Play Date
這裡的孩子很喜歡叫父母安排play date(遊玩日)﹐請些跟自己友好的知己找個時間到某個地方共聚數小時﹐有些還會在朋友家留宿一宵。以前看朋友的女兒時常把同學請回家搞play
口水禧個blog
假如媽媽顛顛哋
我覺得人生如戲
有時候不必太認真。
中國倫理分尊卑﹐
這個我懂。
該「有大有細」時便該有﹐
可「無大無細」時則可無。
跟他在一起﹐
有大也有細。
禧+呔+車打邊爐
無相呀﹐又諗住遲D去呔爸媽個blog度侵犯版權呀﹗家下係明大蝦細架喇﹐鬼叫我同禧爸老佢哋咁多呀﹗實情係我明知有呔爸喺樹﹐咁又洗乜我為影相嘅事操心呢﹐佢一定會做好呢份工架嘛﹗有時間都去同D後生仔玩喇﹐係咪先﹗
星期日﹐有幾個住喺「北極」嘅友仔嚟咗「非洲」。因為地理環境因素嘅關係﹐我哋兩家人平時係住喺天氣極之相反嘅地方。我哋呢度就熱到剝皮都唔掂﹐佢哋嗰度就凍到加埋我哋一家三口剝出嚟嘅皮先掂。所以嗰日一嚟到﹐呔爸爆咗句﹕「嘩﹗我第一次去一間有冷氣嘅屋呀﹗」我同禧爸不禁對望﹐然後已經唔知再講乜好喇﹐唔通話﹕「咁......得閑過嚟涼冷氣喇﹗」洗鬼特登嚟涼冷氣咩﹐佢打開屋企D窗伸個頭出街嘅話﹐莫講話冷氣喇﹐可能會冷親添呀﹗
約呢次打邊爐之前本來諗住燒野食﹐但係有見呔媽餵緊人奶﹐飲食方面要超小心﹐如果唔係一下子累到車仔半夜無飯開或者食完奶出濕疹﹐我就肯定比車呔仔D 粉絲圍剿......滅咗我個blog都似。諗諗下﹐BBQ又真係無乜野呔媽可以食﹐除咗雞肉﹑魚﹑同菜﹐牛同海鮮佢都唔食得。咁又唔係幾好喇﹐我哋幾個就食到lam Read more [...]
第一個同學的生日派對
沒想過呆頭呆腦的口水禧在學校雖然是「獨行俠」一個﹐但是都有對他死心塌地的Clara陪伴左右﹐剛過去的週末還邀請他參加自己的四歲生日派對呢﹗那是口水禧第一次參加同學的生日會﹐當然﹐對他而言並沒有什麼特別﹐因為Clara的父母替她在學校舉行生日會﹐所以口水禧只覺得自己去了上學﹐至於為什麼人家請他吃蛋糕他都搞不懂。
口水禧第二次洗牙記
距離對上一次嚟洗牙已經係半年前嘅事﹐嗰次重記得口水禧嘅表現算唔錯﹐都無話嗌生嗌C咁唔合作﹐有幾下都驚到流咗少少眼淚﹐不過都好聽話肯鉏大個口比人洗佢D牙。聽講有D小朋友超驚﹐驚到連張凳都唔肯上去坐﹐或者上到去一路豪哭﹐搞到醫生都無辦法做野﹐唯有叫家長遲多幾個月等個細路鎮定返少少先再嚟過。所以上次口水禧嘅表現令到牙醫叔叔同護士姐姐都讚不絕口﹐令到口水禧對睇牙醫一D抗拒都無。(基本上係鎮定過佢呀媽嘅......)
紙上談兵不如實戰
事先聲明這篇blog絕無任何淺踏豪花金錢在孩子身上的父母們之意﹐只是我看完報紙有感而發。如有雷同﹐實屬巧合﹗
一年一度的書展又到了﹐除了o靚模的寫真集之外﹐不知道最暢銷的書籍會不會是兒童圖書呢﹖在報紙上看到一則新聞﹐講述一對夫婦花了五萬多塊錢替還是嬰兒的女兒購買了一套英文圖書﹐共一百多本書﹑五十隻CD/DVD﹐四十多隻CD
口水禧廣東話進度(補多個例子)
已經三歲半嘅口水禧﹐廣東話可謂非常流利﹐點解我會話佢流利﹖駁嘴駁舌嗰陣一D都唔會口窒窒﹐快而準駁到我好想中佢﹐由此可見﹐我已經唔需要再擔心佢講野唔叻﹐不如擔心下佢會因為口多比人圍重好喇﹗雖然G﹑K音字頭嘅字重未搞得掂﹐不過上網睇過資料﹐原來好多小朋友呢個年紀有呢D問題都好正常﹐因為呢D音雖要透過條脷後半截嘅郁動嚟發音﹐好多小朋友呢個年紀係唔知點樣控制條脷﹐所以有D小朋友讀sister會讀咗fifter﹑Miss讀咗mit﹑公公讀咗東東。不過到咗佢哋五﹑六歲嘅時候﹐就會更加知道點樣掌握控制條脷嘅技巧﹐慢慢改善D發音問題架喇。
留住這一刻
一開這篇blog就倒了大家的胃口吧﹖客廳裡坐著「一件龐然大物」﹐那張IKEA出品的小童椅子才倒霉呢﹐幾乎被我坐垮﹗沒辦法﹐要坐在矮矮的coffee table前跟孩子做點手工﹐非得連自己也變成小矮人才行。(雖說縮矮了﹐可是體重卻還如巨人﹗)
雞雞學校=成人勞改教導所
唔洗驚﹐無人犯法被送去勞改﹐係講緊我去口水禧學校返嚟之後眼瞓到爆﹐好似被人拆咗棚骨咁啫﹗嗰度真係一個集訓練與懲罰於一身嘅地方﹐專治我呢D細時激到呀媽生蝦咁跳嘅人。禧婆婆成日都話我細個曳到爆炸﹐今時今日比口水禧嚟幫佢報仇係我罪有應得嘅。而家陪埋佢去返學﹐除咗服侍口水禧之外﹐連埋佢D同學都要一齊勞役我﹐太陽底下叫我同佢哋推韆鞦﹐佢哋就爽喇﹐搖嚟搖去﹐D風吹得佢哋不知幾涼﹐枉我企喺度推﹐一手一個﹐曬到我個頭殼放隻蛋都煎得熟咁濟﹐重要推完一件﹐第二件埋嚟接住又要推﹐想飲啖水都唔得。今日重要華氏九十幾度(攝氏34度)﹐真係乜肥油都煎晒出嚟喇﹗
萍水相逢變朋友
相片撻自呔爸媽blog
相中左邊四個唔洗我介紹﹐我諗大部份有睇yahoo blog嘅人都知道佢哋係乜水喇(右邊嗰三個茂利先唔知係乜水啫﹗)。上星期六﹐我同禧爸有幸可以同幾件後生仔女見面食晏﹐真係突然都覺得自己後生咗幾年﹗感覺真係好﹗
我同禧爸嚟咗美國10年了﹐會成日見嘅朋友一隻手數晒。其實嚟嚟去去都係得winnie一家(重要winnie係一隻狗嚟添﹗)禧爸嚟美國係因為winnie嘅主人﹐所以理所當然﹐我哋兩家人就差唔多個個禮拜都會見下﹐食下飯。D節日都會一齊慶祝﹐因為佢哋喺度同我哋一樣都無屋企人喺度。所以我哋次次都人丁單薄咁過時過節﹐幾丁友食下飯就算。
歸根究底﹐我諗我哋兩個都唔算黑人憎嘅人啩(我自己覺得喇)﹐不過D同事住得唔近﹐個個都有家庭同埋自己嘅朋友﹐假日都同屋企人過喇。我哋兩個自閉仔又唔係主動去結交朋友嘅人﹐所以真係夠膽C喺度咁耐都無乜朋友會放假一齊去街食飯。(都係嗰句﹐除咗winnie一家咁大把囉﹗)唔知係咪咁﹐我以前成日比禧爸話一開口講野就停唔到口嘅人都會變咗唔識同人溝通嘅人。試過一次喺街撞見blog友﹐我同人哋握完手就淨係識傻笑﹐上車之後﹐禧爸都話我頭先超呆﹐成個傻婆咁(小米媽﹐真係唔好意思﹗)。所以我更加唔敢叫blog友見面﹐驚唔知會唔會悶親人喇﹗一係就狂熱得濟嚇親人就唔好喇。上次喺香港本來都想約幾個blog友見面﹐點知我同口水禧由落機就食藥食到返嚟先好返﹐所以喺香港嗰陣唔敢約人見面﹐都唔想傳染人哋﹐更加唔想惹到比人哋嘅小朋友喇﹗
點知.......有一日﹐有個傻婆(唔係我呀﹗我係顛婆咋﹗)留咗電話比我﹐話不如約食飯喇。我梗係lur飯應喇。就算我哋兩老自閉﹐都唔想個仔都一齊自閉架﹗加上對方嘅兩個小朋友我都想見好耐架喇﹐咁就留返電話比人﹐重話嗰幾日會得比人添。誰不知﹐人老真係有D無記性﹐竟然過咗幾日都未打比人。突然有一日見到電話有miss Read more [...]