媽媽生活隨筆

呢幾日都不停落雨﹐我嚟咗呢度咁多年﹐除咗第一年之外﹐都未見過咁多雨水﹗有好有唔好﹐好就係夏天嘅時候唔洗制水(望就咁望)﹔唔好嘅梗係無晒戶外活動喇﹐出入買餸又麻煩﹐帶住口水禧就煩上加煩﹗雖然出入都有車代步﹐但係落雨揸車都好煩架﹐成日都塞車﹐一時又驚自己冼呔﹐一時又驚隔離會打白鴿轉炒埋嚟﹐所以除咗返學放學﹐都好少帶口水禧出去。 早喺四﹑五年前﹐禧爸試過一次落雨揸車返工﹐喺一條落斜嘅五線高速公路打白鴿轉﹐由最左手邊嗰條自轉咗唔知幾多個圈﹐最後去咗最右手邊嗰條線。中間有見過後面嘅車同自己面對面衝緊埋嚟﹐最後架車停低嘅時候車頭又向返啱嘅方向﹐好彩當時佢唔急尿﹐若果唔係﹐我諗佢應該都賴咗喇。佢返到公司之後打電話比我話比我知發生咗咩事﹐當時其實我都唔知驚﹐因為無親歷其境﹐真係唔知係點樣驚險嘅﹐直至我都賴野先知原來個感覺係好空洞嘅...... 禧爸件事之後無幾耐﹐有一次到我自己揸車返工﹐嗰日又係落雨﹐但係只係毛毛細雨。當時我都唔算揸得快﹐因為正在落緊斜路﹐加上條路好多急彎﹐所以都好小心咁揸。我亦都係喺最左手邊條線上行緊﹐去到其中一個彎位﹐突然覺得架車好似行緊喺沙上面﹐都未嚟得切諗下咩沙嚟架﹐就喺呢個時候﹐架車已經自己向右飄﹐一直飄到去最中間嗰條線為止。慶幸平時同禧爸重有幾條麻甩佬同事食晏嘅時候成日聽佢哋講揸車嘅事﹐知道冼緊呔嘅時候最忌踩死個剎制或者一手拉hand Read more [...]

今日去完學校大掃除﹐今年嘅quota已經夠晒﹐唔洗再做。 其實我唔介意去幫手做野﹐但係好介意同練精學懶嘅人一齊做﹐重要當我工人咁點嘅話﹐我就真係好想鬧爆佢﹗ 入得嚟呢間學校就要應承每個家庭每年要攞出八個鐘頭嘅時間去學校幫手大掃除﹐學校係無校工嘅﹐我哋唔去做﹐咁D小朋友又點會有個乾淨嘅環境返學呢﹖況且呢排周街都有人病﹐我哋班每日都有幾件返唔到學﹐個個都話呢排有D菌喺度四圍咁傳染﹐作為一個家長﹐盡下責任去清潔下學校﹐你自己嘅仔女都有好處﹐咁就好心唔好偷懶喇﹗唔好諗縮數喇﹗唔想做咪唔好入呢間學校囉﹐又要貪平﹐又唔想付出﹐呢個世界有無咁著數嘅野呀﹗preschool唔一定要讀﹐唔想比成千蚊嘅咪唔好讀囉。想比一百幾十就有得讀呀﹐咁就出D力幫下手做野喇﹗ 尋日十二點半就開工﹐大會寫明要做到四點半先可以走人﹐大家做得幾多就幾多﹐咁當然無話一定要每個角落頭一粒塵都唔准有﹐如果唔係就要食咗佢咁嚴謹。不過自己問良心喇﹐自己嘅小朋友都有份用﹐你唔抹乾淨嘅話﹐你估淨係得我個仔要食塵咩﹖你嗰個咪一樣要食﹗車﹗大人懶﹐賴野嗰個咪係小朋友囉﹐係咪先﹖ 當人人喺度捽緊野嘅時候﹐其中有D人帶埋呀媽爸﹑老公老婆﹑或者甚至係仔女嚟。其實根本就唔應該帶小朋友嚟﹐周圍都係清潔用品﹐萬一睇漏眼比小朋友攞咗去飲去玩去噴人塊面﹐我都唔知佢呀媽老豆點算﹗況且個個都做緊野﹐周街都係塵呀﹑藥水味呀咁﹐小朋友聞得多真係唔知會唔會high咗﹗本來都唔明點解D父母要咁樣做﹐後尾就明晒。 原來嗰D帶埋屋企人嚟幫手嘅喺度諗縮數﹕每次每個家庭要做四個鐘頭﹐咁佢哋就覺得如果老公老婆﹑呀女呀媽﹑新抱奶奶兩個人嚟呢﹐每人做兩粒鐘加埋就等如四個鐘勒。所以十二點半開工﹐佢哋兩點半就可以拍羅友鬆人。 咁都得架咩﹖咁我下次帶四個人去﹐每人做兩個鐘加埋係八個鐘﹐咁我咪成年唔洗再嚟囉﹗咁如果我哋四條友做足四個鐘﹐咁加埋就係十六個鐘﹐咁我咪連下年都唔洗嚟﹖ 呢樣都算﹐就當佢哋真係嗰兩個鐘出盡力咁做﹐都叫做的確係多咗對手做野嘅。 但係其中有兩母女真係唔講由自可﹐一講把幾火﹗當大家做緊野嘅時候﹐佢兩母女就好似巡場監督咁周圍行行企企﹐點解我會知呢﹖因為成日都聽到佢哋D腳步聲囉﹗人人都係揀一個地方跟住就將嗰個位置抹乾淨晒先去做第二個位架喇﹐我都唔明佢兩個做D乜野要走笛得咁頻能﹐行嚟行去。抹野就輕輕抹下﹐正確係“了”下咋﹐無力水可言﹗你話呀婆邊有力捽吖﹖咁就唔好帶呀婆嚟喇﹐我唔係蝦呀婆﹐咁佢真係手腳超慢超求其吖嘛﹐佢做嘅野﹐人哋十五分鐘就做完喇﹐洗鬼做兩個鐘咁耐咩﹖咁佢個女帶呀婆嚟係咪呃鐘先﹖我真係唔想咁樣話佢哋﹐不過呢兩母女唔止係行行企嗰下黑我憎﹐重要專揀D唔洗點抹﹐唔係好污糟嗰D野嚟做。真係污糟嗰D梗係留比其他人做喇。 兩點幾嘅時候﹐呢兩母女就去吸塵﹐人哋講明吸塵抹地係最後先做。人哋重喺度抹緊野﹐掃緊櫃入面D塵出嚟﹐你吸乜Q野塵呀喺度﹗我心諗你咪吸囉﹐一陣都會通地係架喇﹐咁鍾意吸﹐一陣再吸多次喇傻仔﹗ 當我喺度抹緊無人想抹嘅雪櫃之時﹐我重清緊裡面D過期野﹐發霉野﹐我將有D放喺裡面嘅樽放喺我身邊一張枱上面﹐然後先抹到個雪櫃裡面架﹐嗰個呀婆走埋嚟叫我攞走D樽﹐因為呢佢要將D凳放上枱﹐佢要抹地。如果佢唔係一個呀婆﹐我就已經問候咗佢﹐黐咗邊條線呀佢﹖睇唔到我抹緊野咩﹖地下又話要抹﹐唔放得野﹐枱又話要放凳﹐我又唔放得野﹐咁我係咪應該攞自己個頭頂住嗰幾個樽﹐然後去抹雪櫃呢﹖呢個死自私精﹐莫講話張枱大到擺晒D凳上去再放埋佢成個人上去都夠位﹐就算真係放唔到凳﹐咁佢係咪唔識用手推開D凳然後抹地﹐跟手再拍返埋D凳吖﹖妖﹗佢中東嗰邊係咪無教呢樣技能呀﹖真係比佢激死﹗我同佢講﹐我抹埋就會放返D野入雪櫃架喇。令返轉頭都費鬼事睬佢。 佢重要一路見我掃雪櫃D垃圾出嚟嗰陣眼睥睥﹐好似我搞到個地下又污糟晒咁﹐咁咪所以人哋叫最後先吸塵抹地咪就係咁解囉﹐STUPID !!!!!到我企咗上凳抹緊雪櫃頂﹐佢又話叫我吸咗地下D垃圾先﹐因為佢要抹嗰度地下。你話係咪真係想大巴車到佢個包頭巾都飛甩咁濟﹗點完我呢樣﹐重叫我吸埋另外一個位﹐頂﹗死八婆﹐見唔見我抹緊野呀﹖佢真係好似老奉咁﹐大姐﹗我唔係你跟班呀﹗我都有比學費架﹐曲街﹗重要叫我收好部吸塵機﹐唔好阻住佢抹地喎。真係火都嚟﹐我唔Q理佢﹐心諗﹐鬼唔望kick鬼死你個死八婆﹗(對唔住﹐我真係好慶﹐我知老人家係要嚟尊重﹐不過呢D人渣﹐我疑得一部吸塵機吸咗佢條頭巾﹐再吸埋佢件黑色袍﹐等佢光脫脫無面見人然後襯地林﹗天呀﹗原諒我咁衰咁樣鬧呀婆﹗) 佢要我做咁多野﹐目的係佢想快D抹完塊地﹐咁佢兩母女就可以鬆人勒。抹完地﹐佢個女唔知重搞緊D乜野﹐呢個呀婆﹐竟然可以翹埋對手喺度睇我做野﹐真係做夠兩粒鐘就停手﹐話之你。 人渣人渣人渣人渣人渣﹗﹗﹗﹗﹗﹗我實投訴你兩母女﹐不知所謂﹗ 重有個呀婆﹐見我清緊個雪櫃嗰陣走埋嚟同我講話佢頭先都想抹雪櫃﹐不過唔知應該掉D乜野喎。重話費事掉錯咗比人鬧﹗唉﹗點解世界有咁多豬精﹖佢梗係長期都食自己個雪櫃嘅過期野食到家下變咗低B喇﹗唔知掉乜﹖真係想同佢講﹕「你咁豬咁懶咁怕人哋鬧你掉錯野﹐不如自己瞓埋入去雪櫃喇﹗」(對唔住﹐我口賤﹗但﹐我真係忍唔到﹗﹗﹗)結果﹐我清咗兩包2004年到期嘅腸仔(大佬﹐六年以嚟負責抹雪櫃嗰D人做咩架﹖﹖﹖)﹑幾包過咗期幾個月嘅野﹑執返好亂七八糟嘅野﹐分返類擺返入雪櫃度。睇下聽日返學有無人斬我怪我掉咗佢兩包2004年嘅腸仔吖笨﹗你話個呀婆係咪揾嚟講﹖唔想做就唔想做﹐唔好亂咁o翁當我白痴咁呃吖﹗我寧願佢話無帶老花眼鏡睇唔到D過期日子﹐咁我都信吖﹗呀婆唔係大晒架﹗ 有個呀媽一嚟到就同我講I Read more [...]

上次同口水禧去書局睇書﹐佢就梗係掛住睇佢D卡通人物填色冊﹑貼紙簿﹑玩具嗰D。我就見到有D比細路睇嘅天文常識嘅書﹐所以就攞嚟睇下﹐萬一下次再比個仔考起嗰陣都叫做有D野答佢吖嘛大佬﹗ 大家都知地球自轉一圈就係我哋嘅一日﹐即係廿四小時﹐圍住太陽轉一圈就係我哋嘅一年喇。原來有D星球圍住太陽轉一圈要幾廿年架喎﹗嘩﹗真係﹐轉多兩圈﹐我都摺埋咗喇﹗ 唉﹗又講咗去邊呀大姐﹗ 呢幾日都無時間寫blog﹐所以我話如果地球可以轉慢少少就好喇﹐咁我哋就可以有多D時間喇﹗(我諗我已經黐咗線喇......)而家口水禧一個星期返三日學﹐重要係隔日返﹐理應好過summer Read more [...]

一句鼓勵的話 可以改變一個人的觀念與行為 甚至改變一個人的命運。 一句負面的話 可以刺傷一個人的心靈與身體 甚至毀滅一個人的未來。 負面的話﹐ 我們真的說多了也聽多了。 小時候 每次家長會拿成績表的時候 老師只會說心散﹑可以再叻D﹑未盡全力﹑傾計...... Read more [...]

嘩﹐估唔到大家睇完尋日個blog好似重肉緊過我喎﹗唔洗為呢D低等動物壞死自己D細胞嘅﹐唔值啫﹗你話係咪﹖我打完電話去投訴已經怒氣全消喇。 我好多謝回應嘅blog友咁熱心﹐若然大家約埋一齊去一人中嗰個蛋散一拳﹐我諗佢要瞓醫院瞓到下年都未出得嚟﹗但係我可以做嘅就只係打電話去投訴咁多架咋﹐你叫我再日日追電話去睇下間公司係咪真係會警告佢﹐我諗我有咁嘅時間都唔會有人講真話我知喇。寫信去政府度投訴重衰﹐我屋企門前個坑渠窿﹐我住咗呢度七年喇﹐不知投訴咗幾多次話有樹葉同泥塞住個窿﹐搞到落親雨我屋企門前好似條河咁﹐隔離屋又唔掃D葉﹐掃街車淨係識一尾係咁掃D垃圾入去﹐而家個坑渠窿不單止係比D泥沙塞實晒嘅﹐重要有棵野生到半個口水禧咁高添﹗問你死未﹗就去市政府個網業投訴又試過﹐打電話去又試過﹐影埋相親身攞去都試過﹐但係係唔會有人理你架。就算應承話會派人嚟都係吹水呃人架咋﹐最多都係揾幾件蛋散嚟左望望右望望﹐跟住就鬆人架喇。試過一次真係有人嚟通﹐係因為嗰陣我有個鄰居識得人喺市政府入面做﹐咁我個鄰居因為都有份遭央﹐佢同佢個朋友呻開﹐個朋友返工嗰陣就真係揾咗人嚟係咁以通過下喇﹐唔洗幾日又塞返喇。而家個鄰居都搬走咗幾年﹐嗰個坑渠窿咪又係用嚟繁殖野草囉。你話政府有咩用﹖我試過自己想通﹐但係D泥實到我成個人跳起都隊唔到支掃把棍入去﹐試問有邊個會理你個丁屎坑渠窿吖﹗ 嗰日同間公司對話嘅時候我要求佢個員工同我道歉﹐我要間公司出email比我﹐但係嗰個人話佢哋只會要求個員工同公司道歉﹐當我正想話﹕做乜同公司道歉﹖家下比人鬧嗰個係我喎﹐嗰個人已經即可駁我話佢代表間個員工同我道歉﹐兼且保證一定會開會傾同埋要嗰個員工簽野收警告信﹐嗰個人重問我"Are Read more [...]

本來D火熄熄哋﹐打完篇野想copy嘅時候乜都無晒﹐點呀﹖係咪想我今日爆晒D血管佢呀﹗ 兩點前我重好慶﹐不過而家個心有D涼意﹐好﹗我都唔介意打多一次呢篇blog。本來頭先打嘅時候我D怒火重未消﹐我嗰陣真係想出去對住個後園大聲嗌到全銀河系都聽到咁濟﹗你話我幾慶吖﹗ 事緣今朝送口水禧去學游水﹐去到路口嘅stop sign停緊車嘅時候﹐見到面前條大街上擺咗好多雪糕筒喺每條間開行車線嘅白色線上﹐見我要行嘅嗰條線無野阻住﹐咁即係代表我可以入嗰條線喇﹐正常人如果唔想有車入去嗰條線都會擺個雪糕筒喺度阻住唔比車輛洗入架喇﹐係咪﹖你唔擺﹐咪即係入得囉。 我駛架車入去之前﹐喺個stop Read more [...]

今日co-op唔係做雞販﹐係去咗睇室外活動嗰班細路。以為立到荀野﹐點知...... 室外個遊樂場原來都唔野少。淨係面積都大過雞籠幾倍。有滑梯﹑鞦千﹑沙池﹑單車﹑搖搖板﹑爬繩等等。初時兩個人睇自己班﹐晏D連隔離班都出埋嚟﹐好在多幾個人睇班大帝﹗但係......有D大帝爭單車﹑有D飛車落斜路﹑有D喺沙池開片﹑有D唔見咗對鞋喪喊﹑有D玩玩下食沙﹑有D行行跑跑PK﹑有D爭第二D野玩﹑有D比人推落地食泥...... 左撲右撲﹐氹得呢個喪喊緊嘅﹐隔離有兩件打緊交﹗遠處見到有個隔離班嘅打鞦千打到就嚟升空咁濟﹐嚇得我吖﹗口水禧都算係咁﹐做獨家村﹐所以避開咗好多比人片或者片人嘅機會。我co-op嗰日係無乜時間睇口水禧嘅﹐佢自己會執生架喇。 呢班同學好難搞﹐重難過summer Read more [...]

自從口水禧出咗世之後﹐我已經習慣咗夜瞓。幾夜﹖夜過夜更看更囉(因為有D夜更看更係會十二點幾就「航」床瞓覺架嘛﹗唔知而家呢個年代係咪咁架呢﹖﹖﹖)當口水禧重要食夜奶嘅時候﹐十二點食咗奶﹐大約三點就會再食。食完梗係唔會即瞓咁益我喇﹐眼碌碌四圍碌粒幾鐘先會失去知覺。到我可以瞓嘅時候都四點幾﹐轉頭六﹑七點又嚟過。所以金精火眼就係咁樣練出嚟架勒﹗ 唔食夜奶之後(講緊係八個月大嘅時候)﹐都重會夜晚叫我起身﹐我諗佢純粹係驚我瞓得太多啩﹗而家有時夜晚要起身同佢換下片﹐如果唔係﹐朝早起身嗰陣就多數都要洗床單﹐因為漏尿。以前係因為臨瞓飲太多奶﹐而家瞓之前無再比奶佢飲﹐但係都會漏尿﹐百思不得其解。有時即使係半夜換咗尿片﹐天光起身都一樣會漏尿﹐真係想問下佢喺邊樹嚟咁多尿呀﹖水浸咁濟﹗如果我早瞓﹐半夜起完身換完尿片﹐就會瞓唔返。天光先想瞓﹐但多數喺呢個時候﹐禧哥就會起身。咁我就會勁﹐因為我半夜四﹑五點就起咗身喇。有時好瞓得濟又會半夜唔知醒無換到尿片﹐咁第二朝就等住迎接一張尿床單喇。 所以我選擇夜D瞓﹐換埋尿片跟住就可以一覺瞓到大天光。就算瞓得幾粒鐘都好過四﹑五點眼光光﹐跟住到臨六﹑七點想瞓﹐o岩o岩瞓著﹐口水禧就要起身﹐嗰下最難頂。我最怕就係一瞓著嗰下無喇喇要起身﹐我覺得重辛苦過唔瞓。所以之前口水禧細個嘅時候我係唔瞓晏覺﹐費事呢頭瞓著﹐嗰頭未瞓夠就要起身。 夜瞓﹐朝早咪唔可以早起囉﹐九點幾十點先醒到。所以送口水禧返早係超辛苦嘅事。無意志係完成唔到呢個壯舉。但係﹐呢個星期四﹐我竟然同口水禧一齊逃學﹐實在係眼都擘唔大﹐禧爸話朝朝叫我哋兩個起身係向難度挑戰﹐我哋兩個直情好似暈咗一樣﹐叫極都無反應。加上嗰日老師叫佢哋著泳褲返學﹐因為預咗喺出面沙池乾煎﹐嗰兩日成華氏100度﹐我諗起都想C﹐佢班友仔就著泳褲玩水桶玩沙﹐我哋D呀媽就企喺隔離乾煎曬頭殼頂﹐真係想唔中暑都唔得喇。加上之前一晚洗完豌重拖埋sunroom同書房個地加埋夜瞓換片﹐真係好瞓到不得了﹗(算喇﹐我係揾緊籍口掩飾架喇......) 就係咁﹐口水禧就做咗一次逃學威龍﹗ Read more [...]