二人世界
二人世界 - 現在我跟他時常都有。上學﹑逛街﹑在家等等......不過晚上光我跟他的二人世界﹐這趟好像是第三次而已。
第一次是零七年五月的一個晚上﹐禧爸送禧婆婆和禧公公去飛機場回香港去。那夜﹐禧爸還沒回家以前﹐我寸步不敢離開小傢伙。有看過媽媽血淚史
口水禧個blog
做好心理準備
開咗學半個月至今﹐有兩個同學退咗學。其中一個同學嘅媽媽話覺得學校唔適合佢個小朋友﹐所以要轉校。今日再收到另外一個同學嘅媽媽電郵話返埋呢個禮拜五就唔會再返。其實第一個同學話退學嘅時候﹐我已經同禧爸講話第二個嗰個同學可能好快都會跟埋一齊走人﹐其中一個原因係嗰兩個媽媽私底下係朋友嚟嘅。通常都會因為個朋友走而走埋一份架喇。
宇宙的奧秘
今日返完學喇﹐勁爆熱﹐放學去攞車嘅時候係華氏104度(攝氏40度)。今朝泊車嗰陣趕頭趕命﹐唔記得整個太陽擋喺塊車頭玻璃度﹐所以曬到架車火爐咁熱﹗開晒D車門唔敢即刻「得」入去﹐咁熱嘅車箱真係焗熟我哋兩母子都似﹗企喺架車隔離曬住猛烈嘅太陽檢視下今朝嘅戰績(以為無野﹐點知一返到屋企就比禧爸發現車門凹咗少少﹐妖﹗)﹐抖咗咁上下先上車返屋企。
他變了
最近看他的臉﹐舉手投足都不再是一個baby了。原來他在不知不覺中成長了。
餐廳裡﹐食物來了﹐我如常地夾一塊到他的盤子裡﹐怎料﹐我跟前也有一隻小手拿著一塊放到我的盤子裡﹐他說﹕「媽媽﹐你食吖﹗」
好難揾你……唔到﹗
節目豐富的星期天
星期日係口水禧學校嘅Welcome Back Picnic﹐有D類似開學旅行嘅party。個野餐活動由朝早十一點開始至中午一點﹐喺屋企附近某個公園舉行。學校為我哋訂咗kinko
五分鐘的第一次
究竟口水禧今日做咗D乜令佢個樣望落病病哋得嚟之但係又不失有D醒神咁呢﹖之唔係今日佢第一次自己一個留喺學校......五分鐘咁巴閉囉﹗係呀﹐得五分鐘咋﹐第一次算係咁喇﹐見好就收喇﹐係咪﹖玩得大過頭﹐一陣又好似上次我懶醒咁成三個字都未見人﹐如果又再次嚇驚咗佢﹐我真係恐防要陪佢返學返到大學畢業先收得工呀﹗
真係返學
星期一﹐口水禧嘅preschool生涯正式開始。其實對佢嚟講﹐preschool又好﹐summer camp又好﹐都無乜分別﹐咪都係對住一大群gi li gu lu嘅人﹗不過人數就比summer camp多一倍。闊別一段時間嘅circle time又返嚟喇。所以口水禧都無乜抗拒返學。其實都算好彩﹐雖然次次都要我陪佢返﹐但係佢無試過話唔想返學。返學之前無話要拉鋸一輪又喊又鬧先返到學﹐咁對我嚟講已經叫還得神落喇﹗
星期一嗰日我要早返因為嗰日我要co-op。而家多咗人返學﹐學校門前嘅停車位已經唔夠我哋咁多人泊﹐要泊出街再行一段路先返到學。co-op要比上課時間早十五分鐘到校﹐為免遲到(泊完車重要拉住口水禧行﹐想唔遲都唔得喇﹗)﹐禧爸車我哋兩條友仔去學校放低我哋﹐放學再嚟接返我哋。
當我哋入到學校﹐已經有好幾個家庭到咗﹐而家多咗人返學﹐co-op嘅人數相對都多咗。每個co-opper返到學校第一件事就係去揀自己嗰日想負責嘅單位﹐先到先得。雖然我哋係無遲到準時到校﹐不過想同外國人鬥早呢家野呢﹐就好難會贏佢哋架喇。佢哋夜晚好早就瞓﹐朝早可以四﹑五點就起身去散步﹐然後先返工返學。所以當我去到揀野做嘅時候﹐只係淨返Curiosity嘅單位。點解無人揀嗰個單位呢﹖你一陣就會知。
Curiosity嘅媽媽係負責curiosity嘅活動﹐包括玩下磁石﹑圖畫配對﹑穿下繩等等新奇野(當然係對於小朋友嚟講叫新奇嘅野喇﹐大人又點會覺得新奇吖﹗)除此之外﹐重要負責埋出面嘅動物包括雞﹑兔﹑金魚同埋兩隻Guinea Read more [...]
車+呔+禧BBQ兼出水芙蓉
如果見到怪字﹐狂refresh到出返正字為止喇。
見呔家出咗blog﹐咁即係我都寫得喇。之前正值佢哋屋企有D事﹐我諗都唔係好適合寫D同佢哋吃喝玩樂嘅野﹐所以等到家下先嚟寫。都係老規矩喇﹐無相呀﹐連去盜版偷相都懶得偷﹐問你怕未﹗想睇相﹐自己去禧家BBQ呔仔個blog度睇喇﹐禧婆婆﹗
家下兩家夾埋有五條仔(3仔+2佬)﹐我同呔媽變咗少數﹐簡直係陽盛陰衰呀﹗第時D細路大咗之後﹐我哋就有三個壯男兩個老坑服侍我哋喇﹗(妄想下啫﹐D仔大咗重識我哋D老野係老鼠咩﹗嗰兩個老坑就梗係跟埋D仔出去睇後生女喇﹗)。第時D仔變晒聲嗰陣﹐幾把鵝公喉(加埋我喇梗係﹐我咁man﹐點少得我呀﹗)就真係壯觀囉﹗
我從來都無懷疑過呔家嚟我度係當去trip咁去嘅﹐我呢邊熱到可以落水玩﹐佢哋嗰邊就雪雪凍。所以我呢度都幾有resort Read more [...]
開放日
今日係口水禧學校嘅開放日﹐每個班級都有特定時間比D學生同家長嚟學校參觀下﹐見下D同學同埋班主任。我諗係比D小朋友嚟探下個場﹐熟習下環境﹐等佢哋開學嗰陣唔好一下子接受唔到咁大嘅轉變而失控爆喊啩。