Author: 禧媽

救命呀﹐D字體問題幾時先可以解決呀大佬﹖我搞咗好耐﹐改HTML又試過﹐重新打過又試過﹐點搞呀yahoo?
早前講過口水禧未搭過呢度嘅交通工具﹐以至circle

Over, over! 我哋返回地球喇喂﹗下個星期終於可以放聖誕假喇﹐兩個禮拜「黃金週」呀大佬﹗重矜貴過黃金呀真係﹗開學後﹐又唔知幾時可以再有時間update個blog喇。明晚重要去學校做口水禧嘅"my

有無聽過「讀千卷書不如行萬里路」﹖睇報紙成日見到某女星被人話一日到黑都帶住個仔去拍戲﹐搞到個仔無書讀。實則情況我唔了解﹐無謂批評人哋呀媽嘅做法。但在我嚟講﹐我覺得除咗個小朋友會因為四圍去而無咗同同學之間嘅社交機會之外﹐我又真係唔覺帶住讀緊幼稚園嘅細路四圍去有乜唔妥喎。

D字體真係令人超級無奈......唉﹗感恩節後咪就等如我哋過咗年之後年初四咁嘅境況囉。返工嘅要返工﹐返學嘅要返學﹐至於我哋你隻大打雜呢﹐就無話假唔假期架喇﹐不過佢哋D老爺大少放假喇喎﹐我哋D打雜咪唔洗咁趕頭趕命而已。我嘅債臺已經由呢個blog發展到多咗幾範﹐爭學校N樣野﹑屋企野﹑自己野等等。利搭利原來真係好乸利﹐真係還極都還唔完架﹗嗚~~~算喇﹐無謂提。快D完成呢個新鮮滾熱辣嘅blog之後再博殺過。感恩節前奏一連四日嘅感恩節假期(其實有D公司淨係放24號星期四一日架啫)﹐不過禧爸公司連星期五都放埋﹐加埋星期六日﹐所以就有一連四日假咁多﹐係全年最長嘅公眾假期嚟架喇。每年嘅感恩節正日都會同winnie一家過。今年我拍心口話整prime

終於都等到成年最多假期嘅感恩節喇﹗ 嘩頂﹗ 恨到頸都長就係為咗下個禮拜嘅學校假期﹐等我可以回一回氣﹗自從口水禧開咗學之後﹐我強烈咁覺得自己又重返校園﹐過緊幼稚園嘅校園生活﹐我嘅學生生涯又再度反生﹗ 皆因今年多手工做﹐ 所以差唔多個個禮拜老師都有野比我帶返屋企剪剪貼貼﹐幫D細路準備好D教材﹐等佢可以一上堂就有得用。雖知我嘅手工藝就真係數一數二......差嗰隻水平﹐尤其係剪野方面﹐我特別有障礙﹐可能係細個嗰陣無乜去playgroup訓練D咩小里肌﹑大里肌(我淨係識邊個係李龍基咋﹗八十後應該以為我黐咗線唔知講緊乜......)唔打緊喇﹐都係想表達我對手唔靈巧嘅特點啫。加上我個人嘅衰格﹐寧舍鍾意臨急抱佛腳﹐唔燒到眼眉都唔開始剪﹐結果個下場就係......

自從對上嗰次堅成嚟過我哋屋企玩咗兩個鐘頭之後﹐每次禮拜二送佢返屋企嗰陣﹐佢就會問「今日係咪去你屋企玩呀﹖」或者係「Colin可以去我屋企玩下喎。」但返學嘅日子放學後嘅時間實在緊迫﹐唔係咁容易撥到時間出嚟招呼兩位人兄將我間屋爆破咁玩﹐所以一直都想揾個得閒D嘅日子先請佢嚟playdate﹐既唔洗送咗佢返屋企之後我同口水禧趕到X淋X賴咁撲返屋企沖涼煮飯執野﹐又可以真正比佢哋玩晒想玩嘅野﹐幾咁好呢你話﹗於是﹐上個星期就約好咗今個禮拜整日playdate喇﹐揀嚟揀去﹐一於就星期五喇﹐還掂唔洗返學。口水禧尋日就已經非常興奮﹐禧婆婆打電話嚟嗰陣就已經四處張揚堅成今日嚟玩嘅事。夜晚叫佢瞓覺都唔洗角力﹐就咁講話「第二朝人哋嚟到你重瞓緊覺﹐咁人哋就返屋企唔同你playdate架喇」﹐條友仔哈作非常﹐乖乖哋就範去見周公。堅成嘅魅力真係無野好講喇﹗約好咗堅成媽感朝十一點左右送堅成嚟我哋度﹐為免口水禧龜速進食阻礙個playdate﹐我臨瞓前較好鬧鐘﹐今朝八點幾就起身整早餐比大少食﹐等佢hea都有兩粒幾鐘hea﹐應該唔會人哋嚟到佢重食緊早餐啩。一早起身﹐見口水禧按耐不住嘅興奮神情﹐真係唔整蠱下佢都唔得喇﹐係咪先﹗於是喺佢手舞足蹈嘅時候﹐我向佢爆咗句﹕「艾呀﹐堅成個媽媽頭先打比我話今日堅成唔嚟喇﹗」頓時只見本來重嘴角重係向上揚﹐大聲高歌緊嘅禧歌突然呆咗﹐聲量變細﹐有D難以置信嘅表情﹐窒窒下咁問﹕「呀......點解呀﹖咁聽日嚟唔嚟呀﹖」真係未瞓醒都即時比佢笑醒喇﹗話佢知我整蠱佢咋﹐個懵佬又即刻變臉繼續高歌﹐嘩﹗D荷爾蒙無事吖嘛﹗原來我哋瞓醒之前﹐堅成媽已經打過電話嚟(咁早嘅﹖)但我部電話較咗無聲所以接唔到佢電話﹐其實都有少少以為佢哋真係唔嚟。不過後尾再打多次嚟話淨係想確實今日可以過嚟啫。搞呢搞路﹐食完早餐執好間房都未見堅成嘅蹤影。口水禧隔幾分鐘就問一次「點解堅成重未嚟嘅﹖」我點知喎大佬﹗終於都等到堅成嚟到我哋屋企喇﹐一開門﹐口水禧即刻高歌一曲﹐然後兩條友喺一秒之內已經忘記咗自己呀媽嘅存在﹐堅成媽同堅成講bye

如果見到D字炒埋一碟﹐你對眼無事﹐係yahoo有事咋﹗整咗幾廿次﹐D字都重係打風咁﹐唉﹗啱啱過去嘅星期一係美國嘅小朋友大日子萬聖節﹐嗰日D細路真係「人擋殺人﹐佛擋殺佛」咁嘅情緒﹐邊個阻佢哋去逗糖嘅話﹐怕且嗰晚都要喺一片哭聲中渡過都似﹗等咗成年都係為咗呢日特赦﹐可以博老命攞糖﹐成年就係呢日嚟儲糧架喇﹗你話對於佢哋嚟講係咪老豆呀媽都要行埋一二邊呢﹗

喺一間意大利餐廳裡面佈置華麗燈光浪漫食客有邊淺嚐紅酒中有細味品嚐面前美食突然餐廳中有位男士唔理三七廿一喺自己個餐具盒裡攞出~筷子一對!!!!~夾佢面前碟mac

全部都係濕濕碎碎嘅小事幾樁。上個星期六係學校嘅Saturday School﹐又係比D平時無乜機會嚟co-op或睇小朋友上堂嘅家長/親朋戚友嚟八下呢班豆丁喺學校嘅情況嘅好機會。是日嘅主題係即將嚟臨嘅Halloween﹐所以老師嘅衣著都叫做悉心打扮過下﹐著晒D南瓜上身咁囉。其他野就同平時差唔多﹐一樣係有咁多張賭枱﹐呀﹐係活動枱先啱﹗但真係好似個迷你賭場咁﹐張張枱都做唔同嘅野﹐真係想賭大細又得﹐玩百家樂又得﹗基本上從未co-op過嘅禧爸﹐呢D場合都會嚟參與下﹐關心下口水禧喺學校究竟做D乜。所以當日都係得我哋一家都到齊﹐有佢陪口水禧﹐我就放心去履行我嘅工作﹐周圍同D細路同埋佢哋嘅家人影下相﹐用嚟入落佢哋嘅回憶冊。話時話﹐嗰日我唔帶相機嘅話﹐就真係無人影相﹐全日嘅境象就會變成大家腦入面嘅片段而已。但我想影低小朋友喺每一個特別日子嘅情境﹐因為你會睇到佢哋不停咁蛻變緊。唔影低﹐一轉眼就過﹐過咗都唔知﹐然後突然有一日你先發覺時光過得太快﹐點解個仔一轉眼就咁大個﹐大得咁快嘅﹖咁係因為你唔得閒﹑你無留意﹑你唔知道﹑你已經錯過咗佢哋蛻變中好多精彩嘅一幕幕。