再度擾民
嘩﹗發mo blog發到無晒影﹐係咪以為我收咗山﹐絕咗跡呢﹖咪開心住﹐我未收山架﹐大家重有排見到我篤眼篤鼻架﹗無計架喇﹐快D去打小人喇唯有﹗
當大家見到呢篇野嘅時候﹐相信我已經去咗一個好遠嘅地方……之唔係C返嚟美國囉﹗其實已返咗一段時間﹐連時差都無埋喇﹐你話返咗幾耐呢﹗咁點解咁耐都無浦頭呢﹖都係嗰D「因為同所以」囉。(再講都驚會口臭﹗)
Author: 禧媽
乜……野道理﹖
有四個人喺巴士上食雪糕﹐同巴士司機講咗﹐佢就話﹕「啊﹐你幫我叫晒佢哋落嚟喇。」喂﹐乜乘客有權或有義務去叫另外嘅乘客落嚟揾司機架咩﹖上去叫嗰四件菲傭唔好喺巴士食野﹐人哋一句多管閒事﹐繼續開開心心咁食﹐重串到特登嘻哈大笑﹐繼續用一半佢國家話加英文串你兼大聲播佢聽嘅歌(重跟住唱添﹗)。臨落車睥住你成家﹐同佢講多句you shouldn't eat on the bus之後重要換幾句f*ck Read more [...]
新年過後
發mo blog開市喇喂﹗唔好以為我係因為發咗好多新年財所以搞到個blog發晒mo都唔理﹐實則係日日都要湊仔陪屋企人同打下機咁喇﹐原來喺香港都可以好忙的。(作C呀﹐打機﹖) 唔試都唔知原來一開始咗打就停唔到手嗰隻﹐唔怪之得喺地鐵或者喺街都見到咁多人耷低頭係咁篤篤下喇﹗不過我淨係喺屋企得閒先篤架咋﹐我喺街無篤架﹗
肥龍渡歲﹐旺禧再現
恭喜發財﹗祝大家龍年萬事如意﹐身體健康﹗
農曆新年﹐又係一對貪錢嘅母子發新年財之時﹐唔記得年廿幾嘅時候﹐個呀媽已經執好發財行裝﹐準備同個仔嚟發財。
口水禧的P牌
記得我大約係小學一年班嘅時候學踩單車﹐當時係有個叔叔見我自己喺度亂咁舞架單車﹐頭搖又尾擺咁﹐成日都界乎係跌同唔跌之間﹐於是好心教我學﹐結過學咗一陣就搞掂咗。我細個好百厭﹐成日都會PK﹐一對膝頭哥係無忽好肉嘅﹐佈滿藍藥水嗰隻。(唔知家下重興唔興用藍/紅藥水架呢﹖)個膽都唔細﹐所以唔怕踩單車會PK﹐還掂成對腳都係藍藥水同疤痕﹐多一達「喇」唔多﹐無乜所謂。(大個先知咁樣係著唔到短裙/褲﹐嗚~~~~)
口水禧的生日節目
上一篇嘅「給禧兒書 V」整喊咗咁多位真係唔好意思﹐本人純粹係諗住有咁感動寫咁感動﹐等我第時老咗﹐個衰仔比家用嗰陣會鬆手D咁啫﹐絕對無心幫大家通淚線嘅﹐所以你哋~~可以慳返D眼淚~~﹐無謂為咗一個貪錢嘅呀媽而流馬尿喇﹗有見咁多位留咗言祝個茂利生日快樂﹐我呢個做呀媽嘅唔知點答謝大家(已經用龜速回緊留言架喇﹐慢慢等喇﹗)﹐唯有出賣我一家﹐一陣比D野各位笑下我哋喇。咁大嘅犧牲﹐我個人認為應該收返D利是嘅……
給禧兒書V
媽媽的禧兒﹕
又是一年下來的這個日子了﹐一如既往﹐媽媽哄你睡了以後就坐在客廳的火爐旁寫第五封信給你。今天啊﹐媽媽的腰特別疼﹐下午還有點擔心不知道晚上能不能撐著給你寫信﹐可是想到一年就那麼一封信嘛﹐還是把它寫了才算吧。
Winter Wonderland 最簡單的快樂
一連幾日嘅聖誕﹑新年假期如風一樣咁過去﹐明日開始又係年初四咁嘅面口喇。成個假期除咗聖誕去咗朋友屋企打邊爐之外﹐好似無乜點慶祝D乜野﹐或者係有我都唔記得咗成家人到底呢個假期做咗乜。你話我D老人痴呆係咪越嚟越嚴重呢﹗
平安夜有幾平安﹖
平安夜﹐有人好平安哋坐喺急症室將床上面﹐平安地領咗十三針﹐左三針麻醉針﹔右三針麻醉針﹔左縫三針﹔右縫三針﹔右手手臂加多一針破傷風。
單車
早前提過關於禧爸開始踩單車做運動。週末朝早襯我同口水禧重係好夢正酣嘅時候﹐禧爸就會出去踩單車。而家天氣凍到呀媽都唔認得(有時朝早只有零度)