Author: 禧媽

自從口水禧出咗世之後﹐我已經習慣咗夜瞓。幾夜﹖夜過夜更看更囉(因為有D夜更看更係會十二點幾就「航」床瞓覺架嘛﹗唔知而家呢個年代係咪咁架呢﹖﹖﹖)當口水禧重要食夜奶嘅時候﹐十二點食咗奶﹐大約三點就會再食。食完梗係唔會即瞓咁益我喇﹐眼碌碌四圍碌粒幾鐘先會失去知覺。到我可以瞓嘅時候都四點幾﹐轉頭六﹑七點又嚟過。所以金精火眼就係咁樣練出嚟架勒﹗ 唔食夜奶之後(講緊係八個月大嘅時候)﹐都重會夜晚叫我起身﹐我諗佢純粹係驚我瞓得太多啩﹗而家有時夜晚要起身同佢換下片﹐如果唔係﹐朝早起身嗰陣就多數都要洗床單﹐因為漏尿。以前係因為臨瞓飲太多奶﹐而家瞓之前無再比奶佢飲﹐但係都會漏尿﹐百思不得其解。有時即使係半夜換咗尿片﹐天光起身都一樣會漏尿﹐真係想問下佢喺邊樹嚟咁多尿呀﹖水浸咁濟﹗如果我早瞓﹐半夜起完身換完尿片﹐就會瞓唔返。天光先想瞓﹐但多數喺呢個時候﹐禧哥就會起身。咁我就會勁﹐因為我半夜四﹑五點就起咗身喇。有時好瞓得濟又會半夜唔知醒無換到尿片﹐咁第二朝就等住迎接一張尿床單喇。 所以我選擇夜D瞓﹐換埋尿片跟住就可以一覺瞓到大天光。就算瞓得幾粒鐘都好過四﹑五點眼光光﹐跟住到臨六﹑七點想瞓﹐o岩o岩瞓著﹐口水禧就要起身﹐嗰下最難頂。我最怕就係一瞓著嗰下無喇喇要起身﹐我覺得重辛苦過唔瞓。所以之前口水禧細個嘅時候我係唔瞓晏覺﹐費事呢頭瞓著﹐嗰頭未瞓夠就要起身。 夜瞓﹐朝早咪唔可以早起囉﹐九點幾十點先醒到。所以送口水禧返早係超辛苦嘅事。無意志係完成唔到呢個壯舉。但係﹐呢個星期四﹐我竟然同口水禧一齊逃學﹐實在係眼都擘唔大﹐禧爸話朝朝叫我哋兩個起身係向難度挑戰﹐我哋兩個直情好似暈咗一樣﹐叫極都無反應。加上嗰日老師叫佢哋著泳褲返學﹐因為預咗喺出面沙池乾煎﹐嗰兩日成華氏100度﹐我諗起都想C﹐佢班友仔就著泳褲玩水桶玩沙﹐我哋D呀媽就企喺隔離乾煎曬頭殼頂﹐真係想唔中暑都唔得喇。加上之前一晚洗完豌重拖埋sunroom同書房個地加埋夜瞓換片﹐真係好瞓到不得了﹗(算喇﹐我係揾緊籍口掩飾架喇......) 就係咁﹐口水禧就做咗一次逃學威龍﹗ Read more [...]

Yahoo Blog有另一個口水禧日記的blog。 別去看﹐誰看我就跟他/她反臉﹗﹗﹗﹗ 幹﹗你那個王八蛋﹐你娘生你下來幹啥﹖是她忘記生個腦袋瓜給你還是把它生錯了地方﹐長到你屁股眼那兒去了﹖你連自己的blog名字都懶得改跑去抄人家的﹐裡面放那些色情照片﹐那是你老媽子﹑你姐姐妹妹﹑你老婆還是你自己賺皮肉錢的時候順便拍來給你放在網上找客人的嗎﹖你娘咧﹗ 頂﹗世界咁多無辜嘅人死﹐點解未輪到你呢D人渣嘅渣滓呀﹖咁鍾意整鹹濕相鹹濕blog﹐你唔叫埋你祖宗十八代剝光豬比你影到夠﹐死鹹精﹗ Read more [...]

昨晚﹐躺在床上輾轉反側﹐一個晚上都睡不著。閉眼睜眼﹐腦海都是旅遊巴裡血流披面的人﹐東倒西歪的在椅子上。仿彿我自己也親歷其境一樣。房間漆黑﹐有點像旅遊巴上的情景吧﹐想到他們在等待生命結束的一刻是那麼難熬啊﹗看著至親在自己眼前倒下﹐那份惶恐和哀傷﹐到底他們是怎樣承受的啊﹖梁太太的話﹕「我好想攬埋我老公一齊死呀......但係我諗到三個仔女﹐我就知道我哋是但一個要好好保護自己先可以照顧到D仔女......」所以她裝死逃過了大難﹐可是上天卻跟她開了大玩笑﹐三個孩子只有一個生還﹐而且還被重擊腦部﹐在深切治療病房繼續跟死神搏鬥。一夜之間失去三個至親的滋味﹐誰能夠明白﹖ 兩個孩子一夜之間變成孤兒﹐當全世界都知道他們的父母已經遇害﹐十五歲的姐姐還被隱瞞著父母的死訊﹐跟傳媒說很想見爸爸媽媽﹐看到這裡﹐鼻子酸﹐眼眶熱﹐孩子啊﹐你們的命為何這麼坎坷呀﹖ 電視上播出旅遊巴剛被脅持的時候﹐領隊﹑還有一個女孩﹑一個太太打開窗簾往車外看的樣子﹐我的腦子整夜都在想﹐要是他們的親人再看到那個片段﹐那幾張臉啊﹐就是他們這輩子完結以前最後的樣子了。 以前看新聞﹐每當一些父母聲淚俱下的哭訴著失去孩子﹐太太失去丈夫﹑孩子失去父母﹐禧婆婆都會說句﹕「唉﹗陰公﹗」然後就已經要拿紙巾搽臉了。那時候﹐我不懂得為何我的老媽會那麼感情豐富。隨著我也當了別人的妻子﹐別人的媽媽﹐我終於明白了看著別人失去至親的斷腸之痛是如何的催淚﹗那怕他們跟我相隔數千里﹐跟我不相識﹐人啊﹐都有血有肉有感情﹐想一想要是發生在自己身上﹐不也一樣會傷心欲絕嗎﹖ 老天爺不開眼啊﹐為何總要讓愛著的人都分離﹖好不容易建立的家﹐一下子就說沒就沒了﹐你叫那些活著的怎麼辦﹖孩子沒了﹑爹娘沒了﹑丈夫沒了﹑哥哥沒了﹑弟弟沒了﹑姐姐沒了﹑妹妹沒了。回到家﹐家不成家了﹐睹物思人﹐誰跟誰的牙刷還在那兒﹔誰跟誰的電話錄音留言還在那兒﹔誰跟誰穿過的衣服味道還在那兒﹐人卻不見了﹐嗚呼哀哉﹗ 要是我在街上碰到這些活著回來的家屬﹐我很想給他們一個溫暖的擁抱﹐拍著他們的背﹐安慰他們﹕「他們先走了﹐不用再在凡塵熬一輩子﹐早登極樂世界去了。」這是我中學的時候老師對我講過的話﹐她說﹕「老天疼那些先走的人﹐讓他們結束苦痛的人生﹐早早去享福了。」也許這樣想有點阿Q﹐但可以幫助還活著的家屬繼續活下去。不好好的活下去﹐就枉費了那些犧牲自己換別人一條生路的人的心意了。明白嗎﹖ Read more [...]

X10000000000000000000000000000000﹗﹗﹗﹗﹗﹗﹗﹗﹗﹗﹗﹗ 人質重喺車上面﹐你哋去扑架車嘅玻璃又射爆人哋條呔﹖﹖﹖﹖有無諗過D人質會好危險架﹖重要同個搶手鬥開槍﹖係咪揾人質嚟練槍法呀﹖黐咗邊條筋呀你哋﹖芒果食多咗個腦唔識諗野呀﹖重有嗰個走甩咗嘅司機呀﹐你走得甩但係點解要亂咁講話成車人死晒呀﹖亂比資料D警察﹐你呀媽係咪生少咗個腦比你呀﹖低能﹗ 重有個總統死咗去邊呀﹖道咗歉未呀﹖ 我真係想知﹐如果架車上面唔係香港人而係美國人嘅話﹐佢哋夠唔夠膽咁樣救(其實係殺人質咋嘩﹖)人質呀﹖ 唉﹗罹難嘅香港人同埋佢哋嘅家屬﹐請節哀﹗唉唉唉﹗ Read more [...]

邊個係大丈夫﹖唔係我喇梗係(我點豪極都係女人吖﹗)﹐亦都唔係禧爸喎﹐講緊梗係我屋企另外一件雄性﹐口水禧喇喂﹗何解係大丈夫呢﹖因為大丈夫做咩架﹖估到喇嘛﹖咪就係一言九鼎囉﹐弊就弊在我屋企嗰件大丈夫唔係「鼎」而係「頂」嗰下慘﹗ 呢個星期嘅口水禧唔知係進化咗去另一個階段﹐定係個膽又生多咗D毛出嚟﹐日頂夜頂我個X﹐好似顛咗咁﹐總之係又頂唔係又頂﹐我真係頂佢唔順就真﹗ 繼續玩相反詞已經係屢見不鮮﹐我都慣咗當聽唔到﹐有一日我頂唔順同佢講﹐叫佢廢話留返比自己聽唔好講比我聽﹐佢當然係一輪嘴繼續追擊我喇﹐咩「唔係廢話係翠華」﹑「呢D唔係駁嘴係講野」呀上一篇blog都講咗﹐真係應佢又唔係唔應佢又唔係﹐繼續嗌落去盞嘥時間﹗ 講大話當食菜﹐問親佢乜乜係咪佢搞爛﹐第一句肯定話唔係。問多幾次都話唔係。直至一係恐嚇或者話如果佢講真話我唔會鬧佢﹐佢先話其實係佢整爛嘅。不過千其唔好以為佢自首等如認錯喎﹐佢係覺得自己咁做無問題架。例如特登踩爛D玩具(係咪好抵C呢﹗)﹐佢話嗰D唔係特登﹐亦都唔係踩爛﹐佢會理直氣壯咁話﹕「D玩具係爛嘅﹗」或者直頭話﹕「D玩具唔係禧禧嘅﹐禧禧係無玩具嘅﹗」繼而重要繼續豬o翁話我間屋企都係爛嘅﹐禧禧係無屋企嘅一大抽聽完都想大巴星到佢嘴都爛為止嘅廢話。唔理佢由得佢講咩﹐佢會以為你聽唔到佢講野﹐佢會大聲D﹐叫咗你先﹐你問佢咩事嘅話就上當﹐因為佢會好似播帶咁重複再由頭到尾講多一次頭先嗰段廢話比你聽。我而家已經可以練到聽完都無表情﹐「啊」一聲就算嘅境界。(雖然心裡面就鬧緊﹕「你個seafood鬼吖﹗好想中你塊面呀﹗」) 再進化D係開始會駁嘴駁到懶有邏輯﹐一句得埋嚟﹐你都唔知點反擊嗰隻。 有日喺車度佢同我講話嗰日喺叔叔屋企想睇怪獸公司﹐但係叔叔揾唔到隻碟。其實隻碟喺我哋屋企﹐但係我哋呃佢話比返叔叔。因為之前佢睇過之後就話驚衣櫃有野跳出嚟嚇佢﹐所以都費事再比佢睇住。但係咁樣解佢聽話唔比佢睇係怕佢會驚﹐佢肯定駁爆我個嘴都唔掂。於是被迫要講大話﹐呃佢話隻碟比咗叔叔。於是咎日當佢話喺叔叔屋企睇唔到套卡通嘅時候﹐我口快講咗話可能隻碟喺我哋度所以叔叔揾唔到﹐佢即刻話﹕「唔係喎﹐爸爸話已經比返叔叔喇喎﹗」於是情急之下唯有屈落叔叔個女度話「可能姐姐攞咗去呢﹗」咁佢先至無再追擊隻碟。第二樣野又唔見俥咁好記性﹐我叫佢要聽話﹐唔好搞乜野乜野又唔見佢記得﹗ 有日喺學校睇緊雞﹐有隻雞好搞野﹐除咗成身都係毛之外﹐連對腳都係毛﹐好似著咗對毛毛鞋咁四圍走。我同口水禧講﹕「嘩﹗嗰隻雞咁多腳毛嘅﹗」佢隨即爆咗句「XXX(佢老豆個花名)都有喇﹗(禧爸係有超多腳毛嘅)」D反應快到我都要﹗ 有日喺廁所佢洗緊手﹐我哋叫佢唔好玩水洗咁耐﹐佢竟然爆咗句﹕「收嗲喇﹗」於是即刻篤佢出嚟﹐話佢知唔可以對住爸爸媽媽或者任何長輩講呢句野﹐只有同好好嘅朋友私底下講笑嘅時候先可以用。佢話﹕「禧禧大個仔喇﹐可以講﹗」(因為前一日我讚佢大個仔﹐可以留喺叔叔屋企都唔喊)於是佢就當咗係我平時教佢一D說話小朋友唔可以講住﹐要大個先可以講呢句野已經生效﹐因為佢大個仔。講比禧婆婆聽﹐佢不知幾開心﹐重話要寄多D禮物嚟答謝口水禧幫佢報仇。車﹗我自有辦法治佢喇﹗ 其實我覺得個問題唔係喺佢嘅言語用詞或者頂嘴嘅內容﹐而係佢嘅動機。點解乜都要唱反調﹐重要係好大反應嘅反調添﹗都未計佢夠膽尖叫喝爆我同佢老豆添﹗上個星期放咗學﹐籍住洗多兩個廁所﹐吸耐D塵﹐拖延多D時間同佢個老師研究(應該係請教喇﹐我邊夠資格去同人研究吖﹗)口水禧呢排做咩事咁串﹐老師話小朋友到咗三歲幾四歲﹐就會開始覺得要主導返大人﹐要大人聽佢哋嘅一套﹐小朋友先係話事揸fit人。所以事無大小都要頂咗先﹐如果大人無反對﹐咁咪小朋友贏咗囉。就算大人反對﹐小朋友反抗﹐咁都起碼反抗咗﹐有發言權先。乜權都好喇﹐總之要有D權揸喺手﹐咁就覺得自己大晒喇﹐大個喇﹐有毛有翼﹐巴閉喇﹗亦都可能係佢哋處於又想自己話事但又知道話唔到事﹐有D野又想大人幫佢哋做但又想自己做﹐(差唔多係精神分裂咁款﹗)﹐於是就會喺自己都好茅盾嘅心情底下亂咁發洩﹐發顛﹐發狂﹑發奴騷...... 之前我間唔中都會感覺到口水禧行為上有唔同咗嘅變化﹐然後又好似無事變返平時咁。不過我知道呢次唔會再變返以前嗰隻叫佢做佢就做嘅綿羊﹐家下變咗叫佢做佢唔做唔叫佢做佢即刻做嘅魔童﹗萬事頂到行﹐我講一句﹐佢頂幾句﹐老師話係時候要佢有返D紀律﹐哈哈﹗有老師撐我條腰﹐不知幾咁眶眶聲響呀﹗你個衰仔﹗我都忍得你耐﹗呀媽磨拳擦掌﹐等待出擊﹗ 放一萬個心﹐我唔係體罰佢﹐係買咗本野叫Positive Read more [...]