Author: 禧媽

自從口水禧返咗學之後﹐呢個blog就開始債台高築喇﹐街數越疊越高﹐相信當中有唔少已經慘變壞賬﹗經已連爆石嘅時間都一心幾用﹐唔怪之得呢個世界有利搭利喇。無計喇﹐影咗口水禧相如果唔盡快post出嚟﹐一來禧婆婆無野睇﹐二來拖下拖下就會不了了知架喇。望見blog友嘅留言﹐有時重水蛇春咁長﹐我諗都花咗唔少時間打咁大篇留言過我﹐唔覆真係好似有D過意唔去﹐所以閣下可能會半個月後(或者更長時間)突然收到一個傻婆嘅回覆﹐可能當你收到嘅時候已經唔知我講緊乜﹐因為你連自己留咗乜比我都唔記得咗﹐若然無set到電郵通知有回覆留言嘅話﹐咁個會覆更加就會變成石沉大海添......點都好喇﹐留咗言嘅blog友﹐我全部有睇﹐邊個打邊個我都記得。(連邊叉個成日﹐係日日﹐都嚟落廣告留廢話嗰D我都會記得......delete你添架﹗)

成日都聽人講﹐家下嘅細路精甩辮﹐唔係再好似我哋細個嗰陣咁成舊蕃薯咁(OK....OK﹐淨係我薯囉﹐好未﹖)﹐都唔知真係喺肚裡面嘅時候已經吸盡日月精華定係出咗嚟之後食奶粉補過頭﹐莫講話駁嘴駁到曉飛﹐個膽勁過豹子膽﹐記性好到不得了﹐得罪過佢哋﹐你都唔洗旨意諗住側側膊唔多覺呀﹗細個嗰陣唔識反抗就任你鬧都淨係識喊﹐到大D嘅時候先嚟同你算返D舊賬﹗

快將四歲的口水禧﹐比上個月又有了很大的轉變。現在除了玩具之外﹐還很喜歡玩些跟我們有互動的遊戲。而且開始明白每個遊戲都有其規則﹐要玩就要遵守﹐雖然嘴巴還是那麼愛頂﹐不過看得出他已很努力地控制自己不要搞破壞(尤其是跟我玩的時候﹐他會比較乖。跟他老子就......)

自從口水禧自己上學以後﹐每天我跟他一起去學校﹐我做好我的事情以後﹐就可以跟他揚手說再見。然後到差不多下課的時候才去學校接他回家。基本上都沒有出過什麼岔子﹐不會在我離開學校的時候哭鬧﹐也不會在看見我去接他的時候顯得特別興奮。不過倒會不停嘴的告訴我他在學校裡幹了什麼﹐玩了什麼玩具等等。阿彌陀佛﹗老娘的書童生涯正式結束。