秋季嘅泳隊練習已經喺今個星期一開始咗。啱啱先話適應到少少開學後嘅時間表之際﹐又要「生吞」多個新嘅時間表﹐逢星期一﹑三﹑五下晝四點去練一個鐘頭水﹐之所以話係「生吞」個時間表﹐即係連煮到埋嚟就食嘅機會都無就要啪入口吞咗佢﹐點解會咁頻能架﹖無計喇﹐乜都係第一次﹐係會「倒瀉野」架喇其實經已叫做唔算好倒瀉下﹐放學後返到屋企諗住佢喺學校已經食咗茶點﹐咁不如先比佢瞓個晏覺先﹐然後再起身食野先去游水。點知條友點半鐘上床攤到就嚟三點都未瞓得著喎﹐咁就唔好嘥時間望天花板喇﹐起身食野先喇。
正所謂又要慳時間要快又要食嗰個開心﹐唯有搞下D新意咁喇。佢爽手D食﹐我唔洗三催四請五丙咁勞氣喇嘛。
乜鬼野﹖ 睇下口水禧面部嘅表情就知佢喺度諗緊面前堆野究竟食唔食得。
TA~DA~!!!! Yo, check it out!! Woo!!!
輻射爛面兔﹗﹗﹗﹗ 
問你怕未﹗
咪遞埋嚟喇﹐核鬼凸﹗
再三檢驗﹐驗輻射﹑驗皮膚損毀程度……結論~~~~certified﹐個樣毀容﹐無得整﹐sorry!
食喇﹐驚我落毒咩﹗
(最多都係落瀉藥架啫﹗)
食之前有咩好講低喇﹐肚瀉未必有力講野架﹗
試食咗下面份麵包先﹐D兔仔擺側邊……(想毒佢唔係咁易﹗
)
結果都好比面食鬼晒成碟而又無肚疴﹐重想過幾日再encore添﹗ 食完換好衫﹐搽到吳剛C傅咁令就出發去練水。放咗成個月假﹐顯然有人D狗仔式﹑四式變一式又返晒嚟﹐重好熟手添。不過佢教練都唔出聲咯﹐我都無理佢。淨係好驚坐坐下頭上無瓦遮頭會誤中雀屎﹐你知喇﹐我出晒名黑仔﹐人人好哋哋﹐我都梗係會中嘅。明明太陽都落山﹐我重要戴帽
﹐所以個個行過望到我都有一副「好曬呀﹖」嘅表情。嗚~~~人哋驚中頭獎呀﹗
﹐所以個個行過望到我都有一副「好曬呀﹖」嘅表情。嗚~~~人哋驚中頭獎呀﹗
點呢﹖想告我虐兒呀呢﹖告喇告喇﹗
分擔家務﹐應該由細開始。細個唔洗佢做﹐大個唔洗旨意佢會自動做。甚至係你叫佢做﹐佢都唔肯做。我好驚呀﹐我唔想到我六十歲時重要幫佢執頭執尾﹐一個人做晒成屋嘅家務﹗
講真﹐洗兩隻碗﹐放碗入洗碗碟機呢D真係唔係難做。佢哋早喺雞雞學校嘅時候就試過用洗潔精洗野﹐雖然玩水嘅成份多過做﹐不過都係一個好開始。老師講過﹐小朋友見媽媽/工人做開﹐會以為媽媽佢哋好鍾意做﹐或者覺得呢D工作係媽媽佢哋做嘅﹐小朋友唔洗做﹐以後都唔洗做。所以自細就要比佢哋知道家務無人鍾意做﹐但唔做唔得﹐所以人人都要分擔下先得。我就係細個捉得口水禧唔夠嚴﹐好多野都幫佢做﹐而家叫佢幫手鋪枱食飯﹐幫手攞碟碗筷抹枱都有如「哎X弟」咁﹐頂佢吖﹗真係當我係工人咁﹗ 重要聲大夾惡話「做咩要我做咁多野呀﹖」所以唔可以再覺得佢細個呀﹐遲D等大個D先叫佢幫手喇﹐遲D﹖我諗我要喺佢面前自殺咁濟佢先願意幫一幫呀﹗
分擔家務﹐應該由細開始。細個唔洗佢做﹐大個唔洗旨意佢會自動做。甚至係你叫佢做﹐佢都唔肯做。我好驚呀﹐我唔想到我六十歲時重要幫佢執頭執尾﹐一個人做晒成屋嘅家務﹗講真﹐洗兩隻碗﹐放碗入洗碗碟機呢D真係唔係難做。佢哋早喺雞雞學校嘅時候就試過用洗潔精洗野﹐雖然玩水嘅成份多過做﹐不過都係一個好開始。老師講過﹐小朋友見媽媽/工人做開﹐會以為媽媽佢哋好鍾意做﹐或者覺得呢D工作係媽媽佢哋做嘅﹐小朋友唔洗做﹐以後都唔洗做。所以自細就要比佢哋知道家務無人鍾意做﹐但唔做唔得﹐所以人人都要分擔下先得。我就係細個捉得口水禧唔夠嚴﹐好多野都幫佢做﹐而家叫佢幫手鋪枱食飯﹐幫手攞碟碗筷抹枱都有如「哎X弟」咁﹐頂佢吖﹗真係當我係工人咁﹗ 重要聲大夾惡話「做咩要我做咁多野呀﹖」所以唔可以再覺得佢細個呀﹐遲D等大個D先叫佢幫手喇﹐遲D﹖我諗我要喺佢面前自殺咁濟佢先願意幫一幫呀﹗
我叫佢洗自己個食物盒﹑筷子同剪刀﹐因為呢D野唔入得洗碗碟機。無計﹐「焗」洗。
講清楚兼示範埋要洗邊度﹐然後交舊海綿比佢正式處男下海……幾好力水﹗堅如鐵﹐快如影﹐幾乎有掌風添﹗
個呀媽係咪去咗偷懶呢﹖梗係唔係喇﹐我就想﹗嚟料喇終於﹗學校嘅義工工作開始喇。暫時我今年嘅會去班房幫手喇 ﹑幫手訂書追錢喇﹑影相同做年刊。真係忙過返工。
個個禮拜都有會開咁濟﹐暫時屋企嗰兩件日日都有飯開﹐未至於要出街食。唔知遲D會唔會……
個個禮拜都有會開咁濟﹐暫時屋企嗰兩件日日都有飯開﹐未至於要出街食。唔知遲D會唔會……
其實講真一句﹐我鍾意幫手做學校野﹐咁並唔代表我係怪獸家長或虎媽﹐下下都要知道學校嘅事。只係眼睇到老師年紀比較大少少﹐體力上真係唔夠D後生嘅老師砌﹐影印﹑分類再釘三十份野都可以由下晝做到夜晚。今日係photo day﹐即D學生要影相﹐心諗可能口水禧會聽唔明攝影叔叔嘅要求﹐又知道通常呢D日子都會好混亂﹐於是今日又去咗幫手。好彩有去﹐老師影緊嗰陣﹐D細路悶得濟﹐擒枱捐枱底郁手郁腳乜都有。唔夠大人睇住唔作反就假。之後喺課室幫佢做咗好多野﹐睇個老師抖晒大氣都凳佢辛苦。唯有幫得就幫喇。
而家我多咗三十個仔女﹐因為個個都叫我做”mom”。連埋老師都係咁叫我。
以後﹐呢度就係我夜晚做野嘅書枱喇。怕且日日都會好似打仗咁款﹗
