口水禧個blog

忙碌嘅暑假唔經唔覺已經過左三分之二，月底開學就要一切歸於平淡啦。其實暑假除左唔洗趕頭趕命之外，一切同平時都差唔多，係除咗每日要帶口水禧去練水或參加游水比賽，其他都同平時無乜分別。最大分別係我哋兩個變左炭，我對腳曬左對人字拖印（「美腿生輝」從來都無喺我身上發生過！)，手同面係重災區，唔講重以為我都加入左泳隊，甚至係滑浪愛好者添！喺香港嘅話，人哋可能會以為我係水上人都唔定。（實情我係完全唔識游水嘅。）

剪完頭髮，啲剪出黎嘅頭髮除左可以做假髮，重可以......

隔肋底毛增生療程無痛防敏感絕無排斥增加男性魅力

發霉blog又啟市啦喂！相信口水禧一日未比人踢出泳隊，我哋每年嘅暑假都會好似今年咁樣無得唞架啦。過去咁多個禮拜，最主要嘅節目都係練水比賽又練水比賽......

終於都放暑假啦！~~~~Ahhhhhh~~~~~ 勞改完啦我，何其爽！係時候要做返啲正常野啦我哋......well，對人哋黎講可能係唔正常，不過有黎開呢度嘅人一定會知呢啲先係我哋兩母子嘅正常生活。重有無得再無聊啲？梗係有啦！

泳媽唔係講緊我有個仔叫呀泳，只係我將英文嘅swim mom直譯過嚟就叫泳媽而已。swim mom即係參加泳隊嘅細路嘅家長統稱，我都係早排聽個家長講話"swim moms

細路仔嘅品味有時真係好耐人尋味！就好似今日我哋係課室準備緊父親節嘅禮物咁，老師攞左一抽領呔返黎諗住比啲細路揀黎送比佢哋老豆。成抽呔當中，有一條我哋幾個呀媽笑左幾日！ 完全唔明白買嗰個人究竟想點！佢係一條啡色嘅呔，成條呔無其他野，只係喺一頭有個魚頭，呔尾有條魚尾。條魚個樣好似平時我哋蒸嘅魚咁嘅樣，條呔戴左上身之後，個魚頭就會向住地下，條魚死唔眼閉，口擘擘咁向住男士嘅重要部位，當嗰位男士步行嘅時候，條魚就會fing

今日派左功課，平時口水禧規定自己星期二先開工做功課。但今日打開個「快路」，佢已急不及待立晒架生話要做功課。唔洗十五分鐘就攪掂晒，放返落書包準備明日交貨。

......Mimi 我屋企有個貓痴, 唔係我,唔係禧爸。所有功課都係畫貓，畫到老師要禁止佢再淨係畫貓。所有書臺上擺設都係貓 -貼紙、填色冊、隨身帶玩具、衫、日用品...... 父/母親節卡、聖誕節卡、生日卡上唔係多謝爸爸媽媽養育佢，而係多謝雙親比左隻貓佢。呢排學左infinity（無限）呢隻字,日日都話想養無限隻貓。媽媽話唔會再添多隻架啦，佢無有怕。正所謂你有張良計，我有過牆梯。你唔去買多隻，唔緊要。我自己種

老師：點呀？覺得條蚯蚓點呀？（大路答案應該係好軟呀，好林bat bat )口水禧：呀！佢好濕呀，佢流緊汗呀！老師：啊......係呀......可能佢見咁多小朋友喺度有啲緊張到出汗啩！

外國嘅生活一向都比人覺得好悠閒，無拘無束，草地放狗曬太陽，咖啡室外嘆下午茶，名店shopping行到啲雪紡裙會飄起嗰隻咁他條......咪傻啦，呢啲情境最多係週末先有架咋，平時閒日，我哋同地球每一個角落嘅人類一樣，都係趕趕趕趕，裙拉褲甩咁架！上班一族嘅忙碌，我已經無資格去講啦。不過家庭主婦嘅忙，我又無興趣講，因為明嘅人會明，唔明嘅講極都唔會明，重以為我喺度博同情添！所以我都係慳返啖氣暖肚好過。自從泳隊再次開張後，每日放學趕返屋企，食野換衫然後去練水。練完返屋企一直忙到可以合埋眼，已經係半夜。週末，放下所有野