泳媽唔易做
泳媽唔係講緊我有個仔叫呀泳，只係我將英文嘅swim mom直譯過嚟就叫泳媽而已。swim mom即係參加泳隊嘅細路嘅家長統稱，我都係早排聽個家長講話"swim moms
天堂
這裡仍然是天堂有愛有歡樂真實不虛幻娃娃們的臉百看不厭！
Push My Button
細路仔嘅品味有時真係好耐人尋味！就好似今日我哋係課室準備緊父親節嘅禮物咁，老師攞左一抽領呔返黎諗住比啲細路揀黎送比佢哋老豆。成抽呔當中，有一條我哋幾個呀媽笑左幾日！ 完全唔明白買嗰個人究竟想點！佢係一條啡色嘅呔，成條呔無其他野，只係喺一頭有個魚頭，呔尾有條魚尾。條魚個樣好似平時我哋蒸嘅魚咁嘅樣，條呔戴左上身之後，個魚頭就會向住地下，條魚死唔眼閉，口擘擘咁向住男士嘅重要部位，當嗰位男士步行嘅時候，條魚就會fing
炮灰
近排係咪傻左猛更新個blog，失驚無神突然有時間架呢？搾咪有囉。而家每日放左學返屋企即刻食啲野就要出去練水。（前幾個blog咪講左囉，又提！）ok
破財日
尋日堪稱係我哋嘅破財日！一日破左成千蚊美金財！我知，好多人一日都洗到成千蚊，但我哋唔係大富之家丫嘛，仔細老婆「亂」（我點敢認自己係嫩口個嫩呀！），禧爸一個人賺三個人洗，一日跌咁多錢出街都咪話無感覺！事緣係前幾日當我出去後園淋花嘅時候，駭然發現一篤人屎咁大篤嘅屎訓左喺我草地上，簡直係勃然大怒！一望就知邊個做嘅好事啦頂！正是纏繞我哋多年嘅浣熊。頂，以前喺一個位爆石我都算，家陣轉移陣地，攪到去草地屙，重要爛爛哋嗰隻，剷又唔剷得晒，留返啲黐喺啲草上幾核凸呀！都未嘔完，尋日再留兩大篤比我留念，重要開始有擴散嘅跡象，惹黎好多烏蠅兼臭到飛起，真係忍無可忍，呢穫唔揾人黎捉真係唔掂！事關浣熊嘅糞便裡面有種寄生蟲對小朋友嘅腦非常危險，輕則破壞個腦，重則送個細路去賣蛋。以前係硬地屙都好清理，而且黎黎去去都係同一個點上屙。家下係四散草地上，需知我屋企有條友會係草地上打滾，見野就執黎玩，萬一執左篤屎黎玩嘅話，我唔敢想象會發生乜野事。早排有人玩我喺出面掃貓屋嘅掃把，結果成頸生粒粒，攪左兩個禮拜先好返。點都唔可以冒險博佢唔會玩屎，唯有call人黎擺籠捉浣熊。第一隻盛惠三百美金，之後每隻一百二十五蚊，捉到唔再黎為止。真係驚捉完之後，我哋三個要去訓街！個叔叔話通常捉幾隻就會停幾年，望就咁望啦！我有一晚半夜望過出窗，見到十幾廿隻...... 攪完浣熊，個銀包重滴緊血，部吸塵機跪低左，攞去整，個叔叔報價同部機買返黎個價差唔多。即係不如買過部好過。又跌幾百蚊！跟住手提電話去左賣蛋，又跌幾百...... 呢個月褲袋穿晒窿，係時候要同個銀包止下血啦！ Read more [...]
莫做功課機械人
今日派左功課，平時口水禧規定自己星期二先開工做功課。但今日打開個「快路」，佢已急不及待立晒架生話要做功課。唔洗十五分鐘就攪掂晒，放返落書包準備明日交貨。
種……
......Mimi 我屋企有個貓痴, 唔係我,唔係禧爸。所有功課都係畫貓，畫到老師要禁止佢再淨係畫貓。所有書臺上擺設都係貓 -貼紙、填色冊、隨身帶玩具、衫、日用品...... 父/母親節卡、聖誕節卡、生日卡上唔係多謝爸爸媽媽養育佢，而係多謝雙親比左隻貓佢。呢排學左infinity（無限）呢隻字,日日都話想養無限隻貓。媽媽話唔會再添多隻架啦，佢無有怕。正所謂你有張良計，我有過牆梯。你唔去買多隻，唔緊要。我自己種
流汗
老師：點呀？覺得條蚯蚓點呀？（大路答案應該係好軟呀，好林bat bat )口水禧：呀！佢好濕呀，佢流緊汗呀！老師：啊......係呀......可能佢見咁多小朋友喺度有啲緊張到出汗啩！
減壓
外國嘅生活一向都比人覺得好悠閒，無拘無束，草地放狗曬太陽，咖啡室外嘆下午茶，名店shopping行到啲雪紡裙會飄起嗰隻咁他條......咪傻啦，呢啲情境最多係週末先有架咋，平時閒日，我哋同地球每一個角落嘅人類一樣，都係趕趕趕趕，裙拉褲甩咁架！上班一族嘅忙碌，我已經無資格去講啦。不過家庭主婦嘅忙，我又無興趣講，因為明嘅人會明，唔明嘅講極都唔會明，重以為我喺度博同情添！所以我都係慳返啖氣暖肚好過。自從泳隊再次開張後，每日放學趕返屋企，食野換衫然後去練水。練完返屋企一直忙到可以合埋眼，已經係半夜。週末，放下所有野
一張紙
語言治療師叔叔：禧禧呀，學校最近有無啲咩得意野講比我知呀?口水禧：我做數學功課，學校比左張紙我呀。叔叔：下？比張咩紙你呀？口水禧：咪就係一張紙囉。