今年１月５號踏入８歲嘅某人，生日嗰日正係所有學校放完個長假第一日返學嘅大日子，正所謂幾乎全美國嘅學生都要陪某人一齊返學黎同佢賀壽，何其壯觀呢你話！係咪好興奮先！
雖則生日要返學確係無癮，但某人終於都識得咩係「苦中一點甜」嘅道理，竟然入課室前同老師大爆「今日係我生日呀！」，老師見佢咁樣，於是就迫全班同學入左課室後「羅友」都未掂到張凳之前就要大家一齊唱生日歌比壽星仔聽，比下面賀下佢啦。（喺年初四嘅心情之下，其實有幾多個同學唱完之後完全清醒知道發生緊咩事架呢？）
以前都講過啦，好揀唔揀，揀１月頭黎出世，簡直將「生不逢時」演譯得淋漓盡至。大節過後，錢又洗晒，假又放晒，呢個時候攪生日會真係搵「計」（鬼）黎咩！所以，無同佢攪生日會呀，淨係三條友食個飯跟住切下蛋糕咋。想玩夜啲都唔得，第二日重要返學架，太夜瞓會全家都瞓過龍就大穫啦。本來嘅預產期12月31號出黎咪好囉，又有新年禮物又有生日禮物又未放完假…… （無啦，而家後悔已經太遲啦！）
不過好彩佢重未係嗰啲得唔到會大吵大鬧嘅境界，正日無生日會，三條友一齊過都好滿意架啦，有得玩下吹蠟燭又有佢鍾意嘅朱古力蛋糕食，叫做幾高級嘅享受啦。（係之後不停話想喺屋企攪生日會之嘛……其實由佢準備要出世嘅一刻開始，佢好似都不停搵野泡製我咁喎！）屋企攪生日會就唔好啦，我承受唔起個壓力，攪下playdate就無防。
「給禧兒書」？R頭中……舊年無寫，今年未寫，未必唔寫嘅，睇下一月底前有無囉。而家比住條蕉佢先啦，所以叫「給禧兒蕉」囉。
喂，有無同我同齡嘅人喺度呀？我28……１０年前。如果你同我同齡嘅話呢，我想問，你有無成日都好攰呢？夜晚叫做都幾早瞓架啦喎，12點前都瞓左，有時再早啲添。每日做好家務之後好似托左成日石油氣咁，無野呀嘩？乜唔係人越老越瞓得少架咩？咁樣落去，呢個blog就快要變香蕉種植場啦。
然後每一年口水禧生日，呀媽都只可以給禧兒蕉架啦。乜過左37之後個人會咁嘅？
其實呢幾個月做左好多野架……返過香港添！等我叉好電先有力寫。
嘩，終於浮面啦，先同禧哥講聲:生日快樂！🍌🍌繼續快快樂樂！
唔使到28+10，我青春少少，個人都長期渴睡咁，每日返工，湊女，家務，個人攰到隨時都瞓得著😪😪😪大家努力頂住啦，有排捱💪🏼💪🏼💪🏼💪🏼
Happy new year!
給禧兒書好好睇, 除了禧禧, 我都等緊~ XDDDDDD
人到咗某一個年紀，新陳代謝會減慢，體能會下降，如果唔做運動，肌肉甚至會收縮，有時坐得耐會腰骨痛添！
禧媽 — Wishing u & your family a very happy “YEAR OF THE GOAT / SHEEP!”
多謝你呀咁有心！我都祝你同你嘅家人朋友至愛們羊年身體健康，心想事成！
嘩，你終於浦頭啦!我又甘好彩次次唸住睇下有無新BLOG時都比我發現驚喜! 我基乎放棄你架啦(講笑je)
祝禧禧生日快樂!八歲啦，就快變青年人啦，我係咪應該改口叫禧哥呢? 完全明白”生不逢時”因為Kori都係一月頭的! 不過佢仲未feel到住，過多幾年應該會怨我!
認真的:welcome back! 得閒咪潦幾隻字囉，等我唔會成日以為你封blog! 你忙，我
明的!我真係明架，我間新屋都就發毛!
我個blog養蜘蛛織網丫嘛！我其實收埋好多draft架，篇篇blog都寫到一半，真係服左自己。年頭一月嗰陣寫左幾段，跟住就入左黑洞啦。
喺香港嘅話，一月出世就好啦，隨時撞著農曆新年，利是都收多封！喺美國一月出世啦喎就……除左講句「恭喜」之外，就真係唔知再講咩好啦。
禧媽!!!!! I used to follow your yahoo blog backin 2008, was just married back then!!! 之後幾年黎生活頗大變化，一向追開嘅口水禧個blog同埋呔blog 全部甩哂！
前年年尾生咗亞女更加周身唔得閒，直到上個月亞女滿一歲，大個D我D時間開始多番D，終於有閒情可以做多D自己喜歡嘅嘢例如追blog:) 我成個星期追番唒你幾年來嘅blogsssssss!!!! 見到口水禧同你地一家健康活潑齊齊成長，真係堅替你開心!!! 依家我做左人亞媽，睇你寫嘅分享點滴更加感同身受
知你湊仔好busy, 有時間同精神就寫多D啦，你D分享好有用㗎真係
over over，地球人羊太係唔係樹？係，我又「鼠」返落黎同地球嘅朋友通話啦！多謝你咁有心，一個星期睇晒啲blog，重留到comment比我咁勁，你對眼唔攰咩？
我以前成日以為個仔越大我就會越得閒，原來唔係，起碼佢１０歲前都好難再同得閒有聯繫啦我。 
我有好多野想寫架，不過吞返晒落肚啦，所以家陣個肚腩又……唉！唔好提。
新嘅一年，祝你一家開開心心，身體健康！
好掛住你呀禧媽,終於等到你出blog啦,幾擔心你突然封blog呀。
祝禧禧生日快樂,禧媽越大越靚女(其實已經好靚女，唔係點生得禧禧咁靚仔)
唔知你仲記唔記得我？當年第一次留言就長篇大論講自己個仔因為要玩水機，even summer school都比人趕走嗰個呢！
我12月初都帶咗阿仔返香港放假，美國咁早放聖誕咩？
成日見攰？係咪有好消息呀?
我無封blog，我封我自己之嘛！
我記得你，你留過幾次超長嘅留言比我。而家仔仔返學點呀？鍾意學校生活嗎？
美國啲學校連埋winter break一穫過放丫嘛，所以12月中就開始放架啦。
好消息咪就係人……原來真係會老架喎！
祝禧生日快樂呀!我同你同年架, 呢d歲數,就算每晚好早瞓, 第二朝起身都係好累架, 瞓左都好似無瞓架。
當然, 點解咁辛苦, 咪就係因為大家都有個仔囉!!!!!
我都等左你個blog好耐啦
快啲比個五我啦（如果你重有力未攰屎嘅話）！
多謝你等我，等人都好攰嘅，我知。
禧禧, Happy Birthday!!! 祝你愈大愈靚仔!!! :)
禧媽，新年快樂呀!! 我係好好好好好好耐之前send過email俾你果個女仔呀，唔知你有冇印象，見到你update個blog好開心，所以決定留個言俾你，希望你地新一年繼續開開心心，健健康康!!!!
多謝你呀！真係真係唔好意思呀！咁耐先打撈返你個email上黎，真係蚊都瞓啦！
禧禧個髮型好型仔呀!
得你咁講咋，上次喺香港周街比人問點解咁長頭髮，有個呀嬸重當街當巷話我仔似人妖添呀，頂佢！
嬉媽, 好開心又見到你update個blog, 真係等到頸都長哂! 快D寫多D啦, 好掛住你們一家. 唔好成日話自己老人家啦, 我仲大個你, 仔又細個你, 我覺得自己仲好young架, 最緊要心境青春 !!!
覺得自己young咪好囉，我都覺得自己young架，但體力同精神上話比自己知唔係幾young之嘛！
禧禧生日快樂呀，禧媽有無想佢唔好咁快大住~
我淨係唔想自己咁快大……
哥生日快樂呀。。終於搵到你個blog啦。。自從yahoo摺埋咗就同你地失散咗。。好好好掛住你地呀。。祝你地一家幸福快樂
你終於到搵到路返黎啦？
唔好再走散啦咁！
多謝你，我都祝你新嘅一年開心健康！
新一年，繼續幸福快樂，blog友常爆滿！YEAH，Yeah~~~
你一發功，我呢度就常爆滿啦，小管！
祝你2015事事順利，要乜有乜<<< 呢句係咪好勁先？
琴日打回又POST唔出。。。。。先祝口水禧生生性性～ 唔好頂／駁呀媽咀。（做咩做左長毛禧既）唔同怕步老豆後塵？？
有人話你串佢，佢要block你喎！
雖然等左好耐,但終於都等到你寫番野啦
禧禧話咁快就8歲仔,會唔會好唔捨得呢~
快d update啦~唔好俾自己懶,加油呀!!
我最唔捨得係我自己咁快就38歲呀！
「快d update啦~唔好俾自己懶」<<<< 呢句野太唔敬老啦！簡直令人傷心欲絕！
禧媽，我睇左你覆我既comments ar!!!係啊，我係短頭髮嗰個少女啊！我當你真係記得我啦，哈哈！好開心啊！！我剛剛add左你fb啊！你點解會越來越索又好靚女既？！好青春少艾啊！唸反起我剛剛睇嗰時開始睇禧禧yahoo blog 他都是3歲多，時間過得好快，大家經歷左既野都好多！睇你個blog都帶左好多歡樂比我，多謝你禧媽(我睇嗰時係我好唔開心既時間！)。認識到你，真係有少少緣份啦！希望你會繼續寫每一編咁精彩既blog!:) :)
咩當我真係記得你呀？我直情係記得呀下！我未痴呆得晒架！
下？其實我開始有呢個blog嘅時候，口水禧得８個月咋喎！唉呀！你錯過左嗰條友最低B嘅時光啦。家陣嗰啲陳年舊blog唔知比「謝霆峰」收埋左去邊啦。
睇得你開心就好啦，個blog主要嘅作用都係咁啫。我無後生到呀，係啲相影得好咋，如果係我老公揸機嘅話，我呀媽都認唔出我架！
係啊禧媽，小妹錯過左最初嗰啲blog ar!!不過，我之前都有”look”返去之前嗰blog家！你有啲係講返之前跎仔嗰時既辛酸嘛，我記得啊！仲有啊，多謝禧媽你教我念心經（when I was so sad),之後我就開始好背，直到現在，我每天都有念(盡量)。真係令到個人放鬆左。係呢禧媽，禧禧咁靚仔，有無經常好多女同學圍繞他啊？
好掛住禧禧啊
睇blog果陣禧禧都仲係讀緊幼稚園，咁快咁大個仔，仲要咁靚仔。生日快樂，繼續快高長大，等禧媽可以快快自由快活 XD
多謝你呀！巧揀動啊！
<<<< 講緊「等禧媽可以快快自由快活」呢句，真係好有人情味嘅一句說話。 
禧禧生日快樂，身體健康！禧媽你要平均分開每天的家務，不要逼自己每天完成！每天吸塵但不必每天抹地！有時間就出去跑步或游水輕鬆d，星期六，日盡量不在家開餐，或者煮簡單d。
我經已懶咗好多架啦，但可能年紀大手腳慢，做少少野都要做好耐，做一陣就攰要唞下。所以用好多時間偷懶！
星期六日除左早餐，我係唔會入廚房煮食，你話我夠懶未？
生日快樂 似霆峰既禧禧 哈哈
順祝你們一家新年快樂
A~A~A~冒認謝霆峰嗰個唔係口水禧呀，係佢老豆呀！
唔記得提你睇之前先攞定個嘔吐袋
新年快樂~~~
攰都係正常既…成擔心機、心力都放晒落頭家到喎! 加油!!!
實在係太感動啦！！！
真實到我都唔好意思認！ 
禧媽冇見半年仲係咁風趣
保重身體啊！
口水禧游水游到快高長大再加埋呢個髮型佢應該係八年級唔係八歲
哇，八年班，我多麼渴望黎臨嘅日子呀！
怕且到嗰陣佢已經唔會再比我喺blog 寫佢啦，咁我就可以立左成個blog 黎寫豔情小說呀，馬經呀，乜夫人信箱呀咁。 
無見半年咁耐咩？
好期待禧媽的精選連載！！
雖然冇半年但個感覺邊止半年
禧禧，快高長大，學業進步！
多謝你！
YEAH!!! 終於見蕉啦, 掛到我哩,.,.,哈!!
祝禧禧生日快樂!!! 身體健康!!!
唉!! 人老左係咁, 個人好快冇電, 訓極都補唔番 ><
唏，蕉係要黎掛架嘛！你再掛下添啦！
我都唔算要訓好多，但就真係晚晚洗完碗就開始無電想訓覺，真係唔知我個頭想點！
唉，年紀開始上啦，係要開始注意保養下啦，完全同美醜無關，純粹係成日覺得力有不遞。 
野,.,好衰嫁, 要人掛住你,.,.WAHAHAHAHAH
你一樣咁靚,.,.,力有不遞係真,.,.,.,3字同2字時真係差好遠, 我個女先兩歲, 有排捱,.,.,.,仲要諗住生多個, 我都好驚自己頂唔頂到,.,.,.,
咦 我同意你講個個好生唔生生係年頭 仲要頭五日既講法 因為 我就係經歷左二十五年既過來人:-(((((( 錢又洗哂 學又第一日返 仲要下下都大過同年人 禧禧係仔好啲 但係人家係女仔 點搵男朋友都係做姐弟戀咁:'(((((((( any肥 一齊生日快樂呀禧禧<3 辛苦你啦禧媽～～～～～
姐弟戀無所謂啦，家陣興丫嘛！後生嘅男仔但思想成熟嘅話就ok 啦，有賺添呀你！(青春嘅肉體幾咁good! 哈哈！
)
唔好意思,之前揾唔到自己個留言,重覆咗添!
係呀,運動好緊要,我而家一星期行2-3次山,每次2小時,冇咁易攰(行平地冇呢個效果),你可以試下
如果第一次留言呢，係要等我approve 左之後個comment 先會出現，不過之後再留就唔會要我approve 架啦。
我呢，之前有keep 住跑步同夜晚做sit up 就好啲，但而家好早就想訓覺啦，唔知去邊度唧時間運動！
新年快樂!
禧禧，生日快樂!
hehe…我知你地返咗香港,我地有幸見到禧禧,高大!有型!靚仔!遺憾既係見唔到禧媽,禧爸真係好似賜哥!
有人唔認自己似幟哥，佢話自己似謝霆峰喎 ……
禧禧，生日快樂呀!
多謝你！
禧禧，生日快樂呀
禧禧好高、好好好型仔! 
睇咗你個BLOG好耐,但好少留言!
我同阿仔好榮幸,14年11月2日在將軍澳寶林站見到禧禧和爸爸入閘,可惜見唔到靚女禧媽,遺憾
禧媽, 係呀,好易攰!小心貧血,記住年年驗身!
嗰日應該係佢老豆帶佢去朋友屋企食飯，我喺新都城將佢交比佢老豆，無同佢地同行，所以你見唔到我囉(你時運高呀嗰日！
)
有呀，我地3個年年都會驗身架。我生口水禧嗰陣有嚴重貧血，不過幾年前已經無事lu. 我估我係年紀同無做運動，所以而家郁下都覺攰。
Hi Hei Hei, I wish you forever healthy and happy. Happy belated birthday.
Forever healthy and happy應該預埋佢老豆呀媽丫嘛！就黎比個衰仔激死啦！
禧禧,生日快樂呀
多謝多謝！呢期去左邊度發財呀？
嘩老細！你咪嚇我，咁快8歲？我睇口水禧blog時佢係個BB咋，咁我咪老咗好多？
話時話，1月頭生日真係好不幸，天氣又凍邊度都去唔到(我今年生日整日攝氏零度以下)，禮物更加唔好講，都係趁聖誕時買落嘅減價貨，唉。
咁耐都未８歲先得人驚呀嘩！咁幾時先有自由呀我？
喂，８歲呢下都未算最恐怖呀，我有個對上一次見佢嘅時候佢重啱啱學行，再聽到佢嘅消息之時佢已經做埋老豆啦，呢個先勁驚呀！
喺美國一月頭生日真係除左講句恭喜就真係唔知重可以點安慰大家啦
！
以前口水禧還是個BB的時候已經覺得佢好靚仔，
而加簡直是美男啊～～～～～～完全是老少女的菜。哈哈哈
然後你終於更新這裡了，我好滾動～～～～T0T
係咪美男尚且言之過早，因為佢越大越似佢老豆！
（好彩有人好似未知我出左新blog，重未見到我咁樣唱佢！ 
）
口水禧，生日快樂！:heart:
作為忠實粉絲見到有blog睇不其然會心微笑，yeah
祝新年快樂
你笑還笑，無人見到嗰陣先好笑，你電錯對面嗰個有手尾跟就唔關我事架下！
O拿，係返「過」香港，唔係返左喎 ……唉！返左定返過都好啦，下場都係比人丙架啦。
Happy Birthday Hei Hei! Time flies!
Stretching or yoga will help! The more exercise you do the more energetic you’ll feel… =D
已經好耐無運動過啦，唉！抵我搞成咁！
又一年啦，禧禧生日快樂
8年咋，重要等多幾年我先重拾自由呀！
終於有卜睇！好野！
禧禧生日快樂！
快啲去買六合彩啦咁！中左頭獎嘅話，o拿，我唔大貪嘅，分啲零頭過我就得架啦！
禧禧，生日快樂
多謝多謝！新年快樂！
Happy Birthday ar 禧禧！！And belated Happy New Year 禧家！
多謝你！新年快樂！<<<雖然已經一月中，應該未算遲呀呵？
禧禧生日快樂~ 真係越大越靚仔呀, 再咁落去溝哂D女點算
連你都溝埋，全部娶返黎幫老爺奶奶洗底橫！
一返學就吩咐老師做野.
家長日嗰日佢咪知點老師做野嘅下場係點囉！
終於等到你update. Happy belated birthday 口水禧，Happy New Year 禧媽！
太感動啦，幾廿歲竟然重有人肯等我！
多謝你，祝你新年快樂！
終於等到了!!!!!!!
新年快樂呀!!!!!!!!
禧禧，生日大快樂呀!!!!!!!!!
係呀，我都等到自己對手肯打字啦！
新年快樂！多謝你！