沒想過呆頭呆腦的口水禧在學校雖然是「獨行俠」一個﹐但是都有對他死心塌地的Clara陪伴左右﹐剛過去的週末還邀請他參加自己的四歲生日派對呢﹗那是口水禧第一次參加同學的生日會﹐當然﹐對他而言並沒有什麼特別﹐因為Clara的父母替她在學校舉行生日會﹐所以口水禧只覺得自己去了上學﹐至於為什麼人家請他吃蛋糕他都搞不懂。
距離對上一次嚟洗牙已經係半年前嘅事﹐嗰次重記得口水禧嘅表現算唔錯﹐都無話嗌生嗌C咁唔合作﹐有幾下都驚到流咗少少眼淚﹐不過都好聽話肯鉏大個口比人洗佢D牙。聽講有D小朋友超驚﹐驚到連張凳都唔肯上去坐﹐或者上到去一路豪哭﹐搞到醫生都無辦法做野﹐唯有叫家長遲多幾個月等個細路鎮定返少少先再嚟過。所以上次口水禧嘅表現令到牙醫叔叔同護士姐姐都讚不絕口﹐令到口水禧對睇牙醫一D抗拒都無。(基本上係鎮定過佢呀媽嘅......)
事先聲明這篇blog絕無任何淺踏豪花金錢在孩子身上的父母們之意﹐只是我看完報紙有感而發。如有雷同﹐實屬巧合﹗
一年一度的書展又到了﹐除了o靚模的寫真集之外﹐不知道最暢銷的書籍會不會是兒童圖書呢﹖在報紙上看到一則新聞﹐講述一對夫婦花了五萬多塊錢替還是嬰兒的女兒購買了一套英文圖書﹐共一百多本書﹑五十隻CD/DVD﹐四十多隻CD
雖然我對縫紉全是零天份﹐不過在其他家務事上還勉強可以將勤補拙﹐彌補一下先天的不足﹗曾經在這裡講過我剛來美國的時候﹐燒一頓飯要四個小時﹐還試過差點把廚房都燒掉﹗不過皇天不負有心人﹐要是用心學的話﹐不會學不好。所以﹐只要我用心學﹐也許有天都可以做個「織女」也不定﹗
已經三歲半嘅口水禧﹐廣東話可謂非常流利﹐點解我會話佢流利﹖駁嘴駁舌嗰陣一D都唔會口窒窒﹐快而準駁到我好想中佢﹐由此可見﹐我已經唔需要再擔心佢講野唔叻﹐不如擔心下佢會因為口多比人圍重好喇﹗雖然G﹑K音字頭嘅字重未搞得掂﹐不過上網睇過資料﹐原來好多小朋友呢個年紀有呢D問題都好正常﹐因為呢D音雖要透過條脷後半截嘅郁動嚟發音﹐好多小朋友呢個年紀係唔知點樣控制條脷﹐所以有D小朋友讀sister會讀咗fifter﹑Miss讀咗mit﹑公公讀咗東東。不過到咗佢哋五﹑六歲嘅時候﹐就會更加知道點樣掌握控制條脷嘅技巧﹐慢慢改善D發音問題架喇。
一開這篇blog就倒了大家的胃口吧﹖客廳裡坐著「一件龐然大物」﹐那張IKEA出品的小童椅子才倒霉呢﹐幾乎被我坐垮﹗沒辦法﹐要坐在矮矮的coffee table前跟孩子做點手工﹐非得連自己也變成小矮人才行。(雖說縮矮了﹐可是體重卻還如巨人﹗)
每個人總有弱點。唸書的時候﹐文科的科目我比較得心應手﹐理科嘛﹐是全班數一數二......差的。尤其以數學科最具代表性﹐因為打從幼稚園就開始不及格﹐禧婆婆從「打到我飛起」到最後五體投地的放棄再管我這科的成績﹐你說我有多本事﹗中四﹑五的時候﹐請了個補習老師替我補數學﹐第一堂來的時候﹐老師叫我算一條題目給他看看﹐算了半天算不出來﹐老師的每邊眼神只有兩個字
唔洗驚﹐無人犯法被送去勞改﹐係講緊我去口水禧學校返嚟之後眼瞓到爆﹐好似被人拆咗棚骨咁啫﹗嗰度真係一個集訓練與懲罰於一身嘅地方﹐專治我呢D細時激到呀媽生蝦咁跳嘅人。禧婆婆成日都話我細個曳到爆炸﹐今時今日比口水禧嚟幫佢報仇係我罪有應得嘅。而家陪埋佢去返學﹐除咗服侍口水禧之外﹐連埋佢D同學都要一齊勞役我﹐太陽底下叫我同佢哋推韆鞦﹐佢哋就爽喇﹐搖嚟搖去﹐D風吹得佢哋不知幾涼﹐枉我企喺度推﹐一手一個﹐曬到我個頭殼放隻蛋都煎得熟咁濟﹐重要推完一件﹐第二件埋嚟接住又要推﹐想飲啖水都唔得。今日重要華氏九十幾度(攝氏34度)﹐真係乜肥油都煎晒出嚟喇﹗