媽媽生活隨筆

唔好諗錯隔離﹐同裝假野無關嘅呢篇blog! 我只係想對比下有仔女之後同無仔女之前有乜唔同啫。不過其實都同裝假野差唔多﹐各有各好嘅同時亦都係各有各唔好咁囉。 我發現﹐我未有之前﹐生活比較輕鬆自在﹐返工等放飯﹐食完晏等下午茶﹐食完tea等放工。而放咗工等去街或者返屋企癱C咁攤﹐鍾意幾點食飯就幾點﹐甚至唔食都得。鍾意幾點瞓就幾點瞓﹐甚至唔瞓都得﹐還掂返工嗰陣都係半釣魚狀態﹐無乜所謂。但係﹐自從有咗個仔之後﹐生活同輕鬆自在好似越嚟越遠。雖然喺外國叫做比起喺香港湊仔輕鬆少少﹐起碼學都返少過香港嘅小朋友一﹑兩年喇。但係並唔等如無野做架喎。起身之後﹐就要快D比佢食早餐﹐佢手腳慢﹐我食完自己嗰份九年﹐佢重喺樹左liu右liu﹐彈到周圍都係麥皮﹑奶﹐總之佢份早餐永遠都係周街都有﹐天一半時地又一半。唔睇住佢﹐佢有本事食到自己變咗舊化石都未食完﹐﹗要坐喺隔離督促佢一羹接一羹咁食﹐起碼都要半粒鐘。咁又無咗半粒鐘做家務。等佢食完重要執豌抹枱抹地(唔記得佢頭先彈到周圍都係嘅野食o拿﹖我真係唔明﹐佢坐喺飯廳食豌麥皮﹐但係我之後可以喺廁所﹑客廳﹑房間地下會見到麥皮﹗)有時連張high Read more [...]

昨天從一個blog看到一個母親講述有關她經常被人質疑自己帶孩子的方法和她孩子的問題。像她曾經被問過為何她三歲的孩子還吃奶嘴以及為何這孩子的身高體重都比同齡的其他孩子遜色等等。據她的形容﹐看來她甚至被不禮貌對待過﹐所以她乾脆把blog裡的回應刪除﹐只留下留言板讓人留言﹐有時候她會回答blog友發問的問題﹐有時候碰上像上述的問題﹐她會選擇不回答﹐因為她覺得對於其他人來講是一個問題的問題﹐在她眼裡都不是問題﹐所以她不知道如何回答是好﹐乾脆就不回答算了。 亦有見一位blog友早前因為一張照片被人怪責虐兒而令我有感而發。 我相信﹐不少媽媽也曾經遇過同樣的情況﹐包括我自己。尤其當我在香港的時候更強烈感覺到當一個母親確實在精神上不容易。因為現在大多數的人的聘請了工人﹐那「肉體上」的辛苦這裡就不用怎麼說了。可是即使不用管家裡活也好﹐仿彿做一個母親還是日子過得不容易啊﹗因為在任何場合﹐你隨時都要回答一下的一系列問題﹕ 你個仔仔/女女幾大呀﹖(答完跟住就要準備後面一浪接一浪嘅問題) 講咁少野嘅﹐返學未呀﹖>>唔知點解認為唔講野嘅小朋友係因為未返學﹐所以無人同佢講野﹐佢就唔識講野。咁呀媽唔算係人咩﹖咁個媽媽喺屋企同個小朋友講野要登廣告比全世界嘅人知咩﹖ 喺邊度讀呀﹖ 讀幾年班呀﹖ 識唔識寫字/讀書......(下刪一堆學術問題)﹖ 點解咁瘦嘅﹖有無食飯架﹖食幾多呀﹖>>瘦定肥唔係單靠肉眼睇嘅﹐信個磅好過喇﹗ 點解咁矮嘅﹖梗係唔食野喇>>你又知﹖ 識唔識XXXXX(一堆日常生活的東西) Read more [...]

話說我成日都喺夜媽媽﹐甚至係半夜三更先嚟摺好洗乾淨嘅衫﹐因為費時攤喺梳化度第二日唔係比口水禧丟晒落地﹐就係比Mimi攞嚟當床瞓﹐搞到又要再洗過。近日我重唔知邊樹踩親隻衰貓條尾﹐佢報仇咁報見到布質嘅野就同我斟茶遞水﹐o岩o岩洗完乾完嘅床單枕頭袋床墊﹐攤咗喺梳化諗住食咗飯先啫﹐都竟然比佢報咗仇﹗都未計禧爸新買張凳呀﹗所以而家更加要一乾咗收返嚟嘅衫就要即刻摺好擺好﹐唔得閑摺就咪攞入廳住﹐所以要乾一批摺一批。呢排又大風﹐周街都係花粉同塵﹐每日著過嘅衫﹐唔好理有無出過街都好﹐都全部著一次就洗﹐又要分顏色分種類﹐所以差唔多兩三日就要洗一日衫﹐係呀﹗三個人嘅衫要洗一日﹐你聽過未﹖我以前聽個朋友講佢洗一家四口嘅甚要洗幾日﹐我重以為佢誇張啫﹐原來係真嘅﹗所以我成日都可以有成個人咁高嘅衫堆要摺嘅﹗(問你怕未﹗) 咁點解會夜媽媽先嚟摺衫呢﹖無嘅﹐日頭有大把家務做﹐重要應酬一個除咗瞓之外係唔會停口問你野嘅口水禧﹐我已經超唔得閑。二來即使係乾衣機乾嘅衫揚嚟揚去點都會有塵﹐而我摺緊衫嘅時候﹐個衰仔就最鍾意搞我D衫﹐索晒D塵一陣又猛打核痴兼捽損個鼻﹐所以夜晚搞掂晒D豌碟廚房沖埋涼就嚟摺衫囉。 唔知大家有無一個習慣﹐摺緊衫嘅時候會攞D衫嚟聞下﹐我就有。唔係僻好呀﹐我只係想聞下嗰D就咁晾乾唔係用乾衣機烘乾嘅衫有無異味咋﹗喺香港買返嚟嘅衫我通常洗完都就咁晾乾佢唔擺入去乾衣機嘅﹐因為試過擺過條牛仔褲入去﹐長褲當堂變咗四角骨﹗自嗰次之後就唔敢再用乾衣機烘香港買返嚟嘅衫勒。呢排就更加要聞下D衫喇﹐因為有時我真係等住有幾機衫要乾又摺唔切乾咗嘅衫嘅話﹐我就將乾咗嘅衫放喺洗衣籃度先﹐得閑再摺。即使放喺房入面閂埋門都難保口水禧或者禧爸呢兩條蛋散會開咗度門唔記得閂返架嘛﹐咁萬一mimi喺呢個時候乘機入內同我敬茶嘅話﹐我又唔知摺好放入衣櫃﹐咁我個衣櫃就真係臭過榴槤﹗所以我摺嘅時候都要逐件索下﹐check清楚無異味先好摺。 尋晚﹐夜闌人靜﹐點幾兩點嘅時候﹐我喺客廳張梳化摺緊衫。我突然發現自己連D底底都要聞一聞真係好變態呀﹗好彩有窗簾遮住﹐唔係嘅話﹐你話比街坊見到夜媽媽半夜三更有個傻婆坐喺客廳晌樹拎住老公條底底聞兩聞﹐跟住又拎個仔條底底聞幾聞﹐唔嚇C人就假喇﹗(不過咁夜佢有屋企唔返﹐喺我屋企出面睇我聞底﹐佢重變態﹗) 我嗰下覺得自己好似隻警犬或者似海關嘅輯私揾白粉嘅犬隻﹗唉﹗我以前重成日笑個做海關嘅朋友個鼻咁大﹐梗係喺機場幫手聞喼﹐點知而家係自己喺屋企「聞底」﹐重衰﹗﹗ Read more [...]

明天一早﹐我就要去診所將我身上「一對假野」拆除﹐換另「一對新野」。上星期開始間唔中瞓唔著﹐間唔中發夢嚇到紮醒﹐因為我好驚打針﹗諗起都爆驚﹗簡直連口水禧都不如﹗我頭先同佢刷牙﹐我問佢有無咩好橋可以幫我狀膽﹐佢好爽快咁叫我帶埋佢老婆去就唔會驚喇喎。(真係當我同佢一樣得三歲咩﹗) 呢對假野簡直係計時炸蛋﹐幾年就要拆出嚟換﹐有無D質素好D唔洗我成日要換架﹖收我咁多錢~~~~~~~以而家咁嘅科技無理由quality咁差架喎﹗D明星唔知洗唔洗成日換架呢﹖照計佢哋嗰D咪都係美國呀﹐歐洲貨嚟啫...... 好驚呀﹗﹗﹗﹗﹗﹗ 我肯定到時一瞓上張床人哋針都未打我就震過貓王喇﹐頂﹗我想用棍扑暈自己先呀﹗ 唔拆出嚟得唔得呀﹖有得佢哋喺裡面自生自滅把喇﹗ Read more [...]