係呀﹐當微博或facebook吖嘛……
學校D野﹐我睇化了。幫唔幫手﹐是叉爛旦﹐我手腳健全﹐應該好好利用。
我覺得學期尾我應該夠資格去問校長出糧。津貼下我D電費都要啩﹖
過去嘅感恩節party﹐得兩個禮拜籌備﹐又要煮野又要點人煮野買野做野﹐重要做埋和事婆調停D紛爭。藥物嘅影響下﹐唔知出咗D乜email。重要追殺D唔交回條嘅蛋散﹐家長問野﹐課室佈置等等等等﹐有日老師見我戴咗口罩﹐佢神色凝重問我O唔OK﹖ Party當日佢問我are you wipe out?(你係咪謝皮喇﹖) 我想答﹕「我就嚟比你班友收我皮添喇﹗(有無人知收皮英文係咩呀﹖
wipe me out嗎﹖
」
唔講以為係邊個OL喺屋企OT添。無做OL好耐喇我﹗
Halloween party前老師話要喺D細路塊面畫蜘蛛﹐喺廁所whatsapp肥玲研究咗好耐﹐畫極都似曱甴多過蜘蛛嘅﹖
經已係照住畫架喇喎﹗
咩叫以身……相許呀﹖咪就係咁囉﹐面又有﹐手背又有﹐手心都有。畫咗十幾廿隻﹐都係唔似。妖﹗
影比肥玲﹑大姨媽﹑姨姨睇下﹐好似都唔係好知我畫乜。
我無化妝。well,如果嗰堆蟲唔算係化妝的話﹐我係無化妝的。
呢隻雞﹐喺街市見到的話﹐應該唔會有C9想買。
有D係真人坐喺度等人行埋嚟即彈起身嚇人。我瀨咗野。幾乎想打人。
人到中年先嚟重讀幼稚園﹐該猥﹗
點解……有著褲都要遮樹葉呢﹖證明我個仔係打底王﹐實唔會走光﹗
當時室外氣溫12度攝氏﹐佢經已係全場最暖嗰個。
睇下﹐我無講大話架﹗
網球班隔劍。何謂隔劍呢﹖當你接唔到個波的時候﹐以為左右兩邊fing個拍就會打得中個波﹐但其實打緊空氣﹐離遠望﹐真係好似武俠片裡面D大俠喺竹林﹐落葉紛紛嘅時候左fing右fing把劍。
睇下教練個樣幾驚訝﹗
你有你隔劍﹐我有我瞓覺zzzzzzzz﹐真係唔比面﹗
就係呢日踩完單車﹐上車前嘔一獲﹐上車後再嘔獲甘。車內重災區﹐何其壯觀﹗
兩老痞喺街邊眾目睽睽下抹嘔野﹐有件粉皮嘔完條氣順晒﹐喺車頭開心唱歌﹗我想打到佢嘔白泡﹗
嘔完過幾日無事。跟手下一個星期宣告再瀨野﹐燒咗幾日﹐咳咗兩個禮拜。眼又發炎﹐耳又發炎﹐喉嚨痛﹐食緊喉糖。
佢好返之際﹐個呀媽倒下﹐宣告瀨咗佢野。
濕濕碎碎style嘅blog﹐我夠膽明天再嚟﹐唔怕無人嚟﹐至少呀婆實嚟。
