快樂童年 – 一字記之曰「玩」
這盒呔爸媽送給口水禧的見面禮在昨天終於正式「投入服務」。之前在學校也有泥膠供學生們玩﹐可是我家的少爺不知道是怕泥膠的外型還是碰泥膠的感覺﹐死也不肯碰學校的泥膠。所以收到這份禮物以後遲遲都未拆開﹐就是因為不曉得他要不要玩﹐與其開了光放在那裡﹐倒不如等他想玩的時候才開﹐那不更有趣﹗(真難伺候啊﹐有禮物收還要等適當時候才可以開﹗)
Author: 禧媽
醫藥分家……唉﹗
上次喺醫藥分家度寫過因為一個口罩﹐搞到我同口水禧由天光頻能到天黑先返到屋企﹐有時真係想佢好似香港咁﹐睇完醫生即刻攞藥﹐就算個醫生mark up少少賺D錢都算比佢賺喇﹐如果唔係好似我哋呢度咁成日為咗樽藥騰嚟騰去撲個空﹐嘥時間又嘥油錢得個吉重蝕得多喇﹗
繼續校園生活週
上個星期學校沒有summer camp﹐我們母子倆在家休息了一週。這才發現原來以前一直從孩子還要抱要揹的時候就渴望他快點會走路﹔到他會走路以後又希望他快點可以講話﹔然後又期待他快點去上學﹐這些渴望有點出於自己的一點私心﹐以為孩子長大了便是我偷閑的大日子﹐這個想法原來是錯的。一天他還沒有長大成人﹐我一天還得從早到晚的為他而「勞碌」﹐年中無休﹐二十四小時服務﹐而且是一年比一年的忙﹗現在倒是很羨慕那些只需要照顧初生嬰孩的人﹐以前總以為照顧初生嬰兒是最痛苦的階段﹐原來那只是育兒的入門初班而已。
給我一個吻
給我一個吻 可以不可以 吻在我的臉上
留個愛標記 給我一個吻 可以不可以
吻在我的心上 讓我想念你
縱然瞪著你的眼睛 你不答應 我也要向你請求
小湯圓
不知何解照片經過縮小以後﹐顏色就變紅﹐讓穿著紅色襯衣捧著一盆番茄的口水禧看上去更像一粒大番茄了。星期六到了我表姐家一趟﹐下午等口水禧午睡起床才出發。我做了柱喉牛坑腩和巧克力熔岩蛋糕帶去「加餸」。還好沒出岔子﹐味道還可以。只是熔岩蛋糕的熔岩因為烤的時間過久而變成了「死火山」﹐熔岩不流出來。
我要keep fit
拍這張照片的時候很爆笑。
告訴他照片拍得不清楚﹐
他馬上立正站得像被點了穴一樣﹐
微微張開嘴巴說著﹕
咁樣咪唔朦囉﹗
果然有見地﹐
這似神氣卻其實有點「豬豬哋」的神態﹐
關於我……
翻出這照片﹐想起我自己。我﹐是個混血兒﹐(廣西mix廣東)。我就是這樣的人﹐無厘頭地說話是我日常生活的一分部。假如我跟你在一起而我端莊得不得了﹐那應該是因為我跟你不熟悉。假如你跟我在一起而有幸聽得到本人的一張髒嘴的話﹐恭喜你﹐你應該與我關係親密到我不介意在你面前露出真面目。(禧爸見識過所以很迷戀我﹗)
Play Date
這裡的孩子很喜歡叫父母安排play date(遊玩日)﹐請些跟自己友好的知己找個時間到某個地方共聚數小時﹐有些還會在朋友家留宿一宵。以前看朋友的女兒時常把同學請回家搞play
假如媽媽顛顛哋
我覺得人生如戲
有時候不必太認真。
中國倫理分尊卑﹐
這個我懂。
該「有大有細」時便該有﹐
可「無大無細」時則可無。
跟他在一起﹐
有大也有細。
衰開有條路
記唔記得好多年前有個富豪喺自己架遊艇燒炭﹐之後塊面又爆咗成粒兵乓波咁大嘅瘡﹖救命呀﹗我塊面都爆咗粒大瘡呀﹐左邊面腫咗一舊野出嚟﹐如果用手「鏈」落去係會鏈到舊五蚊咁大舊嘅肉喺面皮裡面。就咁睇舊野就有青口殼咁大﹐成舊嘅野凸咗出嚟咁囉。所以我今日按奈不住內心嘅驚恐走咗去睇醫生﹐因為真係驚過多兩日塊面真係變咗個富豪咁就大獲喇﹗我唔想塊面成個蠟筆小新咁呀﹗
醫生話係粒好巨型嘅囊腫(cyst)﹐重未陷濃﹐食消炎藥同用熱毛巾敷下應該過多幾日就會無事。不過人為近住牙較﹑又近淋巴﹐所以個醫生將我塊面搓圓噤扁咗好耐﹐猛篤嗰粒野篤咗幾次﹐痛到我吖﹗點解我會咁架﹖
尋晚發現粒巨瘡都好驚架喇﹐夜晚人人瞓晒我喺廁所刷牙﹐當我刷緊嘅時候﹐我懶係野咪埋眼刷﹐到啷口嗰陣先開眼﹐一望到塊鏡突然嚇咗一跳﹐以為自己見鬼呀﹗嗰個係我自己嚟架﹐有無人真係會喺廁所比自己嚇親架﹐我囉﹗幾乎大叫咗出嚟﹐因為我當時伸咗條脷出嚟諗住刷埋條脷﹐咁個頭耷得低咗﹐兩隻眼又反晒眼向上望﹐對黑眼圈黑到自己都認唔出﹐就係咁﹐我一擘大眼嗰一秒見到鏡中嘅倒影﹐以為見到鬼﹐嚇到牙刷都想掉咁濟﹗定咗神先記得嗰個係自己。唔係誇張呀﹐係真架﹗(其實係一件慘事嚟架﹗唔好笑喇﹗)
都未黑完呀﹗自己嚇完自己都未驚完﹐洗好副眼鏡諗住抹返乾﹐點知抹抹下﹐啪一聲﹐哎呀﹗啪斷咗副眼鏡呀﹗﹗﹗﹗﹗重要係喺中間鼻樑位斷開兩邊呀﹗
點解乜都要喺我塊面﹐我個頭嗰個位置發生嘅﹖爆瘡+自嚇+斷眼鏡﹐無野吖嘛我﹖
Read more [...]