口水禧參日去咗牙醫叔叔度照X光﹐不過醫生尋日病咗唔喺度﹐所以要下個禮拜先可以比醫生檢查隻新牙點搞。我將呢度見到嘅同我自己幻想嘅問題﹐一次過問過D護士﹐佢哋聽完我講之後﹐互望然後無奈地笑完先答返我問題。雖則佢哋唔係牙醫﹐不過我諗關於牙嘅野﹐識得比我多好多好多。
好似口水禧呢D異形牙嘅小朋友﹐佢哋話見過好多好多。因為每個人嘅體格同身體變化唔同﹐連甩牙出牙嘅時間都會唔同。有D細路係會先甩乳齒後生恆齒﹐有D會先甩乳齒﹐格成年先出恆齒﹐個口真係擘大得個窿成年先有隻牙出嚟擋一擋﹐真係慘﹗
有D茂利會先出恆齒再甩乳齒﹐有D乳齒係會霸住死都唔走阻頭阻勢﹐遲下先自己甩。千奇百怪﹐乜鬼style都有。
但護士只有一個答案﹐就係呢個係小朋友自己成長嘅時鐘問題﹐同係咪乳齒被保護得太勁﹑唔咬野﹑食爛飯等等係無關﹐因為有好多小朋友無呢D習慣但都會有同樣嘅情況出現﹐所以出牙先定甩牙先係因人而異﹐無固定嘅規律。但最最最緊要係一定要保持乳齒清潔﹐因為有D小朋友出恆齒嘅時候已經蛀鬼咗﹐因為蛀咗乳齒無即時揾牙醫做野﹐結果一直蛀到入去下面未出嚟嘅恆齒。我聽過有歲幾嘅小朋友都會蛀到要「杜牙根」﹗
已呢個小朋友成個過程係要全身麻醉咁做。一個咁細嘅人要全身麻醉梗係唔好﹐但無計喇﹐咁細個點會肯同你瞓喺度任醫生魚肉呢﹖所以乳齒都好重要架﹐咪以為蛀咗唔緊要﹐重有隻恆齒頂住。
不過為咗肯定口水禧嘅恆齒無發顛打橫打斜咁亂颷出嚟﹐照清楚X光好D。尋日發現另外嗰隻都蠢蠢欲動唔執輸想出嚟見人﹐嘩﹗出埋嚟﹐下面嘅門牙湊夠腳打牌lu。而家最重要嘅係每日要清乾淨牙嚹嘅食物﹐刷乾淨棚牙﹐因為四隻牙前後咁排好易收埋D宵夜喺牙嚹﹐一陣乳齒甩咗﹐但原來恆齒賴咗野就弊。
有D blog友講得啱呀﹐隻恆齒係會自己埋位﹐唔洗用脷頂隻牙入窿架喎。點都好﹐口水禧大個要箍牙應該係走唔甩架喇。因為我D牙唔整齊﹐所以佢有好大機會領我野。
好似口水禧呢D異形牙嘅小朋友﹐佢哋話見過好多好多。因為每個人嘅體格同身體變化唔同﹐連甩牙出牙嘅時間都會唔同。有D細路係會先甩乳齒後生恆齒﹐有D會先甩乳齒﹐格成年先出恆齒﹐個口真係擘大得個窿成年先有隻牙出嚟擋一擋﹐真係慘﹗
有D茂利會先出恆齒再甩乳齒﹐有D乳齒係會霸住死都唔走阻頭阻勢﹐遲下先自己甩。千奇百怪﹐乜鬼style都有。但護士只有一個答案﹐就係呢個係小朋友自己成長嘅時鐘問題﹐同係咪乳齒被保護得太勁﹑唔咬野﹑食爛飯等等係無關﹐因為有好多小朋友無呢D習慣但都會有同樣嘅情況出現﹐所以出牙先定甩牙先係因人而異﹐無固定嘅規律。但最最最緊要係一定要保持乳齒清潔﹐因為有D小朋友出恆齒嘅時候已經蛀鬼咗﹐因為蛀咗乳齒無即時揾牙醫做野﹐結果一直蛀到入去下面未出嚟嘅恆齒。我聽過有歲幾嘅小朋友都會蛀到要「杜牙根」﹗
已呢個小朋友成個過程係要全身麻醉咁做。一個咁細嘅人要全身麻醉梗係唔好﹐但無計喇﹐咁細個點會肯同你瞓喺度任醫生魚肉呢﹖所以乳齒都好重要架﹐咪以為蛀咗唔緊要﹐重有隻恆齒頂住。
不過為咗肯定口水禧嘅恆齒無發顛打橫打斜咁亂颷出嚟﹐照清楚X光好D。尋日發現另外嗰隻都蠢蠢欲動唔執輸想出嚟見人﹐嘩﹗出埋嚟﹐下面嘅門牙湊夠腳打牌lu。而家最重要嘅係每日要清乾淨牙嚹嘅食物﹐刷乾淨棚牙﹐因為四隻牙前後咁排好易收埋D宵夜喺牙嚹﹐一陣乳齒甩咗﹐但原來恆齒賴咗野就弊。
有D blog友講得啱呀﹐隻恆齒係會自己埋位﹐唔洗用脷頂隻牙入窿架喎。點都好﹐口水禧大個要箍牙應該係走唔甩架喇。因為我D牙唔整齊﹐所以佢有好大機會領我野。
護士話要剝牙嘅可能性極低﹐除非真係好騎呢﹐騎呢到醫生都頂唔順先會同佢剝。希望喇。
周街都賣緊真嘅聖誕樹。見就見得多﹐但我哋無買過﹐而家有棵假野就更加唔會買喇。通常D人擺完過咗聖誕﹐就會喺屋企個火爐燒咗佢﹔無火爐嘅就掉咗佢。第二年再買過。口水禧身後嘅係5-6尺嘅樹﹐US$39.99。
睇定頭盔準備去參加滑雪班喎﹐唔知係咪真係用得著架﹖D 低B滑雪班唔係淨係喺平地求其sir 下就得架咩﹖
已經踏入瘋狂落葉嘅季節﹐我極度希望D葉會變成銀紙就好喇。唔好講笑﹐就算係一蚊紙嘅話﹐我哋個前園都夠我買成個月餸﹗ 以前會seafood痕出去掃﹐結果掃到鼻敏感幾日﹐原來掃嘅時候會揚起好多霉菌﹐邊掃邊索﹐唔打乞黐我跟佢挽鞋﹗ (有鞋你挽咩﹖) 園丁掃完﹐唔洗一粒鐘又變返咁嘅情境﹐不過我就算見到會身痕都好﹐我打C的唔出去掃喇。費事掃完成身都係﹐入返屋企吹到周圍係﹐結果成屋人係咁鼻敏感。
****************************************
諗咗一招毒辣招對付D PK 家長﹐唔知可唔可行﹐要同另外一個呀媽商量下先。
