好彩﹐D學費都叫做無白交﹗
口水禧個blog
pre-school – 搞掂﹗Yes!
唔經唔覺﹐口水禧嘅pre-school生涯就嚟到閉幕嘅一日喇。想起九個月前嘅佢重係帶住個伴讀老書童一齊去返學﹐我真係爭咗未紮兩個春麗髻喺個頭兼喺課室企喺佢隔離幫少爺磨墨架咋﹐你話我有邊忽唔似書童先﹖
好耐無見
口水禧終於放假喇﹐嘩﹗終於都有幾個禮拜比我抖下﹐唔洗成日朝早趕到裙拉褲甩咁﹗
對上篇blog已經係N日之前﹐呢幾日真係幾乎連排毒都無時間﹐所以又點會有得update個blog呢﹖ (無理由要我中X毒為咗寫blog嘩﹖)
其實都有D搞笑﹐我又無相無video﹐咁我應該點寫上個星期嘅呔家探訪好呢﹖
拿﹐諗清楚呀﹐齋字架咋﹐相同video我都懶得去撻喇家陣﹗
對上一次見佢哋應該係之前......唉﹐已經唔記得咗喇﹐都真係幾耐下喎﹗本來由香港返嚟之後都可以見下面食下飯嘅﹐不過除咗受時差嘅侵襲之外﹐口水禧學校嗰排都幾多野﹑活動比我哋D Read more [...]
愛的教育
Pre-school 2010-2011
看著手上拿著的這張照片﹐內心百感交集。這群小哇鬼﹐不知不覺地從昨日的娃娃變成照片裡的小傢伙。他們來學校的時候大多只有三歲多點﹐有的接近四歲。但歲數的多少跟待人接物的技巧不能成正比﹐故此剛開學以及開學後的幾個月裡大打出手的場面或尖叫哭鬧聲不絕於耳/眼。
功課呀Max
重有兩個禮拜﹐口水禧嘅pre school生涯就正式結束﹐唔經唔覺都返咗大半年學。九月開學就會入讀pre-K班﹐到時又會係另外一個老師做班主任。同學就多數都係而家pre-school嘅同班同學﹐可能會有新同學都唔定。有D而家一班嘅同學仔就會轉去幼稚園或者其他近佢哋屋企嘅學校返學﹐不過對於口水禧嚟講﹐暫時都無乜唔捨得同學嘅情感住。
動物園
有D小朋友可能天生就好鍾意動物﹐口水禧成日周街見到人哋拖狗出街行﹑見野生嘅松鼠通街跑﹑見到學校嘅雞同guinea pig等等都會情不自禁同人哋打招呼(係同隻動物唔係同個主人)﹐然後就會話﹕「你今晚同我瞓﹗」﹐好彩呢D說話係對動物講﹐暫時重未對人講啫......
年齡的秘密
當小朋友學識咗講野之後﹐千其千其唔好喺佢哋面前講秘密﹐因為佢哋好快就會同你唱通街﹐重要加鹽又加醋﹐慘在其他人個個都認為小朋友係唔會講大話﹐細路講嘅一定係真話﹐咁我哋做呀媽嘅就真係o亞子吃黃連喇﹗
開心到過咗龍
上回提過口水禧嘅零食種類陝窄非常﹐旁邊嘅人都凳佢苦悶。其實﹐我哋並唔係日日都係咁苦悶架﹐間唔中都會食垃圾食物﹐例如漢堡包﹑薯條﹑麥樂雞等等。呢兩樣野我就真係無本事喺屋企整而又覺得好食。曾經試過買新鮮嘅漢堡牛肉返屋企諗住自家制個漢堡包﹐但係我食到自己想嘔﹐可能係舊肉太厚﹐而且有D香料係我頂唔順嘅味道﹐所以食到一半都已經想嘔咁嘅樣﹐自從嗰次之後就無再喺屋企整過喇。
有時好趕或者實在無精神煮﹐又或者係D時間啱啱喺唔係食飯時間之間但又見肚餓屋企又清晒倉嘅話﹐就係我哋去食垃圾嘅機會喇。通常都去In Read more [...]
星期六上學天
口水禧平常一個星期只上三天課﹐有些家長因為平日要上班都緣故﹐沒有機會到學校來觀課。有見及此﹐學校每年都會挑兩個星期六作為上學天﹐讓平日不能前來看孩子上課的家長或親友們也有機會一睹我們每天在學校的活動。這次老師還特意讓孩子和家長穿著睡衣到學校。
o都野
咪睇錯同發錯個topic名呀下﹗係"dud"唔係"do"呀﹗
我細個見到收銀員收錢嘅時候噤部收銀機D制就真係好想大個都可以買部收銀機返屋企噤餐飽。(係﹐我係無聊兼有D低低哋﹗)估唔到呢個僻好竟然傳咗比口水禧﹐佢都有鋪噤制癮嘅。
到咗大個之後﹐我又對超市入面收銀員o都貨品價錢嗰下﹐唔好問點解對呢樣野咁有興趣﹐我自己都唔知。曾幾何時﹐我同禧爸講﹐第日我老咗而你又瓜早過我嘅話﹐個仔又有佢自己頭家都唔理得我咁多﹐咁我悶悶哋就會去做收銀員﹐o都下o都下又一日﹐重可以賺D錢自己洗之餘﹐又有醫療保險添﹗唔係講笑呀﹐真係有D呀婆呀公幾廿歲都重喺超市或者百貨公司做收銀員架﹐佢哋好enjoy好熱情同每一個客人吹下水又收下錢咁﹐好有活力架﹗我曾經見過有個婆婆日日都化晒妝﹐恤到個頭成個波咁﹐戴好多朱二醒去返工o都野﹐副眼鏡重係漸變色嗰隻嚟添﹐幾咁追上潮流呀佢﹗呢度嘅人﹐普遍都唔會覺得老@@重要出嚟做野賺錢係無面嘅﹐有D老人家重會覺得自己咁大年紀但重可以自己揸車出出入入﹐返工放工係好勁嘅事嚟架﹗(當然﹐嗰D有一百幾廿億身家嘅人就梗係唔會做野喇﹗)
呢度嘅百貨公司有好多部機安喺每個角落比客人o都野check價錢﹐因為佢哋未必會件件貨品都貼個價錢招紙﹐所以客人如果想查清楚件貨幾錢先買﹐就可以攞件貨去嗰D機度
o都下﹐咁就會一目了然架喇。
我以前都好鍾意玩嗰D機架﹗
不過家下已經有另外一D野吸引我﹐就係self-check Read more [...]