雖則成個暑假我地都無去過其他地方渡下假，不過週末放假嘅時候，我地都會帶口水禧去踩單車或逛下乜館物館。平日練水比賽都用晒啲時間，放假好應該家庭樂搵啲節目玩下嘅。最近唔知係揸車定睇電視發現漁人碼頭附近有個叫Exploratorium嘅野開左（可能都開左一段時間架啦！），有啲似香港嘅科學館咁樣，同California Academy of Science 唔同，Exploratorium係比較多實驗性嘅野參觀者玩而另外嗰個就比較係睇嘅野多啲。我地已經係前者嘅會員，閒時週末，尤其冬天室外凍到嘔又落雨濕濕無野好玩嘅時候就會去打發時間。細路仔最好嘅地方就係無論去過幾多次，佢地仍然會覺得好玩。 我哋跟喺佢後面任佢揀野睇就得啦。不過暫時我仔都唔會細心研究人哋側邊貼住有講解嘅字牌，口水禧係齋「睇野」架咋。
於是有個禮拜諗起不如去Exploratorium睇下啦，落手落腳玩嘅野口水禧真係無乜機會試喎。間野附近有餐廳，有啲會有Happy hours特價，有興趣嘅人可以去試下。不過嗰日我哋就無試啦，一到左就入場。而家帶口水禧出街最煩腦係佢心急非常，係咁催呀催，催到你失晒魂，不過我地成日都會串返佢食早餐嗰陣又唔見佢催下自己食快啲，咁佢就會收口……三秒咁多啦。
於是有個禮拜諗起不如去Exploratorium睇下啦，落手落腳玩嘅野口水禧真係無乜機會試喎。間野附近有餐廳，有啲會有Happy hours特價，有興趣嘅人可以去試下。不過嗰日我哋就無試啦，一到左就入場。而家帶口水禧出街最煩腦係佢心急非常，係咁催呀催，催到你失晒魂，不過我地成日都會串返佢食早餐嗰陣又唔見佢催下自己食快啲，咁佢就會收口……三秒咁多啦。
夏天嘅三藩市有時都要著外套，同我哋住嘅地方可以相差華氏20-30度！記得我第一次黎嘅時候（都係差唔多時間季節），當時重係遊客，以為夏天梗係著夏裝啦，點知喺街見到人著羽絨，但同時又見到人著背心短褲，覺得好神奇！最後當然係頂唔住走左去買外套啦。真係比風吹到面都殭，好似打左成桶botox咁樣！
暑假人超多，又係考驗我EQ嘅時候啦。唔好以為世上只有某啲種族先會唔守秩序，其實天下烏鴉一樣黑架咋！打尖、搶野玩、霸住玩、詐傻扮懵、推推撞撞嘅野係人都識，係與生俱來嘅本能，唔會只係偏偏單單凈係某個民族先識咁著數嘅。呢日去完之後，發現唔單止我嘅EQ受到考驗，連平時出名EQ超凡嘅禧爸都會賴野，咁即係證明黎到呢啲墟憾嘅場面，正常人都會失常，而一直都失常嘅就會變得無常，一時嬲一時笑，內分秘嚴重失調！ 
其實唔單止係外來嘅影響，我自己個仔都激到我彈起！黎到呢啲地方，小朋友早就失去理智，正所謂已經進入「老豆姓乜都唔記得」嘅狀態。橫衝直撞打尖搶野樣樣齊，真係令人非常尷尬！無數次教訓佢要排隊，等人地放低唔玩先可以攞黎玩，但佢仍然都唔多記得，搶唔到就發老脾鬧人；等多陣又唔耐煩；有啲野擺明玩緊嗰個人短時間內都唔會放棄，我哋想放棄等的話有人又唔happy；佢想玩晒全部野但唔夠時間，於是連我同佢老豆肚餓要去食野都要比佢鬧，唉！我如果要爆血管的話真係要爆到成個人血「淺」（我個輸入法無正確嗰個字！）當場先得。所以我同禧爸嗰日真係輪流比貓麵口水禧食，雖然唔係破口大罵，但其實真係好影響去玩嘅心情。我決定第二次要揀人少啲嘅時間先好去，一係就做會員，成年內去幾多次都得，抱住呢個心情某人就唔會穫穫都驚死蝕底咁車到盡啦。
你話啲細路見到呢啲野咁新奇有乜理由唔發顛呢?
意猶未盡都要讓位啦，條隊好長，後免啲人眼望望。
成個場我最鍾意就係呢個飲水器，好攪野！真係有人埋去飲水架！我確係好欣賞啲古靈精怪野，乜都循規蹈舉真係好悶架。
唔知係嗰幾個人唔識整定我個老公異於常人，佢一野就成功孚虜左條繩啦。
其實唔單止係外來嘅影響，我自己個仔都激到我彈起！黎到呢啲地方，小朋友早就失去理智，正所謂已經進入「老豆姓乜都唔記得」嘅狀態。橫衝直撞打尖搶野樣樣齊，真係令人非常尷尬！無數次教訓佢要排隊，等人地放低唔玩先可以攞黎玩，但佢仍然都唔多記得，搶唔到就發老脾鬧人；等多陣又唔耐煩；有啲野擺明玩緊嗰個人短時間內都唔會放棄，我哋想放棄等的話有人又唔happy；佢想玩晒全部野但唔夠時間，於是連我同佢老豆肚餓要去食野都要比佢鬧，唉！我如果要爆血管的話真係要爆到成個人血「淺」（我個輸入法無正確嗰個字！）當場先得。所以我同禧爸嗰日真係輪流比貓麵口水禧食，雖然唔係破口大罵，但其實真係好影響去玩嘅心情。我決定第二次要揀人少啲嘅時間先好去，一係就做會員，成年內去幾多次都得，抱住呢個心情某人就唔會穫穫都驚死蝕底咁車到盡啦。
你話啲細路見到呢啲野咁新奇有乜理由唔發顛呢?
重會變幾種顏色添，幾過癮！細路最鍾意搵野笠住自己個頭架啦，呢個咁大又會變色，莫講話細路，連大人都想試下笠左會點啦！
意猶未盡都要讓位啦，條隊好長，後免啲人眼望望。
我係文科人，呢啲科學野我真係睇完個講解內容都重係一投霧水，正所謂隻隻字都識，但拼埋一齊就唔知點解。
通常啲細路都唔會跟足指示去做，一來能力未必做到，二來佢哋有自己嘅方法去玩。都唔勉強得咁多，但求比佢哋有機會去接觸下，攞個第一次嘅感覺就算。除非間野第二日就執笠無得再去，如過唔係，將來重有大把機會再去，到時佢有興趣研究自然會認真睇講解，認真試同諗。
成個場我最鍾意就係呢個飲水器，好攪野！真係有人埋去飲水架！我確係好欣賞啲古靈精怪野，乜都循規蹈舉真係好悶架。
之前有幾個人喺到試下條繩會唔會捐到入去個窿但唔成功，雖然有幾野夾硬笠落去都笠到，不過條野好快就縮返出黎。
唔知係嗰幾個人唔識整定我個老公異於常人，佢一野就成功孚虜左條繩啦。
呀婆，你生左十胞胎呀！我都生左幾胞！
當日嗰個時刻只有口水禧利用呢個科技將自己變左畸型，睇得後面排隊或路過嘅人幾開心呀！ 邊個老點佢咁樣做？hey，心照咪得囉，唔洗講明嘅。
當日嗰個時刻只有口水禧利用呢個科技將自己變左畸型，睇得後面排隊或路過嘅人幾開心呀！ 邊個老點佢咁樣做？hey，心照咪得囉，唔洗講明嘅。
睇見呢張相重有啲火火哋，事緣口水禧同禧爸玩完一轉之後就去左第二檔玩。後來見到無人排呢個野，於是口水禧就過返黎玩多次啦。玩法係將舊綠色野由最高嗰個位放落黎，條郁動嘅跑道會另到綠色舊野程 U字形咁打住關斗咁落到最底。但點樣放舊綠色野都要有啲技巧，放得唔好，舊野只會sir落黎而唔係U字形咁落。由最高落到黎，成功全部U字咁落嘅話大約需時十幾秒，U唔到的話重快，十秒內就跌落黎架啦。我同口水禧喺到大約試左十秒，期間有兩個男女，大約20歲左右已經有啲唔耐煩，最後一野我哋都未玩完，個男既一手攞走舊綠色野走去放喺最頂個到開始玩，但我哋玩緊嗰陣，舊野只去到相中禧爸隻左手個位置左右，我望住個男嘅，佢同佢條女無動於衷當我地兩母子透明一樣！真係超慶！但，我無鬧佢哋兩個，我拖走左口水禧，當然佢猛問我點解個哥哥攞走左舊野，我只可以教佢千其唔好學嗰兩個人咁無禮貌，心裡面嗰句梗係諗住「你兩個撲街死人渣老恰思奶同細路，將來你兩個有細路時你就知我今日為咩咁嬲呀趁地林！」有細路喺身邊，講真我唔想同人炒大穫，費時我個仔學左我啲猙獰嘅樣將來喺學校有樣學樣駛出渾身解數我就大檸樂啦！但啲人可唔可以對小朋友多啲包容呀唔該！細路手腳慢但好想試，比多幾秒我地會死麼？
我夠膽講句，對細路，老人同動物無愛心嘅人，好人極有限！
好c奶不與狗男女鬥，轉移陣地去玩其他野。老實講，同人霎氣盞激死自己，挑！咁鍾意搶，重要咁厚顏同細路搶，我咪有得你囉，我唔識轉頭再去玩過咩，我又唔係趕住去投胎，大把機會玩啦。
親身示範爆破特技嘅特技人口水禧，唔知有無成都係洗潔精？
親身示範爆破特技嘅特技人口水禧，唔知有無成都係洗潔精？
下面有風吹，水滴會成粒飛出黎，但鏡頭唔夠勁影得唔清楚添。
其實呢啲都係我地日常生活中比我哋忽略左嘅野，但小朋友就有呢份好奇心想知想玩。大人唔會明白點解佢地鍾意掉野落地，點解佢哋鍾意倒水玩水，點解佢哋鍾意問點解。一個「曳」字呃殺全部好奇心同學習機會，如果個個都係咁，今日就唔會有呢間科學館，人類重可能停喺原始人時代。
其實呢啲都係我地日常生活中比我哋忽略左嘅野，但小朋友就有呢份好奇心想知想玩。大人唔會明白點解佢地鍾意掉野落地，點解佢哋鍾意倒水玩水，點解佢哋鍾意問點解。一個「曳」字呃殺全部好奇心同學習機會，如果個個都係咁，今日就唔會有呢間科學館，人類重可能停喺原始人時代。
