臨床育兒記錄

放心﹐唔係好血腥嗰D校園暴力事件。Preschool幾歲人仔可以有幾暴力吖﹗ 主角﹕梗係有口水禧份喇+俄羅斯男同學 道具﹕一列每架有我半條手臂兼小腿咁粗嘅木製火車 時間﹕clean up time之前 案發經過﹕當時我同老師做緊野﹐離我大約十幾二十呎嘅口水禧喺度玩緊嗰列火車(有六架野一架跟一架扣住)。突然我背後傳出有男孩大叫"No! No! Stop! Stop please!No!"嘅聲音﹐我令返轉面嘅時候見到俄羅斯同學將口水禧玩緊嘅火車扯甩﹐逐架逐架周圍定﹐跪喺地下嘅口水禧身體衝前推咗俄羅斯同學一野﹐口中重講緊"No!Stop Read more [...]

昨天晚上去學校開會﹐雖然不是全部家長到齊﹐不過確實是一個不可多得的機會讓我們互相了解家長和孩子的「特點」。我不知道其他的學校有沒有像這樣的研討會﹐要是我沒有去的話﹐那一定是我的損失。 席間家長們圍一個圈﹐大家輪流講述自己孩子的特點或問題。之前不是提過口水禧班中有些孩子讓我們吃不消嗎﹖其實我一直都在期待這個Rap Session﹐因為我真的很想知道這幾個孩子到底是不是身體出現一些狀況引致他們的行為比較讓人頭痛﹐我想知道要怎樣才可以幫忙照顧他們。原來被我猜對了﹐那幾個孩子確實是身體或心智上有些問題正有待改善。 其中一個老在學校哭鬧的孩子﹐即以前提過很容易發脾氣在沙池變成「糖不甩」的那個同學﹐他的母親說這孩子有很多問題﹐首先﹐他有語言遲緩﹐已經三歲半的他﹐語言程度只有兩歲。故此每當他無法表達自己所想的東西或者無法明白其他人對他說的話的時候﹐孩子就會非常懊惱抓狂。另外﹐他有個問題(忘記那個病的名字英文叫什麼)﹐他無法辨認身體個部份作出不同動作時候的狀況。簡單說﹐當我們彎腰或舉手的時候﹐我們知道自己在彎腰或舉手是因為身體裡面有耳水或其他神經告訴自己正在做什麼﹐而有些人是沒有這個能力﹐所以當孩子對自己的身體好像一無所知的時候﹐原來對他們來說是很恐懼的﹐所以孩子會時常無緣無故感到不安﹐繼而就會鬧情緒。還有﹐這個孩子的身高比一般同齡的孩子都要高﹐造成他很容易摔交﹐因為他腿上的關節有問題﹐需要做物理治療。這孩子星期一﹑三﹑五到我們學校上學﹐星期二﹑四去另外一家學校上學。有些家長提出這也許是引致孩子在我們這裡上學時候鬧情緒的其中一個原因﹐因為去兩家不同的學校上學有機會讓孩子很難適應各個學校上課的規矩習慣。加上他的語言障礙問題讓他更加摸不著頭腦到底在發生什麼事﹐為何昨天去的地方可以做這些﹐今天這個地方又不可以呢﹖老師請那位媽媽去那家學校問一下可不可以讓我們的老師去觀察孩子在那家學校上課的情況﹐然後再看看到底要做些什麼去配合孩子。 另外有個孩子從開學以來都不肯參加circle Read more [...]

邊個係大丈夫﹖唔係我喇梗係(我點豪極都係女人吖﹗)﹐亦都唔係禧爸喎﹐講緊梗係我屋企另外一件雄性﹐口水禧喇喂﹗何解係大丈夫呢﹖因為大丈夫做咩架﹖估到喇嘛﹖咪就係一言九鼎囉﹐弊就弊在我屋企嗰件大丈夫唔係「鼎」而係「頂」嗰下慘﹗ 呢個星期嘅口水禧唔知係進化咗去另一個階段﹐定係個膽又生多咗D毛出嚟﹐日頂夜頂我個X﹐好似顛咗咁﹐總之係又頂唔係又頂﹐我真係頂佢唔順就真﹗ 繼續玩相反詞已經係屢見不鮮﹐我都慣咗當聽唔到﹐有一日我頂唔順同佢講﹐叫佢廢話留返比自己聽唔好講比我聽﹐佢當然係一輪嘴繼續追擊我喇﹐咩「唔係廢話係翠華」﹑「呢D唔係駁嘴係講野」呀上一篇blog都講咗﹐真係應佢又唔係唔應佢又唔係﹐繼續嗌落去盞嘥時間﹗ 講大話當食菜﹐問親佢乜乜係咪佢搞爛﹐第一句肯定話唔係。問多幾次都話唔係。直至一係恐嚇或者話如果佢講真話我唔會鬧佢﹐佢先話其實係佢整爛嘅。不過千其唔好以為佢自首等如認錯喎﹐佢係覺得自己咁做無問題架。例如特登踩爛D玩具(係咪好抵C呢﹗)﹐佢話嗰D唔係特登﹐亦都唔係踩爛﹐佢會理直氣壯咁話﹕「D玩具係爛嘅﹗」或者直頭話﹕「D玩具唔係禧禧嘅﹐禧禧係無玩具嘅﹗」繼而重要繼續豬o翁話我間屋企都係爛嘅﹐禧禧係無屋企嘅一大抽聽完都想大巴星到佢嘴都爛為止嘅廢話。唔理佢由得佢講咩﹐佢會以為你聽唔到佢講野﹐佢會大聲D﹐叫咗你先﹐你問佢咩事嘅話就上當﹐因為佢會好似播帶咁重複再由頭到尾講多一次頭先嗰段廢話比你聽。我而家已經可以練到聽完都無表情﹐「啊」一聲就算嘅境界。(雖然心裡面就鬧緊﹕「你個seafood鬼吖﹗好想中你塊面呀﹗」) 再進化D係開始會駁嘴駁到懶有邏輯﹐一句得埋嚟﹐你都唔知點反擊嗰隻。 有日喺車度佢同我講話嗰日喺叔叔屋企想睇怪獸公司﹐但係叔叔揾唔到隻碟。其實隻碟喺我哋屋企﹐但係我哋呃佢話比返叔叔。因為之前佢睇過之後就話驚衣櫃有野跳出嚟嚇佢﹐所以都費事再比佢睇住。但係咁樣解佢聽話唔比佢睇係怕佢會驚﹐佢肯定駁爆我個嘴都唔掂。於是被迫要講大話﹐呃佢話隻碟比咗叔叔。於是咎日當佢話喺叔叔屋企睇唔到套卡通嘅時候﹐我口快講咗話可能隻碟喺我哋度所以叔叔揾唔到﹐佢即刻話﹕「唔係喎﹐爸爸話已經比返叔叔喇喎﹗」於是情急之下唯有屈落叔叔個女度話「可能姐姐攞咗去呢﹗」咁佢先至無再追擊隻碟。第二樣野又唔見俥咁好記性﹐我叫佢要聽話﹐唔好搞乜野乜野又唔見佢記得﹗ 有日喺學校睇緊雞﹐有隻雞好搞野﹐除咗成身都係毛之外﹐連對腳都係毛﹐好似著咗對毛毛鞋咁四圍走。我同口水禧講﹕「嘩﹗嗰隻雞咁多腳毛嘅﹗」佢隨即爆咗句「XXX(佢老豆個花名)都有喇﹗(禧爸係有超多腳毛嘅)」D反應快到我都要﹗ 有日喺廁所佢洗緊手﹐我哋叫佢唔好玩水洗咁耐﹐佢竟然爆咗句﹕「收嗲喇﹗」於是即刻篤佢出嚟﹐話佢知唔可以對住爸爸媽媽或者任何長輩講呢句野﹐只有同好好嘅朋友私底下講笑嘅時候先可以用。佢話﹕「禧禧大個仔喇﹐可以講﹗」(因為前一日我讚佢大個仔﹐可以留喺叔叔屋企都唔喊)於是佢就當咗係我平時教佢一D說話小朋友唔可以講住﹐要大個先可以講呢句野已經生效﹐因為佢大個仔。講比禧婆婆聽﹐佢不知幾開心﹐重話要寄多D禮物嚟答謝口水禧幫佢報仇。車﹗我自有辦法治佢喇﹗ 其實我覺得個問題唔係喺佢嘅言語用詞或者頂嘴嘅內容﹐而係佢嘅動機。點解乜都要唱反調﹐重要係好大反應嘅反調添﹗都未計佢夠膽尖叫喝爆我同佢老豆添﹗上個星期放咗學﹐籍住洗多兩個廁所﹐吸耐D塵﹐拖延多D時間同佢個老師研究(應該係請教喇﹐我邊夠資格去同人研究吖﹗)口水禧呢排做咩事咁串﹐老師話小朋友到咗三歲幾四歲﹐就會開始覺得要主導返大人﹐要大人聽佢哋嘅一套﹐小朋友先係話事揸fit人。所以事無大小都要頂咗先﹐如果大人無反對﹐咁咪小朋友贏咗囉。就算大人反對﹐小朋友反抗﹐咁都起碼反抗咗﹐有發言權先。乜權都好喇﹐總之要有D權揸喺手﹐咁就覺得自己大晒喇﹐大個喇﹐有毛有翼﹐巴閉喇﹗亦都可能係佢哋處於又想自己話事但又知道話唔到事﹐有D野又想大人幫佢哋做但又想自己做﹐(差唔多係精神分裂咁款﹗)﹐於是就會喺自己都好茅盾嘅心情底下亂咁發洩﹐發顛﹐發狂﹑發奴騷...... 之前我間唔中都會感覺到口水禧行為上有唔同咗嘅變化﹐然後又好似無事變返平時咁。不過我知道呢次唔會再變返以前嗰隻叫佢做佢就做嘅綿羊﹐家下變咗叫佢做佢唔做唔叫佢做佢即刻做嘅魔童﹗萬事頂到行﹐我講一句﹐佢頂幾句﹐老師話係時候要佢有返D紀律﹐哈哈﹗有老師撐我條腰﹐不知幾咁眶眶聲響呀﹗你個衰仔﹗我都忍得你耐﹗呀媽磨拳擦掌﹐等待出擊﹗ 放一萬個心﹐我唔係體罰佢﹐係買咗本野叫Positive Read more [...]

昨天早上在學校裡﹐當口水禧坐在靠近門口的桌子正在陶醉在他的T-shirt painting(把油漆畫在襯衣上)﹐遠處一個母親﹐手裡抱著一個小的﹐腿旁邊被大的老樹盤根﹐母親拖著腿蹣跚地朝著門口走來﹐另外一邊是老師低聲地跟母親說著﹕「要走就現在走﹐快﹗」可是孩子死命的抱緊母親的腿﹐哭叫著﹕「媽媽﹐別離開我﹐好嗎﹖媽媽......」他們就離我跟口水禧不到一尺的範圍糾纏了大概幾十秒﹐坐在旁邊的我心裡覺得很不好受﹐覺得孩子好可憐啊﹗他在那裡不斷地哀求著媽媽別撇下他﹐儘管如此﹐最後那母親還是甩下孩子給老師抓著走了。 當時我心裡有點擔心口水禧聽了那孩子的哭聲以後會害怕﹐雖然他聽不懂那孩子跟他媽媽在講什麼﹐但是聽到那孩子不斷叫著媽媽﹐然後又一直死拉著媽媽的腿不肯放手﹐大概都能猜到時什麼一回事了。我怕他會以為以後自己也會像那個孩子一樣被扔下﹐所以我一直都在注視著他的臉。 結果﹐他還是那樣不動聲色地畫著他手中的襯衣﹐不過突然對我說了一句話。他平靜地說﹕「媽媽﹐如果媽媽留低禧禧一個人喺學校﹐禧禧會好驚同埋喊呀。」雖然只是很簡單的一句話﹐卻像對我一次當頭棒喝一樣的震撼﹐因為這是口水禧第一次跟我說他的內心話﹐從來我問他為何自己上學會怕﹑自己去circle Read more [...]

打從第一個summer camp開始﹐口水禧的老師們就很清楚口水禧不會英文﹐只會廣東話的特色﹐故此很多時候﹐老師們都會儘量遷就口水禧的程度﹐在跟他講話的時候把速度放慢﹐把句子簡短﹐加上我從旁翻譯﹐幫助口水禧跟她們溝通。除此之外﹐在circle time的時候﹐當口水禧要當眾講話回答問題的話﹐老師聽完他的英文答案﹐都會立即問他那個英文生字的廣東話是怎樣講﹐讓口水禧當個小老師示範給同學們聽一聽﹐然後再叫同學們講一次。 印象最深刻是老師每天早上都問孩子一次他們吃了什麼當早餐﹐每次口水禧說完cereal以後﹐老師就會問他cereal的廣東話該怎麼說。現在﹐每個同學都知道cereal的廣東話是麥皮(其實應該是oat Read more [...]