禧媽 – 口水禧日記

0

Spring Break

Posted on April 25, 2011 by 禧媽

口水禧與媽媽嘅第一個spring break終於揭冪喇﹗
話實咩係spring break我都唔係好清楚﹐淨係知個個學生都有假放啫。不過間間學校可能放假嘅時間都唔一樣﹐但係肯定係喺呢個時候放。口水禧學校放一個禮拜﹐即係呢個星期我哋唔洗再晨咁早起身趕到倒瀉X咁仆到返學校。無錯﹐佢放假﹐最開心嘅暫時係我。

1

四歲多的口水禧﹐不單止在行為舉止上模仿大人﹐原來這麼小的孩子也會對異性產生傾慕之情。每當我們提起那位他認為班中最漂亮的女孩﹐口水禧會立刻漲紅了臉﹐面上露出尷尬的笑容﹐看他突然變得煞有介事地轉換話題﹐瞎扯些沒關痛癢的事情掩飾極難為情的場面﹐我跟他老子都會捧腹大笑﹗當他第一次有這個反應的時候﹐還馬上鑽進我的懷抱﹐笑笑地問﹕「呀﹐點解會面紅嘅﹖」抱著他﹐我對他說這是很正常的事﹐每個人都會這樣子﹐沒什麼大不了。

0

脫毛初哥

Posted on April 20, 2011 by 禧媽

話說有日呀媽見天氣都開始可以著下短打﹐於是拿拿臨同自己D手手腳腳美容下﹐話晒都叫做女人一個﹐唔好行出街搞到人哋以為我借咗個老公D毛手毛腳出街喇。誰不知﹐呢頭放低D美容架生﹐嗰頭有個三尺多少少嘅黑影喺我面前掠過﹐說時遲那時快手起刀落係咁起勢刨自己對腳﹐明明係手持一部電動嘅機器﹐奈何鄉下人唔知點用﹐竟然將人哋當做手動嘅剃刀嚟用﹐此起彼落咁剃到有聲有色﹐唔講以為佢喺樹刨緊自己D皮呀﹗ Read more [...]

0

角色扮演

Posted on April 15, 2011 by 禧媽

~劇終~

上次家長日做嘅問卷﹐其中有一條係問小朋友有無攞D角色扮演嘅衫嚟著﹐跟住就會將自己扮成嗰件衫嘅人物﹐例如著公主衫就扮公主﹐著超人衫照扮超人。開頭我係圈咗「無」嗰個答案﹐因為口水禧真係無咁嘅嗜好﹐學校有好多呢D衫掛晒喺度比D小朋友攞嚟著﹐但我從來都無見過口水禧去攞嚟著。再加上係我哋屋企無買呢D衫比佢著(除咗萬聖節之外)﹐所以我咪話無囉。

0

夜半揾蟲蟲

Posted on April 13, 2011 by 禧媽

今日下晝收到口水禧學校嘅電郵通知﹐話隔離班有同學發現生蟲﹐叫我哋家長留意仔女有無成日「R羅友」嘅現象﹐有嘅話就要半野揾蟲蟲。據講嗰位同學生嘅係蟯蟲(pinworm)﹐即幼兒園最常見嘅寄生蟲。透過小朋友因為肛門痕癢而R屁股之後無洗手﹐蟲蛋有可能留咗喺手指甲入面﹐再經由嗰位小朋友就圍摸玩具摸野食散播開去﹔亦可由鼻腔吸入再落消化系統而傳染。每一隻蟲乸可以生一萬至萬五粒蟲卵﹐專門揀半夜小朋友瞓著覺嗰陣﹐肛門鬆馳而出嚟係肛門附近生蛋﹐因為蟲卵雖要氧氣孵化﹐所以蟲乸要爬出嚟生蛋。(頂﹗寫到呢度我已經周身痕﹗但我無生蟲呀﹗) 領咗野嘅小朋友通常會出現R Read more [...]

0