自從出咗上篇blog後﹐正所謂好嘅唔靈衰嘅靈﹐個破解密碼好似開始失效﹐我又再度回復煎魚嘅狀態中。A~~~不過咁﹐做實驗嘅野無話做一兩次就得嘅﹐我會繼續試﹐就算最後真係失敗﹐自少我都換嚟六舊腹肌吖﹐都叫做有收獲吖嘛﹗
不過呢幾日個肚腩肉真係有少少痛﹐抵喇﹐儲咗咁多年嘅肥膏一下子想殲滅佢哋都唔容易﹐唔知幾時我先可以著咗褲之後dup低頭見到個褲頭架呢﹖
不過呢幾日個肚腩肉真係有少少痛﹐抵喇﹐儲咗咁多年嘅肥膏一下子想殲滅佢哋都唔容易﹐唔知幾時我先可以著咗褲之後dup低頭見到個褲頭架呢﹖
口水禧D品味真係好騎呢﹐呢排愛上玩蛇﹗﹗﹗ 感恩節嗰日跟個老豆去walmart買野﹐帶咗呢條面目猙獰嘅新朋友返嚟﹐食飯見到佢﹐沖涼見到佢﹐連瞓覺都要一齊﹐重改咗個名添﹐叫~~~~呀蛇﹗ 唔係以前TVB個花旦﹐係真係一條蛇嗰個蛇。
朝早起身後帶埋呀蛇過嚟我房﹐晨早流流見條咁幾烏捽捽野﹐又伸脷又E起棚牙﹐真係該猥﹗唔知佢第日會唔會話要養條真嘅﹐係就大獲喇﹗
我鍾意呀佘多過呀蛇喎﹗(<<<我代禧爸講嘅﹗
)
成個禮拜無跑過﹐今朝出動﹐打好晒底﹐包括塊面搽好防曬先出門。點解去到會咁大霧﹐一滴太陽都無架呢﹖明明出門口前重鬼咁好陽光架喎﹗唉﹗成日都係咁﹐搽好太陽油就落雨﹐著好雨褸防水褲去到就出太陽﹐好吖﹐出力D玩我喇﹗
不過洗唔洗凍成咁呀大佬﹐真係郁少一秒都打冷震﹗但我重見到有D細路著短褲短袖……
唔記得帶手套﹐唯有揸住對拳頭起勢想揾人嚟中咁嘅樣行下熱下身先。嘩﹐對手幾咁飽瀝滄桑﹗
某程度上﹐我對手都好似一對男人嘅手﹐又大又粗。打人應該都會幾痛下。
睇下﹐泳池都出煙喇﹐你話幾凍呢﹗ 呢個就係平時口水禧秋季練水嘅地方。家陣泳隊冬眠﹐淨返D要去參加比賽嘅隊員要練水﹐真係望見都凳坐喺池邊等候嘅人凍呀﹗
學咗六堂﹐終於開到波喇﹗ 雖然有時都仍然會格劍﹗
