Author: 禧媽

繼上次自創咗個母親節呃咗餐飯之後﹐到咗真正嘅母親節嗰日﹐婆婆話想去行下酒莊Napa
Valley﹐於是食完個早餐之後﹐我哋喺網上揾咗幾個參觀地點之後就出發。其實嚟咗咁多年﹐我都未去過Napa

做咗三十幾年人﹐我做得最多嘅事就係「火羅」爆事。上次學校旅行嗰篇各位已經見識過我嘅成就喇﹐之不過﹐正所謂「火羅」開有條路﹐我總係獲獲「火羅」爆獲獲瘀皮。天呀﹐可唔可以比我做返個正常人呀﹖嗚~~~~~

踏入五月真係令人又興奮又感嘆﹐內分泌失調﹗興奮嘅原因係口水禧返埋呢個月就正式畢業離開雞雞學校﹐告別preschool生涯﹐九月就會去幼稚園返學﹐正正式式成為一個幼稚園生喇。時間真係過得好快﹐嗰個日日要呀媽陪返學嘅蛋散﹐一轉眼已經話咁快就畢業﹐伴讀生涯仿彿好似啱啱尋日嘅事……合起雙眼﹐總會飄過當初同佢一齊返學放學嘅片段﹑課室裡面有人大叫媽媽﹑由一舊飯完全唔知人哋講乜去參加circle

幾日唔見咗影﹐可能會有人以為我帶咗口水禧去做激光磨皮﹐整返滑塊面呀呢﹖(傻喇﹐邊有咁多閒錢吖﹗況且﹐麻甩仔塊面洗鬼咁滑咩﹗有錢都比個呀媽去磨咗皮﹑抽咗脂先喇﹐係咪先﹗)

多謝大家對爛面禧嘅慰問﹐不過我知大家係想安慰我多過佢﹐因為條友仔完全係乜都唔知架﹗哈哈﹗

其實當日發生嘅經過係咁嘅﹐話說口水禧同佢老豆去踩單車﹐我就喺屋企吸緊塵﹐婆婆就去咗散步。過咗一輪﹐禧爸打返嚟屋企叫我去車佢哋返屋企﹐因為口水禧撲咗街整損咗塊面。叫得我去車﹐我都心知不妙﹐不過一路去緊嘅時候我都盡量提醒自己千其唔好好大反應﹐更加唔可以鬧口水禧點解咁唔小心整到塊面咁喇。呢個真係我哋做父母常犯嘅通病﹐細路一跌﹐我哋就即刻撲埋去鬧﹕

今日下晝喺屋企吸緊塵﹐突然接到禧爸個電話﹐佢話口水禧踩單車撲街﹐叫我即刻去車返佢兩個返屋企。唉﹗叫得我去車﹐咁即係唔慌好野喇...... 

一對煙屎牙再加爛面﹐造就一個廿年後嘅剩男﹗  我想殺咗你呀﹐人地老豆﹗

放咗成個禮拜嘅spring break(作死我呀﹐放成個禮拜假淨係寫過一篇新blog﹐難道其他時間攞去「捕蛋」呀﹖)﹐集中火力~~~~~嘆﹗有乜好嘆﹖嘆下唔洗「倒瀉X」嘅日子﹔嘆下下晝口水禧瞓咗晏覺後嘅寧靜﹔嘆下夜晚上網唔洗擔心第二朝起唔切身跟住又「倒瀉X」送人去返學。何其爽﹗加上多咗個「全職呀婆」幫手﹐每日我起身嘅時候﹐呀婆已經用光速嘅時間洗咗衫﹑淋埋花﹑整早餐過口水禧食﹐我嘅存在實在係有D「多舊魚」嘅﹐咁我唯有就係嘆把喇﹗

尋日開始覺得喉嚨痛﹐到接咗口水禧返屋企之後直頭有D周身骨痛﹐真係比呀婆講中領咗野﹐放學嗰陣去買咗盒感冒沖劑返屋企飲﹐一邊飲一邊睇下口水禧做佢D剪貼功課﹐佢有佢是但剪是但填色﹐見佢都有D疲態﹐糾纏落去都唔係辦法架﹗於是提議不如出去後院做喇﹐外面空曠D﹐空氣清新D﹐加上外面凍D人都醒D喇﹗

而家有咗WhatsApp﹐一影咗相就可以即刻比肥玲佢哋睇﹐變相係懶咗整上嚟個blog度添。(喂﹗呢排係咪食咗誠實豆沙包呀我﹖做乜係咁爆自己D衰野出嚟架呢﹖)於是亦都搞到無WhatsApp嘅人無晒我哋呢幾件蛋散嘅消息﹐呀公日日等肥玲開D相比佢睇等到發MO。好喇﹐家陣還返晒出嚟喇﹐一獲過嘔返自從返嚟之後影過嘅相出嚟喇。不過唔好要求一個疑似老人痴呆嘅人順序咁出相喇﹐因為佢唔得邊張打邊張相係幾時影架喇。