口水禧日記

喺我讀中四嘅時候﹐學校嚟咗幾個喺出面派位入嚟嘅新同學(唔知點解中四的會有派位架呢)﹐呢幾個同學係好多老師同學生嘅頭號頭痛人物。其實﹐問心嗰句﹐佢哋除咗無心向學同埋嘴多兼口臭之外﹐心地唔係壞。起碼識咗佢哋嗰兩年我都無見過佢哋做過任何一件事係去害人嘅。但係因為佢哋唔讀書﹐品行唔係老師心目中嘅嗰D乖乖女﹐所以個個老師都唔鍾意佢哋﹐基本上係處處都想為難佢哋﹐捉佢哋痛腳然後罰餐飽。老實講吖﹐人哋喺乜野學校過嚟架﹐洗驚你哋D靠嚇手法﹖你嗰D郁下又話記人大過小過拎去嚇鬼喇﹐人哋點會驚吖低能﹗我唔係同佢哋一班﹐所以我唔知佢班友上堂有無擾亂秩序﹐但係喺學校嘅時候我就唔見佢哋有點樣唔好。可能會惡作劇整蠱下同學﹐串下同學仔﹐但都係玩下講下笑嗰隻啫﹐唔係真係話想人哋死嗰隻咁黑心。我寧願有咁樣嘅同學﹐好過嗰D笑裡藏刀﹐喺你面前扮晒對你好﹐喺你背後同老師篤爆你個背脊嘅嗰D人渣做朋友好過喇﹗ 其實佢哋都好努力想同其他嘅同學有計傾﹐唔洗話做好朋友﹐但係都唔洗話係敵人喇。不過都唔係個個同學可以接受到佢哋。不過入咗嚟無幾耐﹐佢哋就同我哋玩開班人叫做熟D喇。咁就中午一齊出去食飯﹐喺學校嗰陣又圍埋一齊吹下水咁囉。粗口爛舌就梗架喇。傾計啫又唔係走去用粗口鬧人。我覺得無問題。不過同學梗係覺得好有問題。漸漸﹐我哋亦都被一D同學認定為「唔係好人/學生」(唔知又有無人話我哋係黑社會﹖)。老師對我哋當然亦都「另眼相看」喇﹗D待遇都零舍特別D﹐捉D乜乜物物嘅尺就對我哋嗰陣係零舍嚴謹D﹐好彩﹐嗰陣我都已經無再同自己個頭玩遊戲喇﹐就咁梳條辮就返學勒﹐無gel隔夜頭喇。條裙都係咁喇﹐摺下裙頭咁囉﹐查嗰陣咪放返落嚟囉﹐但我條裙短極都係膝頭哥對上一寸啫﹐唔係咁都叫過份呀嘩﹖﹖﹖﹖書我都讀架喇﹐F3嗰陣下學期整咗張滿江紅成績表比呀媽嘆﹐梗係剷青咁剷到我上咗天花板喇﹗F4嘅時候屋企有事﹐所以個人都生性讀書。所以都無乜在入D老師嘅shit Read more [...]

尋日講到我升唔返原校嬲到爆。後來去咗間商科學校讀預科。其實報咗名之後禧婆婆都係唔係好老黎我去嗰間學校度讀書﹐所以左託右託揾咗個機會叫我去另外一間都出名嘅學校試下人哋收唔收我。講真﹐係就係唔多願意去試架喇﹐不過比下面都要去喇﹐唔係我實比佢劈開兩邊都似﹗以為有熟人介紹話去面試都係做樣架啫﹐點知又真係好認真咁要收我報名費喎。心諗唔多妥咁喎﹗入到去見個先生﹐睇完我張cert潑咗我一面冷水最後係混吉嘅。 In我嗰個先生劈頭第一句就話﹕「下﹖宗教攞B有咩用呀﹖」 我心諗﹕「點吖﹖係咪犯法呀﹖咁要考唔通唔讀呀﹖問嚟都多舊魚﹗」 先生﹕「嘩﹐Eng Read more [...]

blog友們﹐感激你哋大戰驗證碼留比我嘅回應﹐不過我想快D講完學校單野﹐等淨係想睇口水禧嘅人可以快D睇返口水禧而唔係佢呀媽喺度豬o翁﹐所以你哋嘅回應我搞掂後會回覆架勒。想齋睇無格仔新到HD版口水禧嘅朋友﹐忍耐多少少﹐好快有新貨返架喇﹐睇o岩埋鏡拼喇﹗~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 好﹐上回講到嗰兩個同學扮晒野喺我張臺前講佢哋溝仔(sorry﹐實在諗唔到除咗呢個字重有咩字應該用﹗)衰咗嘅事﹐重要兇我叫我唔好偷聽。我唔該佢哋兩個唔想比人知就唔好企喺我前面搞住我D文具講喇﹗除非我係失聰架啫﹐唔係嘅話﹐我呀媽生對耳比我咁健康﹐佢兩個企咁埋﹐我擘大口就接晒佢哋D口水架勒﹐點有可能聽唔到啫﹗話時話﹐你估我好想聽架咩﹗重有呀﹐唔好企咁埋喇﹐我之所以要坐嗰個位都係比個班主任欽點架嘛﹐一陣佢睇錯咗以為我都有份傾計﹐係人都知佢會罰邊個架喇﹗ 點解我唔鍾意齋校呢﹖就係因為學校裡面無男同學﹐日日返學都係對住女仔﹑女人﹑老女人或者幾個中年嘅男教師。正常嘅同學係無野嘅。佢哋係專注佢自己嘅學業同佢自己嘅事。好少出聲呀之呀jaw。但十幾歲嘅年紀青春期開始﹐有D人梗係會對異性有D好奇﹐驚驚哋但又想知多D男仔野。所以有D同學對於嗰D出面識咗D男仔嘅同學零舍仰慕﹐覺得佢哋好勁呀﹐食lunch都有得約男仔一齊食。有D拍埋拖就更加係叻喇﹗如果個男仔係某間名男校嘅人嘅話呢就重不得了喇。(你話我小人之心咁諗都好喇﹗有無人夠膽話完全無吖﹖)所以因為咁﹐有D同學好鍾意喺學校裡面耀武揚威﹐講到自己出面識幾多人又有幾多人追呀咁。但係﹐嗰兩條茂利喺我面前講佢哋D威水史又好失戀史又好係無用架﹐我愕高頭望下佢哋就以為我好有興趣聽﹐梗係諗住﹕「傻婆﹐呢D野你肯定無試過喇﹐講你都唔明架喇﹐返屋企哺蛋喇你﹗」﹐之但係我係男女校升上嚟架﹐我見過男仔呢種生物架喇﹐大姐﹗我都有男性嘅朋友放假約埋一齊男男女女舊同學嚟我屋企BBQ架﹗所以我唔會聽完之後覺得你好巴閉架﹐唔該。 拿﹐女校D人唔好插我呀下﹗我真係唔明先咁講架咋。完全無歧視或者踩嘅成份架下﹗即係咁﹐我覺得喺五年嘅中學裡面(我有D同學由幼稚園開始已經係女校)日日都淨係見住女同學﹐屋企無細佬或哥哥又無男性朋友嘅嗰D同學﹐第時到大學甚至出嚟社會做事嘅時候先有機會接觸到異性會唔會唔知點或者唔習慣同異性相處溝通架呢﹖我自己係個例子。我中六嘅學校係男女校﹐讀完五年女校入咗呢間男女校預科嗰陣﹐開頭真係唔知點同D男同學溝通。周身唔聚財咁﹐大佬呀﹗我五年都習慣周圍都係比女圍架咋﹐突然咁多男仔喺我附近﹐有D驚佢哋但又唔知驚D乜。所以我都好想知其實係咪我自己低能咋﹖有無人都係咁架呢﹖ 講過話學校要催谷我哋嘅英文﹐F2嘅時候reading堂整本深到嘔電嘅小說嚟教。嗰本野真係﹐一行字10隻有9隻係一定要查字典嘅。睇一頁真係要成笠鐘咁耐。因為你不停咁睇一粒字又放低本書﹐跟手就查字典﹐再攞支筆寫返個解釋落去本書度﹐唔係一陣間問書唔識答我咪又賴﹖咁如是者又睇又放又查又寫再睇再放再查再寫......查晒成行字又要由頭睇過先至明成句野o翁乜﹐你話勒﹐睇一頁要一粒鐘係咪唔算過份吖﹖本野D字又細﹐D行又密﹐D解釋真係寫到就嚟要加紙先夠位﹐成頁野花到無老花的幾乎有老花﹐唔係我一個人咁樣覺得架﹐係好多同學都覺得本野真係難啃架。後尾個先生有無教晒我已經唔記得勒。英文真係有得谷架咩﹖唔係教架咩﹖你唔好攞本英文財經叫我哋讀吖笨﹗痴線﹗係人都知要培養睇英文書嘅興趣應該由淺入深架喇﹐你一下子攞本高幾班嘅書嚟叫人睇﹐唔好話成本書喇﹐睇一頁我都想死喇﹗個故事又悶又唔知講乜﹗我本來有心想學好D英文都比你嚇走咗喇﹗ 講開reading 堂﹐我諗起一件事。話說我哋嘅reading堂係分兩樣野嘅﹐一樣係學校指定要睇嘅小說﹐另一樣係你自己借嘅小說。借嗰本睇完要做D問題卡咁。指定嗰本要做D乜我已經唔記得咗勒。指定嗰本係每堂都要睇﹐老師會教書咁教嘅。不過﹐教吖嘛﹐即係佢入到嚟自己好似開著咗收音機咁鬼食泥咁係咁讀D字﹐讀完一段就用廣東話解一次囉。你話唔瞓就有假喇﹗但係﹐我無瞓。唔記得咗我拉頭馬坐頭位咩﹖邊敢瞓吖﹗嗰陣重識得咩叫比下面﹐用牙簽都要撐大對眼頂住喇。個先生讀讀下﹐我打咗個喊路﹐唔記得用手遮住個口﹐就係咁﹐唉﹐又賴。個先生咁o岩愕高頭望到我打喊路﹐一怒之下叫咗我企出去課室嘅中間面向住全班同學﹐佢話我無心機上堂﹐老師教緊野我就瞓覺。叫我將嗰個chapter講埋落去。慌佢唔係以為我上堂都瞓實係無備課喇﹐呢次重唔C﹗弊在我暑假嗰陣喺屋企已經pat Read more [...]

呢期講開口水禧讀書揾學校嘅事﹐不期然都會令我同佢老豆諗起自己細個讀書嘅點滴。點解會係廣東話呢﹖無錯﹐唔慌好野~~~~~ Are you ready? 香港嘅教育機制我唔評論喇﹐事關每個地方嘅教育都總會有甩甩漏漏嘅野架喇﹐美國嘅教育都唔係完全perfect無野唔好架。不過我又無喺呢度讀過書﹐個仔又未開始身受其害﹐所以暫時都無野可以發表。一連幾個blog我都係想講自己讀過嘅中學﹐各位同窗﹐假如你認得我就係呀邊個邊個衰人/八婆/豬兜咩都好喇﹐我講嘅野只係代表我自己諗架啫﹐就算你覺得我唱衰自己間母校咁反骨嘅野都做咁賤﹐搞到你心情低落嘅話﹐I Read more [...]

我們這裡的入學資格是只要你是住在這個社區﹐你的孩子就可以免費入讀屬於這個社區內的學校。一個大的社區還會劃分一些小社區﹐合不合乎資格進好學校也得看你住那條街那個地段。一街之隔﹐可以是天淵之別。樓價也因為學校的質素﹑該校學生考公開試所得之分數高低而定。當然﹐要是那個社區的小學﹑初中和高中都屬於好學校的話﹐哪怕住的是個爛房子﹐也可以值一百多萬美金以上的黃金屋﹗而大多的好學校區住著都是亞洲人﹐像印度人﹑中國人或韓國人等。原因應該也不用多說了吧。 買這個房子的時候沒考慮過校區的問題(也輪不到我們去挑三挑四﹐怎買動輒上百萬的房子呀﹖)。只聽說有一家學校還可以﹐孩子可以從幼稚園一直唸到高中。不過由於很多人都會慕名而去報名﹐所以每年這學校都會以抽籤的方法取錄學生。以前﹐聽說三歲就要跟孩子去報名﹐然後等候四歲的時候抽籤﹐五歲入學。現在原來改制度﹐只讓四歲的孩子報名和抽籤。 為什麼我這麼清楚﹖因為前天我們帶著口水禧去了學校一趟詢問一下報名的資料。老師說學校在每年的十二月三號接收報名。報了名的孩子就會給記錄在候補名單。像2010年十二月報名的孩子﹐就會在2011年的十二月進行抽籤。被抽中的孩子就會在2012年的九月開學﹐如此類推。 老師問過我們口水禧的出生日期後說了一句﹕"oh, Read more [...]

上回去香港的時候發現八達通被廣泛地使用﹐到那裡也好﹐只要身上有一張八達通的話﹐好像不用帶現錢上街也可以。有的停車場甚至只接收司機以八達通結帳呢﹗這跟我離開香港來美的時候真的變了很多﹗ 在這裡﹐我跟禧爸也很少用現金買東西(除了是到唐人街以外)﹐一般我們都用信用卡付款。哪怕是一杯兩塊錢的咖啡也好﹐即使你刷卡也不用遭人白眼。用信用卡購物的話﹐如果想退貨卻沒有保存單據的話﹐商店也可以憑卡把交易資料找回來核對﹐然後退錢或給store Read more [...]