終於揾到時間「挫」腳皮(係咪睇完第一句已經好想嘔呢﹗
)﹗ 唉呀﹐想去買對波鞋跑步嘛﹐我對衰腳扁平足﹐一陣人哋要我剝鞋驗腳型配鞋﹐腳板底D死皮厚到人哋以為我黐咗塊「鞋底」喺腳板底就唔好喇﹗
重有嗰十隻腳指甲已經好耐……無補油喇(算喇﹐再形容落去﹐怕且衛生處D人好快會聯絡我。
)
)﹗ 唉呀﹐想去買對波鞋跑步嘛﹐我對衰腳扁平足﹐一陣人哋要我剝鞋驗腳型配鞋﹐腳板底D死皮厚到人哋以為我黐咗塊「鞋底」喺腳板底就唔好喇﹗重有嗰十隻腳指甲已經好耐……無補油喇(算喇﹐再形容落去﹐怕且衛生處D人好快會聯絡我。)
每個禮拜有兩﹑三日送咗禧爺去學校後﹐我就會去附近跑步。運動可以將一個就快爆炸嘅炸彈無聲無息咁拆彈。通常夜晚出咗email﹐第二日都無人覆﹐甚至幾日都無人有反應而D野又燒到眼眉嘅後果係令人好難唔「慶」嘅境況﹐第二日去拆彈係必須嘅事。塞住對耳﹐笠頂帽戴埋太陽眼鏡後﹐連同人講hello都慳返﹐笑下就算﹐繼續拆彈。當你拆到自己都覺得自己變咗「狐仙」嗰陣﹐任務就完成喇。可以返屋企去「淨身」喇。
對住一大「劈」草地﹐莫講話炸彈喇﹐原子彈都拆到喇﹐係咪先﹖
其實我應該多謝嗰班PK﹐唔係佢哋﹐我邊有動力去跑吖﹗ 真係要「多謝家姐」。
(夜晚繼續寫……)
我梗係要瞓喇﹐我唔係人咩﹔屋企野梗係有理喇﹐唔算最整齊但肯定唔係亂葬崗style﹔屋企人梗係有陪喇﹐唔係洗乜等佢哋去晒瞓覺我先開工出email啫﹖
鬼叫我生得蠢﹐成日比人揾笨。但呢獲野係我自己中埋去﹐怨得邊個先﹖ 壞人好難做﹐好人重難呀PK﹗
咁冬天無咁多汗出咪好難拆彈囉﹖所以要多樣野﹐就係堅信我今日所做嘅全部都係為咗口水禧可以有個快樂嘅幼稚園生涯﹐喜歡校園生活﹐做個有自信人格高尚嘅人。只要嗰一刻有呢個信念喺我腦海中出現﹐當日嘅任務就完成﹐我帶住「排泄」完嘅心情繼續作戰。
其實我應該多謝嗰班PK﹐唔係佢哋﹐我邊有動力去跑吖﹗ 真係要「多謝家姐」。
(夜晚繼續寫……)
學校返嚟﹐D 火又上腦﹐可惜明日無時間拆彈去。唔知道咁樣上彈拆彈可以捱幾耐﹐可能好快就要日日去拆先掂。
每日返放學都會經過雞雞學校﹐想起以前有D 自私精﹐原來都唔夠家下嗰D咁一山還有一山高嘅功力﹗每一日當我拆緊彈嘅時候﹐不其然都會諗到自己好戇居(如果呢段係whatsapp﹐早就打咗個「9」字。)幫幫幫﹐咁好心做咩吖﹐咪又係幫埋D PK做埋佢哋嗰份﹗ 人哋日日悠悠閑閑化好妝嚟﹐不食人間煙火不問世事咁接仔女放學咪幾爽﹐返去可以繼續睇電視傾電話搞下自己野屋企野咪幾好﹐唔洗好似我咁折墮﹐獲獲人字拖都夾唔實就裙拉褲甩咁颷去接放學﹐痞喺學校幾粒鐘又趕頭趕命仆返屋企煮飯。夜媽媽重要喺度寫email比一堆空氣。個個一句「唉呀﹗我重要湊個細嘅﹐唔得閒幫呀﹗」﹑「我有好多屋企野未做呀﹗」推得一乾二淨。有D甚至係無影行動﹐既唔覆email亦都唔覆便條。但個細路日日都有嚟返學﹐亦都會參加我哋搞嘅活動。佢哋D老豆老母塊面皮真係厚得神奇﹗ 等接放學/送返學時喺門口見到都唔打招呼﹐莫講話多謝一聲都無喇。有D一見面就不停灌負面野﹐「咪理個老師喇﹐有佢自己搞咪得囉」﹑「你唔好再半夜三更出email喇」﹑「咪搞咁多野喇」﹑「你唔洗理屋企野架咩﹖」﹑「唔洗陪屋企人架你﹖」﹑「你唔洗瞓覺架﹖」
我梗係要瞓喇﹐我唔係人咩﹔屋企野梗係有理喇﹐唔算最整齊但肯定唔係亂葬崗style﹔屋企人梗係有陪喇﹐唔係洗乜等佢哋去晒瞓覺我先開工出email啫﹖
鬼叫我生得蠢﹐成日比人揾笨。但呢獲野係我自己中埋去﹐怨得邊個先﹖ 壞人好難做﹐好人重難呀PK﹗
跑+行完四十五分鐘後﹐以上呢篤怨氣會隨住升仙而煙消魂散﹐升咩仙﹖周身汗﹐重有咩仙吖你話﹗
今日下晝呀婆打嚟嗰陣﹐我啱啱正值屎都滾兼姨媽到嘅狀態﹐邊呻邊慶﹐爆埋粗都不能熄滅怒火咁濟。呀婆無奈學咗好多動詞﹑形容詞加名詞﹐為免央及池魚﹐速速講完收線。
下次check下我嗰日有無去跑步先打比我吖嘛﹗
咁冬天無咁多汗出咪好難拆彈囉﹖所以要多樣野﹐就係堅信我今日所做嘅全部都係為咗口水禧可以有個快樂嘅幼稚園生涯﹐喜歡校園生活﹐做個有自信人格高尚嘅人。只要嗰一刻有呢個信念喺我腦海中出現﹐當日嘅任務就完成﹐我帶住「排泄」完嘅心情繼續作戰。
幾乎唔記得講﹐多謝每個留過說話鼓勵我繼續戇居嘅人﹐雖然無時間覆﹐但我會記住在心中。
