校園欺凌
上星期﹐當我坐喺課室幫手做緊野嘅時候﹐放緊小息嘅口水禧突然走入嚟﹐高速「嶄眼」﹐呢個動作表示佢即將要流馬尿。細問之下﹐原來又係同一班同學倒佢食物盒入面D生果落地。於是我去捉咗嗰三條友入嚟「拷問」﹐三個當然否認﹐正當我迫供嘅時候﹐老師駕到﹐oh
口水禧個blog
其實我有寫blog……鐵證
十月中寫過呢pat野......估唔到揾到時間寫blog之時就正正係口水禧賴咗野要痞喺屋企嘅時候﹐有無咁配合呀大佬﹗話說尋晚近黃昏嘅時候都覺條友靜過平時咁多唔多對路﹐個樣重謝過前日返完學游完水返嚟﹐但我以為佢可能喺學校同同學玩得顛得濟而已啫。點知臨瞓摸下佢個頭﹐E~~~好似熱熱哋咁喎﹐都係唔好估估下﹐度下體溫最實際。98.7度﹐宣告發燒賴野。唉﹗上星期五隔離兩班過晒嚟我哋課室一齊上堂﹐我望見有個細路﹐一邊鼻窿有條青鼻涕﹐另一邊鼻窿有條透明鼻涕﹐兩條都蠢蠢欲動咁嘅款﹐都心知不妙。諗住口水禧坐喺佢附近唔知會唔會賴佢野。點知個細路成日揾我教佢寫字﹐我都掂佢隻手一次洗一次手﹐但都唔能夠避過佢D菌﹐第二日口水禧就嘔咗兩次﹐架車後座連同佢個car Read more [...]
重振雄風
千其千其唔好誤會我喺度講緊三級野﹐絕對唔係嗰方面嘅事。入得口水禧個blog呢一欄﹐梗係關佢事喇。自從上次踩單車仆損面之後﹐某人架單車就一直坐住冷板凳坐左幾個月﹐封晒塵生晒蜘蛛網﹗期間口水禧都有踩過單車嘅﹐不過係攞返架四輪嚟踩之嘛。正所謂跌咗一獲咁甘嘅之後總有D創傷後遺症嘅﹐所以佢一日自己唔開聲話要踩返兩輪﹐我哋都無迫佢去踩﹐反正我哋都知佢同架四輪唔會好得幾耐﹐遲早會頂唔順想踩返架兩輪。果然不出我哋所料﹐有人呢排睇返CARS
報告位置
秋季嘅泳隊練習已經喺今個星期一開始咗。啱啱先話適應到少少開學後嘅時間表之際﹐又要「生吞」多個新嘅時間表﹐逢星期一﹑三﹑五下晝四點去練一個鐘頭水﹐之所以話係「生吞」個時間表﹐即係連煮到埋嚟就食嘅機會都無就要啪入口吞咗佢﹐點解會咁頻能架﹖無計喇﹐乜都係第一次﹐係會「倒瀉野」架喇其實經已叫做唔算好倒瀉下﹐放學後返到屋企諗住佢喺學校已經食咗茶點﹐咁不如先比佢瞓個晏覺先﹐然後再起身食野先去游水。點知條友點半鐘上床攤到就嚟三點都未瞓得著喎﹐咁就唔好嘥時間望天花板喇﹐起身食野先喇。
開學一週
一片混亂同見步行步之中開學﹐唔經唔覺就開咗學一個星期有多﹐我個呀魂亦都返嚟得七七八八勒。每日朝早七點幾鬧鐘「開始」響﹐大約斷斷續續響十次八次左右﹐我就真係清醒可以起身開始作戰。有時要響到八點我先可以擘大眼。夜晚好夜先有睡意(早瞓又半夜係咁醒等如成晚無瞓過﹗)﹐所以口水禧返上晝班對於我嚟講係一個考驗﹐暫時都未試過遲到﹐重早到兼泊到個靚位添﹗
新一頁
幫呢篇blog揀個category嘅時候﹐真係幾乎想將佢撥入「媽媽生活隨筆」嗰一欄入面﹗因為完全唔覺得係關口水禧事......雖然篇野係關於佢入幼稚園嘅事。唔經唔覺終於嚟到開學嘅日子喇﹐開學前最忙嘅都係D老豆呀媽(實際上最忙嗰個梗係呀媽喇﹗)呢排間間百貨公司都會見到好多呀媽凼凼轉周圍騰﹐手上揸住張紙﹐兩頭顎四圍望﹐頭髮蓬鬆﹐個個都變咗「左騰右騰」。為嘅都係幫仔女張羅開學需要嘅用品。我當然都係其中一個「左騰右騰」女士喇﹗真係重忙過我自己返學呀大佬﹗搞到幾乎以為係我自己幼稚園開學﹐禧爺係陪我去返學嘅書童﹗
車呔禧猛男出巡
趁我重有D記憶﹐偷咗少少相﹐寫咗先喇。其他相﹐不日自己去車呔個blog慢慢睇喇。某個週末(個blog家陣變咗脫期style﹐所有嘅日子都只可以用「某個」喇。)﹐熱到華氏100度﹐呔媽話想帶D細路去玩沙﹐問我呢頭有無沙池。沙池唔係無﹐不過100度喎﹐我驚三隻野玩完沙跟住中晒暑呀﹗咁啱聽到口水禧D同學話嗰個禮拜會去Contra
吸靈氣
八啩雜誌成日講D乜乜風水大師呀猛人呀去邊度邊度吸咩靈氣增強法力﹐令自己延年益壽呀就睇得多﹐屬真屬假無人知﹐不過得閒去下呢D遠離煩囂連電話都收唔到訊號﹐等你無得whatsapp﹐無email﹐無facebook﹐好專心咁睇樹同埋呼吸清新嘅空氣﹐其實真係有益而無害嘅。講緊嘅地方叫做
脫期blog – 父親節
潛水艇蛟龍號繼續潛﹐「口水號」呢隻潛艇又係時候浮返上水面喇。
唔知其他人有無同樣嘅問題﹐D細路越大就越會叫你陪佢玩呢樣嗰樣﹐再唔係就不停咁同你講野﹐叫你讀書比佢聽﹐問各樣問題﹐
真正母親節
繼上次自創咗個母親節呃咗餐飯之後﹐到咗真正嘅母親節嗰日﹐婆婆話想去行下酒莊Napa
Valley﹐於是食完個早餐之後﹐我哋喺網上揾咗幾個參觀地點之後就出發。其實嚟咗咁多年﹐我都未去過Napa