圍騰﹐手上揸住張紙﹐兩頭顎四圍望﹐頭髮蓬鬆﹐個個都變咗「左騰右騰」。為嘅都係幫仔女張羅開學需要嘅用品。我當然都係其中一個「左騰右騰」女士喇﹗真係重忙過我自己返學呀大佬﹗搞到幾乎以為係我自己幼稚園開學﹐禧爺係陪我去返學嘅書童﹗
一檯壯觀嘅用品包括咗文具﹑逃生袋﹑捐比學校嘅用品等等。頭都暈﹗
(無計喇﹐放低個書包咁多年﹐放低幼稚園個書包直頭係好似侏儸紀咁內以前一樣﹐都唔記得自己以前返幼稚園究竟要帶D乜野﹗
)
(無計喇﹐放低個書包咁多年﹐放低幼稚園個書包直頭係好似侏儸紀咁內以前一樣﹐都唔記得自己以前返幼稚園究竟要帶D乜野﹗)
呢個暑假除咗一個禮拜幾日送口水禧去游水之外﹐出出入入都唔知忙乜﹐但真係好忙。睇下個blog脫期嘅情況就知喇﹐都無謂提喇。口水禧開咗學後﹐呢個blog會唔會更加脫期就睇下我嘅做化喇喂﹗
放心, 重未摺得住﹐不過係脫期脫到甩皮咁而已。
放心, 重未摺得住﹐不過係脫期脫到甩皮咁而已。
尋日第一日返幼稚園嘅口水禧﹐朝早十點上堂﹐我哋喺上堂幾分鐘前(﹗﹗﹗﹗)已到咗學校﹐同其他學友仔﹑家長一齊幢晒喺學校接送返放學個位度等。話說家陣已經係幼稚園學生嘅大家都開始要擺脫以前返preschool/prekindergarten嘅幼稚﹐父母送到學校門口就要「忍著淚說一聲goodbye」(唔識呢首歌嘅大家可以不理﹐我只係喺度暴露咗自己嘅年齡啫﹗)﹐跟住我哋D家長就要目送自己個寶貝跟住老師同埋條人龍慢慢行去課室﹐直至老師閂門﹐我哋都不禁一聲……yes!私人時間來了﹗YES YES YES!!!!
係﹐我哋﹐ 我應該淨係講我自己好喇﹐唔應該代其他人講野嘅﹐真係唔係人﹐個仔未入課室前就懶有人性咁安撫因為要返新學校而有點情緒不安嘅小朋友﹐內心就猛睇錶﹐心諗個老師幾時出嚟接走D細路呀﹖老師一行出嚟﹐即刻將個仔推向老師度﹐然後我哋大力咁揮手﹐等到小朋友已經行遠到無可能見到我哋嘅面部表情時﹐我哋面上深深一啖呼氣嘅放鬆樣已經急不及待要出喇﹗
八月中有朋友帶仔仔嚟入讀大學﹐同我哋玩咗成個禮拜。
疲呀呢﹗車上頂唔順上咗「釣魚台」 (釣魚)。
係﹐我哋﹐ 我應該淨係講我自己好喇﹐唔應該代其他人講野嘅﹐真係唔係人﹐個仔未入課室前就懶有人性咁安撫因為要返新學校而有點情緒不安嘅小朋友﹐內心就猛睇錶﹐心諗個老師幾時出嚟接走D細路呀﹖老師一行出嚟﹐即刻將個仔推向老師度﹐然後我哋大力咁揮手﹐等到小朋友已經行遠到無可能見到我哋嘅面部表情時﹐我哋面上深深一啖呼氣嘅放鬆樣已經急不及待要出喇﹗
以為我去梳乎﹖當然唔係喇﹐都係繼續去做家傭﹐不過可以輕鬆咁自由自在地去做野﹐唔洗下下拖住件手多腳多嘴多嘅喺隔離阻慢個進度﹐快手快腳打掃好間屋﹑買好餸﹑搞呢搞路。經過一個暑假﹐又經過禧婆婆做咗半年嘅替身﹐今日當我自己做返晒D野﹐咩返起頭家之時﹐竟然覺得有D生疏嘅感覺﹐你話C唔C﹖一早比鬧鐘響醒咗之後攤喺床上呆咗幾個字諗下究竟起身後有D咩做呢﹖不禁覺得個人年紀大﹐個腦真係會退化﹗
其實到而家得返我一條友坐喺屋企﹐我個魂好似重未回返嚟我個軀殼﹐~~~~~返來囉﹗喂﹗呀魂﹗返來喇﹗唔該﹗
再呆落去真係唔得了﹐遲早累到口水禧無書讀就弊喇﹗
其實到而家得返我一條友坐喺屋企﹐我個魂好似重未回返嚟我個軀殼﹐~~~~~返來囉﹗喂﹗呀魂﹗返來喇﹗唔該﹗ 再呆落去真係唔得了﹐遲早累到口水禧無書讀就弊喇﹗
第一日去接放學嗰陣原來全校都放同一個時間﹐頓時成條街都塞滿車﹐見個形勢唔掂﹐再等落去肯定口水禧出咗嚟我架車都未入到學校。於是把心一橫轉咗入橫街泊好車﹐迫埋禧婆婆同我一齊競步﹐行行下呀婆叫我自己行快D去咗學校先﹐佢會跟住嚟。對腳夾住人字拖嘅我急起直追﹐頂﹗唔知係腳指公太用力抽筋抽到上大脾定我半夜比人嘔打﹐尋日起身後右腳大脾舊肉好Q痛呀﹐好似比人罰單起隻腳單腳跳咗一日咁﹗唉﹗著人字拖真係唔可以競步﹐一係就索性跑喇﹗好彩身水身汗去到學校口水禧重未放學出嚟﹐第一日放學出到嚟就唔見呀媽喺度等好驚架嘛﹐好彩趕得切﹗
排住隊好唔專心四圍望嘅口水禧呆滯如佢呀媽一樣﹐目無表情跟住喺課室行出嚟﹐見到我同婆婆企喺度等嘅時候﹐口水禧終於識得笑。
上車後都無乜講返學嘅野﹐而家無得co-op﹐佢喺學校嘅一切都係一個謎。你﹐問佢學校嘅野﹐佢嘅官方答案多數係「唔記得」同「唔知」。 第一日返學就賴低咗盒新嘅顏色水筆﹐到家陣都未揾返。今日連個筆袋都唔見埋﹐唔知幾時連佢自己都會唔見咗自己呢﹖ 我洗唔洗喺佢個額頭寫住我嘅電話咁呢﹖原來寫名係無用嘅﹐因為都要個大少記得去揾先得架﹗ 唉呀﹗
打開個書包﹐見到入面有兩張紙畫咗公仔﹐怕且今個學年﹐我呢個做呀媽嘅都要自己去潛返一個個嘅謎底返嚟囉﹐咪諗住旨意佢。學校好多野都要我哋自己上學校個網址去睇(基本上係自己去潛先啱﹐因為D資訊收收埋埋﹐唔容易揾﹗) 好似嗰日放學咁﹐原來一個禮拜有一日係中小學加幼稚園都喺差唔多時間放學﹐所以條街會好似走難咁﹐呢D開學前唔見有人出email話比我哋D新生家長知﹐等我哋可以預時間去接放學呀嘛﹗我哋已經叫住得幾近架喇﹐揸車大概只要5-7分鐘就到﹐嗰日已經預早半個鐘都唔掂﹐下次要預早一個鐘先有可能會揾到個近學校嘅位泊車﹗我唔想個個禮拜都喺嗰條街度競步呀﹐我隻大脾好痛呀大佬﹗
上車後都無乜講返學嘅野﹐而家無得co-op﹐佢喺學校嘅一切都係一個謎。你﹐問佢學校嘅野﹐佢嘅官方答案多數係「唔記得」同「唔知」。 第一日返學就賴低咗盒新嘅顏色水筆﹐到家陣都未揾返。今日連個筆袋都唔見埋﹐唔知幾時連佢自己都會唔見咗自己呢﹖ 我洗唔洗喺佢個額頭寫住我嘅電話咁呢﹖原來寫名係無用嘅﹐因為都要個大少記得去揾先得架﹗ 唉呀﹗ 打開個書包﹐見到入面有兩張紙畫咗公仔﹐怕且今個學年﹐我呢個做呀媽嘅都要自己去潛返一個個嘅謎底返嚟囉﹐咪諗住旨意佢。學校好多野都要我哋自己上學校個網址去睇(基本上係自己去潛先啱﹐因為D資訊收收埋埋﹐唔容易揾﹗) 好似嗰日放學咁﹐原來一個禮拜有一日係中小學加幼稚園都喺差唔多時間放學﹐所以條街會好似走難咁﹐呢D開學前唔見有人出email話比我哋D新生家長知﹐等我哋可以預時間去接放學呀嘛﹗我哋已經叫住得幾近架喇﹐揸車大概只要5-7分鐘就到﹐嗰日已經預早半個鐘都唔掂﹐下次要預早一個鐘先有可能會揾到個近學校嘅位泊車﹗我唔想個個禮拜都喺嗰條街度競步呀﹐我隻大脾好痛呀大佬﹗
以前講過話聽講呢間學校好谷成績﹐暫時﹐係暫時咋……都未覺得我有好頂唔順嘅感覺。係﹐係我暫時未覺得頂唔順而唔係口水禧頂唔順。話說學校舊年開始要學生除咗做學校功課外﹐重要上網做一個數學同閱讀練習。暑假期間重叫咗我哋D家長返去學校學咗一堂點用個網址添。重話開咗學會每個禮拜有電腦堂(唔係嘛﹖幼稚園有電腦堂﹖﹖﹖)﹐係呀﹐你無睇錯呀﹐有呀。好多準備工夫都係我哋家長先做﹐然後先再教D細路。所以我話而家係我開學真係無錯。D練習唔算好深﹐不過都要坐喺佢隔離睇住佢做囉﹐因為佢不單止要識睇題目﹐重要識用電腦兼控製個滑鼠。更加重要係……一個幼稚園生竟然會有佢嘅電腦﹑書檯﹑書檯凳。校長重話諗緊遲D推行一人一部ipad(!!!!!!)係咪太誇張呢﹖呀魂重未返來嘅我睇見呢一切真係有D接唔切招嘅感覺﹗重未講除咗學校網址外﹐校長重會send email比我地呢樣嗰樣﹐重叫我哋開個twitter account方便睇佢有乜關於學校活動嘅post!
我有少少覺得口水禧唔係返緊幼稚園而係返緊大學﹗我強烈建議每間學校喺開學前先幫D家長招返個魂返嚟先﹐如果唔係真係好難適應﹗ (或者係我自己一個人咁弱雞而已﹐其他家長根本無野﹗)
我有少少覺得口水禧唔係返緊幼稚園而係返緊大學﹗我強烈建議每間學校喺開學前先幫D家長招返個魂返嚟先﹐如果唔係真係好難適應﹗ (或者係我自己一個人咁弱雞而已﹐其他家長根本無野﹗)
於是呢幾日趕去買電腦﹐買書檯﹐買返學嘅用品﹐bi li ba la。呀魂﹐你真係要快D返嚟﹐我個殼唔係頂得好耐架咋﹗ 10號泳隊就開始喇﹐到時一﹑三﹑五放咗學就要去練水﹐我要好好計劃D時間安排喇。
呢篇blog就當我開學第一個星期嘅年初四心情回顧好喇﹐唔好咁認真睇我講野﹐我自己都唔知自己講緊乜。(~~~呀魂﹗返來呀﹗
)
)
下面一抽相﹐成個暑假做過嘅事就喺度……
swim meet
一星期四日練水
參加同學仔嘅生日會
飯後散步﹐調戲鄰居嘅貓
天氣好﹐我哋會喺室外開餐﹐但自從嗰次後﹐只喺室外食過一次野。因為太引烏蠅﹗ (睇下碟蝦同嗰碟蝦醬炒通菜﹗)
另﹐張玻璃檯已經比我KO咗﹐好彩爆缸但傷口細﹐唔洗去縫針﹗
去雞雞學校幫手餵動物
同呔家去游水
參觀博物館
第一次去圖書館借書(今日亦都試埋第一次遲還書比人罰錢﹗
)
shopping (有人試緊高踭鞋﹗)
調戲良家婦女
去考語言試 (雙語家庭或外語係母語嘅小朋友都要考)
參觀學校同課室
八月中有朋友帶仔仔嚟入讀大學﹐同我哋玩咗成個禮拜。
疲呀呢﹗車上頂唔順上咗「釣魚台」 (釣魚)。
開學大吉﹗ (我指我自己﹗
)
)
