泳媽唔係講緊我有個仔叫呀泳，只係我將英文嘅swim mom直譯過嚟就叫泳媽而已。swim mom即係參加泳隊嘅細路嘅家長統稱，我都係早排聽個家長講話”swim moms always get heat stroke” (泳媽最易中暑)嗰陣先知自己有個咁有動感嘅「名銜」。
（有個咁嘅名銜，代價咪就係隨時中暑囉！
）
（有個咁嘅名銜，代價咪就係隨時中暑囉！）
隨住夏季嘅黎臨，泳隊們嘅活動開始頻繁。今年口水禧已經叫加入左泳隊一年，無人會再當我哋係新嚟報到啦，即係咩？即係要幫手做野囉！唉！原以為暑假告別口水禧幼稚園阿四嘅生涯可以好好休息下，點知原來泳隊都有要求家長幫手做義工，重係強迫性嗰隻添，開頭話每個家庭呢個夏季要做30 鐘頭義工，後來因為太多人參加，cut 到每家做16 個鐘。另外再加其他類型嘅活動又唔知要幾多粒鐘，多到我都而家完全唔知究竟我要奉獻幾多時間比佢哋先夠。唯有逢係有比賽嗰陣自己面懵懵去揾下有無臨時工比我做黎填數啦。
上星期第一場time trial，即用黎紀錄每個泳手每項泳式嘅時間。嗰日就無去做到義工，一來唔夠人快搶唔到野做，二來口水禧成個冬天無游，唔知佢狀態如何，呢條友好奇怪，唔肯跳水，唔肯游最深嗰兩條線。佢唔肯的話，係無人可以質到佢落水嘅，但比賽呢家野係無得就你個人喜好架嘛，所以為免佢會阻住個地球轉，唯有傍實佢囉。必要時唔肯落水都可以即刻扯走佢比第二個落去，分秒必爭，費事佢陀衰晒成隊啦。
第一個係游25 米自由式，條友游之前，喺重等緊嘅時候個樣超呆，勁R底，真係放堆玩具喺佢面前佢都唔嘵比反應！當時我同禧爸都心諗觀乎某人出奇咁靜，睇黎要佢落水可能有啲凍過水啦。後來到游嗰下，我去左終點嗰邊諗住同佢影相，企喺對岸嘅我只見人哋砵左一聲之後，條條線嘅小朋友都博命咁游，而我個仔……仍然原封不動坐喺池邊等運到。
教練都無為意有件傻佬重喺佢腳邊未落水，一低頭見到口水禧呆若木雞，直頭要推佢落水！
我呢邊嘅幾位計時員都話：「乜個細路唔知幾時開始游架咩？」問你服未？我無出聲，淨係企喺嗰邊等口水禧游過黎。呢個衰仔，完全將教練教嘅比返晒人哋，事關佢游自由式，但佢竟然用蛙式嘅方換氣，即自由式嘅side breathe(側頭換氣）變左做正面伸個頭上水吸氣，咁咪慢囉。
教練都無為意有件傻佬重喺佢腳邊未落水，一低頭見到口水禧呆若木雞，直頭要推佢落水！我呢邊嘅幾位計時員都話：「乜個細路唔知幾時開始游架咩？」問你服未？我無出聲，淨係企喺嗰邊等口水禧游過黎。呢個衰仔，完全將教練教嘅比返晒人哋，事關佢游自由式，但佢竟然用蛙式嘅方換氣，即自由式嘅side breathe(側頭換氣）變左做正面伸個頭上水吸氣，咁咪慢囉。
就喺佢亂咁游嘅時候，忽然佢又唔知點解好似醒起做錯動作，即刻變返side breathe，就係咁，由最尾出發嘅茂丙變左第二名到達。真係抹一把汗…… 唔係替我仔抹喎，係替佢教練抹呀，收左個咁嘅茂利入隊，一個連幾時開始游都唔知要教練踢佢落水嘅人！
後面嘅幾個式佢都係排第二，整定做阿二。呢條友有無窮嘅力，其實做啱晒啲動作嘅話，佢係游得幾快嘅……如果知道幾時開始游嘅話!
值得一提嘅係好多時家長見到小朋友唔夠人快唔夠人叻就會緊張，可以出手幫就最好啦，出唔到手的話都會在旁大叫喪叫，務求小朋友聽到可以即刻改正，然後反超前。如果叫唔到的話而個小朋友又落敗左就大鑊，事後實比人剷到飛起，恐嚇再係咁就以後唔好點點點。我上左寶貴嘅一課，因為舊年我望住佢游嘅時候如果見到佢動作唔啱，我唔會當場大叫，只會等佢上水後慢慢煎佢。唔知點解，我唔係介意佢唔係游第一，但我介意講完佢都重係錯。所以有時我都會好慶。但而家諗深一層，車，我自己都唔識游水啦，有咩資格話人先得架？再講，佢教練見到佢做錯自然會更正佢，我要做嘅就係從旁鼓勵佢，無論游得好唔好都好，總之就係先讚佢，然後再提點下佢就夠。自從第一場游第二之後，往後幾場佢即刻鬆晒無咁緊張，自信心完全返晒嚟。
