連任

Spring break 過咗，繼續返學校交人嘅生涯。重有個幾兩個月就完結嘅幼稚園生活，好快某人就要上小學啦，救命呀！時間真係過得快…… 但可唔可以再快少少呀，最好一瞓醒就暑假就好啦。好攰呀大佬，真係好那攰！唔知係唔係年紀大嘅關係，兩晚夜咗瞓即刻頭痛。兩點幾咋喎，好弱雞呀真係。想起以前晚晚都瞓得三四粒鐘，第二朝起身都無野，家吓真係不復當年勇啦，真該燴！

學期尾要攪個畢業派對，全級幼稚園一齊攪個有如世紀婚禮咁大嘅派對。真係淨係聽吓都有啲腳軟嘅感覺。今日去開埋會之後，覺得我一係要著草，一係就要斷六親先掂！各位睇吓本人對眼袋，相信好快我應該連鬥雞眼都鬥唔到，因為對眼珠會sir落去對眼袋裡面，正所謂我唔瞓佢哋兩個都要瞓㗎！真係自己讀大學嗰陣都無而家咁攞命！（明嘅，嗰陣重後生……)

最近適逢到咗某人年齡上嘅反叛期，日日都比佢激到生蝦咁跳，真係攰上加攰！

天將降大任於斯人，必先勞其筋骨，苦其心智……頂！天呀，你係咪有咩大茶飯想交比我做呀？你再唔開估，我怕我就嚟比你勞損晒我啲筋骨，變咗弱智㗎啦喎！

好耐無夜晚拉筋做吓sit up，睡眠質素開始又下降。

對眼好乾呀，頂！唔知呢篇野想乜差野呀究竟！