撥亂反正
經過幾天的「撥亂反正」大行動﹐
廚房終於歸位。
只剩一個大皮箱呆站於角落﹐
等候發落。
現在最亂的﹐
莫過於是我們的時差問題。
小傢伙﹐
Author: 禧媽
亂
你眼前這個不是垃圾棄置場而是寒舍廚房的一角。放滿剛從香港回來有如走難般帶回很多救援物資的皮箱們﹐辛苦你們了﹐吃得肚子飽飽的回來﹐吃不下還得讓我硬塞著勉強吞下。廚房突然淪陷﹐洗衣機和乾衣機連日加班﹐馬不停蹄的洗呀乾呀轉呀什麼的。希望儘快把這個垃圾場移平﹐還自己一個正常的廚房就好。
港式牛肉乾
我無野~~~~
凡事總有第一次。我今日正式食咗我咁大個人嘅第一張港式牛肉乾......滯喉﹗
超速比警察醒咗張大禮兼扣埋分比我做紀念。。。係我錯嘅﹐快咗少少。
原來而家已經唔會同司機講﹕「熄匙車牌身份證」架喎﹐重一路抄牌一路同我打牙較添﹗
第一個攔截我嘅警察淨係做呢個手勢>>>>﹐下半身係擘大對腳呈紮馬咁嘅裝態。到我較低窗扮"mooh look"嘅時候佢仍然係唔講野﹐好有力咁指我去佢要我泊底嘅地方。
然後另一個警察埋嚟話我知﹕「小姐﹐頭先我哋嘅偵測機check到你喺XXX超速﹐嗰度係行50﹐你行71。所以而家要比張告票你......唔該車牌。」
此時有條茂利想博大霧攞張加州車牌出嚟昆呀蛇.....警察接過張野之後>>>然後問﹕「呢張咩嚟架﹖」
茂利﹕「加州車牌囉。」心諗﹕「抄吖笨﹗」
警察呆咗幾秒先再講野﹕「咁~~~咁~~~~你有無香港嗰D呀﹖」
此時茂利心知走唔甩﹐死死地氣攞張HK車牌同身份證出嚟任警察魚肉喇唯有。
同時﹐有另一位警察上前睇下架車﹐發現我身後有一件貌似蛋散o岩o岩瞓醒嘅小茂利喺樹呆望警察。
警察﹕「E~~~佢幾定喎......做乜咁呆嘅﹖」
我心諗﹕「我比你抄牌我個樣重呆喇大佬﹗無D同情心。。。嗚~~~~嗚~~」
我﹕「係呀﹐o岩o岩瞓醒吖嘛﹗」
警察﹕「係呀﹐放學多數都係咁嘅樣架喇﹗」
我﹕「唔係放學呀﹐佢喺第二度返嚟。」(重想博下同情﹐所以扮友善嘅司機一路同警察傾計一路啜緊手上杯珍珠奶茶。咪就係咁囉﹐咁串﹖抄緊牌重飲珍珠奶茶﹗呀蛇做到無停手﹐又熱又口渴又多蚊﹐見到面前條友喺樹嘆世界咁樣重唔眼火爆繼續抄咩﹗)
警察﹕「啊﹗咁一定係時差重未掂喇﹗唔怪得知咁眼瞓﹗」講完行咗去。
抄咗我牌嗰個警察此時行埋嚟講我知要罰幾多錢。我因為未喺呢度抄過牌﹐所以想問清楚D野......
我﹕「你幾時寄比我﹖寄去邊個地址呀﹖」
警察﹕「寄咩呀﹖」
我﹕「張野囉。」
警察﹕「寄邊張野比你呀﹖」
我指住佢手上揸住嗰本告票簿。
警察有D覺得我唔知係玩野定係低能﹐佢話﹕「我而家即刻比你﹗」
我﹕「咁我去邊度交錢﹖」
警察﹕「郵局或者ATM。」
我﹕「ATM係咪即係櫃員機﹖」(我確實唔係玩野﹐我真係以為佢係指APM﹗幾乎想問係咪觀塘﹗
警察look大對眼﹐深呼吸﹕「係。」
我﹕「咁ATM點交﹖係咪輸入D Read more [...]
財唔多身子又弱
今日我哋屋企老中青齊齊去醫務所派錢。耆英組代表係禧婆婆﹑中年組代表係口水禧呀媽﹑青年組代表係醫務所台柱口水禧先生(呢兩個幾月口水禧都派咗唔少錢比醫生叔叔做家用﹗)。
細菌先生小姐﹐唔該去揾嗰D財多嘅人嚟玩喇﹐我哋呢D唔係你杯茶﹐放過我哋喇﹐好唔好﹗
口水禧 - 繼續食收鼻水傷風感冒﹑化痰﹑止咳藥。
婆婆 - 收鼻水傷風感冒﹑喉龍痛﹑喉沙藥。
口水禧呀媽 Read more [...]
Bonding
自從我的電腦被小壞蛋砸了以後就對寫blog有點懶﹐更不要說回覆blog友們的回應留言。有時候看了回應卻沒有時間讓我回覆﹐那樣我寧可暫時擱著不覆﹐總比胡亂地為覆而覆好吧﹖現在要暫借肥盈放在客廳的電腦﹐如非必要﹐我不想老霸著別人的電腦猛用。晚上家人睡了﹐更不好意思開著燈在那裡窮上網阻礙第二天要上班的人。所以上網的機會真是少之有少。除非......
該打不該打﹖
有時候﹐當我帶口水禧去游樂場玩耍遇上不受規矩的孩子﹐他們瘋起來可以無視面前有比他們年紀小的孩子而推推碰碰﹐爭先恐後﹐完全無秩序地搶著玩任何東西。這些孩子即使是被我這個陌生人訓了以後都無動于衷﹐繼續顛狂失控﹐更甭說他們會理會帶他們來玩的工人。有的是父母都在場﹐可是眼看自己的孩子撒野也一副懶得去管的德性﹐真叫我無奈。
面對這樣的孩子﹐口水禧只會不停地往後退﹐站在一旁求救。要嗎只會大叫﹕「小朋友好衰呀﹗小朋友好煩呀﹗打D小朋友呀﹗」儘管他嘴巴猛說要打人家﹐不過他從來都不會對其他孩子動粗﹐連面對面罵他們也不會。有時候看著他被推撞跌倒﹐我都看得冒火了﹐他還是一如既往的「化悲憤為說話」﹐眼睜睜地看著人家一次又一次的插他隊滑滑梯﹐他都不敢挺身而出作出任何反擊。唉﹗
其他父母怎樣教他們自己的孩子我到底都沒有資格去管。可是當我教導自己的孩子要守規矩的同時﹐卻也讓他不斷被不守規矩的孩子佔他便宜﹐看著他縮到一邊去我都愛莫能助﹐總不可以跳上滑梯去替他收拾那些調皮搗蛋鬼吧﹖所以有時候我十分懊惱﹐到底我該讓我的孩子也跟人家爭個你死我活的還是像現在這樣縮在一旁呢﹖有時候我倒真希望口水禧不要記住我教他的什麼守規矩講禮貌那些廢話﹐遇到那些混蛋插隊﹐就一手把他推開﹗
不瞞你﹐我確實在家裡曾經教過口水禧如何擊退搶他玩具或對他動粗的孩子。但我沒有教他打人。只教他推開或者用手阻擋侵襲他的人﹐還有就是要大聲狠狠地說「NO﹗」不過﹐看樣子教了也是白教。也許他真的是拿了他老子的好脾氣﹐要他學會撒野耍賴是不可能的了。 Read more [...]
智蓮淨院
常常坐巴士經過智蓮淨院看到裡面的公園蓋得蠻漂亮﹐想進去看看。終於前天有機會和禧婆婆帶著小壞蛋去一遊。想著小的沒什麼機會看這些富有中國色彩的建築物﹐讓他去開開眼界。
人肉貼紙簿
是不是很奇怪﹐為什麼前幾天才說電腦給少爺砸了﹐這幾天又可以若無其事的寫blog?那是因為肥盈借出她的電腦一用﹐我才可以繼續在這裡吹皮牛了﹗不過照片拍了就無法修改﹐video也無法上載了﹐非等禧爸回來救駕不可了。
新型象 – Moh Look 禧
實在忍無可忍﹐當你每天看著面前一個濕淋淋的頭﹐頭髮像塗了一層wet gel變成了wet look﹐臉上還有汗珠在流的話﹐相信你也會想揮慧劍斬「髮絲」﹐來個乾淨利落吧﹖所以我投降﹐放棄冬菰頭﹐給他弄個新形象。雖然汗還是不停的流......
點做人呀媽架asshole!
有無搞錯呀﹗+
頭先喺商場嘅洗手間同口水禧交緊水費嘅同時﹐我隻右腳條褲腳+襪+鞋亦都比人交水費﹗嗰個細路就咁疴喺地下﹐重要係向住我嗰隔疴晒過嚟﹐個低能嘅呀媽淨係識大聲講﹕「嘩﹐做乜你疴喺個地下架﹖」但係就無制止個細路繼續疴﹐重要好Q大篤尿係咁洗地﹐我嗰隔個地下好似比洗街車"fare"到通地尿﹐我隻右腳中晒招濕晒﹗What the f*ck!!!!!呢個女人有無資格做人呀媽﹖﹖﹖﹖睇見個仔疴尿喺地下乜都唔做﹐有得佢疴﹐如果我個仔唔喺度﹐我真係唔知我把口會講D乜出嚟﹗﹗﹗﹗﹗離晒罩呀死八婆﹗簡直係香港人嘅恥辱﹐人類嘅渣滓﹐射佢上太空都嫌嘥油﹗﹗﹗妖﹗﹗﹗﹗頂﹐好Q痕呀隻腳家下﹗﹗﹗﹗
嬲到唔記得出去洗手嘅時候同廁所阿嬸講有人用尿幫佢洗地﹐我睇嗰兩母子點出個廁所門口﹗
請容許我喺度發洩下﹕
親愛嘅家長﹐頭先聽嗰個呀媽講嘅廣東話非常純正﹐唔似第二度人。我當佢係HK人。頂﹗買補充練習﹑參加乜乜物物興趣班﹑考乜乜物物名牌學校﹑洗錢做interview Read more [...]